ຂໍ້ມູນຈາກເວບໄຊທາງການຂອງຄະນະກຳມະການໂອແລມປິກສາກົນ ແຈ້ງໃຫ້ຮູ້ວັນທີ 15 ກຸມພາ2022 ວ່າ: ທ່ານ ໂທມັສ ບັກສ ປະທານຄະນະກຳມະການໂອແລມປິກສາກົນ ໄດ້ສະແດງຄວາມຊົມເຊີຍສະຖານີວິທະຍຸ-ໂທລະພາບສູນກາງຈີນ (CMG) ທີ່ໄດ້ປະກອບສ່ວນໃນການຖ່າຍທອດສົດ ແລະ ລາຍງານຂ່າວກ່ຽວກັບງານກີລາໂອແລມປິກລະດູໜາວ ຄັ້ງທີ 24 ປີ 2022 ທີ່ ປັກກິ່ງ ສປ ຈີນ.
ຈາກການແຂ່ງຂັນງານດັ່ງກ່າວ ມາຮອດວັນທີ 11 ກຸມພາ 2022 ມີຜູ້ຊົມຊາວຈີນ ທີ່ຮັບຊົມງານກີ ລາໂອແລມປິກລະດູໜາວ ປັກກິ່ງ ປີ 2022 ຜ່ານທາງໂທລະພາບ ລວມເວລາທັງໝົດ 2,05 ຕື້ຊົ່ວໂມງ ເຊິ່ງຕົວເລກດັ່ງກ່າວ ສູງກວ່າ 15% ທຽບໃສ່ຍອດຈຳນວນເວລາຮັບຊົມຂອງຜູ້ຊົມໂທລະພາບໃນງານກີລາໂອແລມປິກລະດູໜາວ 2 ຄັ້ງຜ່ານມາ ຄື: ງານກີລາໂອແລມປິກລະດູໜາວ ພຽງຊາງ ປີ 2018 ແລະງານກີລາໂອແລມປິກລະດູໜາວ ໂຊຈີ ປີ 2014.
ເພື່ອສະແດງຄວາມຊົມເຊີຍຜົນງານຂອງສະຖານີວິທະຍຸ-ໂທລະພາບສູນກາງຈີນ ແລະ ສາຍພົວພັນຄູ່ຮ່ວມມືຍາວນານ ລະຫວ່າງສະຖານີວິທະຍຸ-ໂທລະພາບສູນກາງຈີນ ກັບຄະນະກຳມະການໂອແລມປິກສາກົນ ທ່ານ ໂທມັສ ບັກສ ໄດ້ມອບລາງວັນປະທານຄະນະກຳມະການໂອແລມປິກສາກົນ ໃຫ້ທ່ານ ເຊີ້ນໄຫຊົງ ຜູ້ອຳນວຍການໃຫຍ່ສະຖານີວິທະຍຸ-ໂທລະພາບສູນກາງຈີນ.
# ຂ່າວ – ພາບ : ສະບາໄພ