ທ່ານ ຣັດຕະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ໄດ້ຖະແຫຼງຂ່າວປະຈຳວັນທີ 2 ກຸມພາ 2022 ທີ່ກະຊວງສາທາລະນະສຸກໃຫ້ຮູ້ວ່າ ວັນທີ 1 ກຸມພາ 2022 ທົ່ວປະເທດໄດ້ເກັບຕົວຢ່າງມາກວດຊອກຫາເຊືື້ອໂຄວິດ-19 ທັງໝົດ 3279 ຕົວຢ່າງ ກວດພົບເຊື້ອທັງໝົດ 463 ຄົນ (ຕິດເຊື້ອພາຍໃນ 456 ຄົນ ແລະ ນໍາເຂົ້າ 7 ຄົນ).
ບັນດາແຂວງທີ່ມີຜູ້ຕິດເຊື້ອຄື
- ນະຄອນຫຼວງວຽງຈັນ (ນວ) 102 ຄົນ
- ຊຽງຂວາງ 77 ຄົນ
- ຫົວພັນ 42 ຄົນ
- ໄຊຍະບູລີ 32 ຄົນ
- ບໍລິຄຳໄຊ 28 ຄົນ
- ສາລະວັນ 27 ຄົນ
- ສະຫວັນນະເຂດ 19 ຄົນ
- ເຊກອງ 18 ຄົນ
- ອຸດົມໄຊ 17 ຄົນ
- ຜົ້ງສາລີ 16 ຄົນ
- ວຽງຈັນ 16 ຄົນ
- ອັດຕະປື 13 ຄົນ
- ບໍ່ແກ້ວ 12 ຄົນ
- ຄຳມ່ວນ 11 ຄົນ
- ຫຼວງພະບາງ 10 ຄົນ
- ໄຊສົມບູນ 10 ຄົນ
- ຈຳປາສັກ 5 ຄົນ
- ຫຼວງນໍ້າທາ 1 ຄົນ
ສ່ວນການຕິດເຊື້ອນໍາເຂົ້າມີ 7 ຄົນ ຈາກຄຳມ່ວນ 3 ຄົນ ສະຫວັນນະເຂດ 4 ຄົນ ທັງໝົດໄດ້ເຂົ້າຈຳກັດບໍລິເວນຕາມສະຖານທີ່ກຳນົດໄວ້ກ່ອນຈະກວດພົບເຊື້ອ ປັດຈຸບັນມີຜູ້ຕິດເຊື້ອສະສົມທັງໝົດ 134.901 ກໍລະນີ ອອກໂຮງໝໍ 697 ຄົນ ກຳລັງປິ່ນປົວ 5.235 ຄົນ ເສຍຊີວິດສະສົມທັງໝົດ 553 ຄົນ ເສຍຊິວິດໃໝ່ 2 ຄົນຄື ຈາກຊຽງຂວາງ 1 ແລະ ອຸດົມໄຊ 1 ຄົນ.
ປັດຈຸບັນ ປະຊາຊົນສ່ວນຫຼາຍແມ່ນການຊື້ ATK ມາກວດເອງ ແລະ ເມື່ອພົບເຊື້ອກໍພະຍາຍາມປິ່ນປົວຕົນເອງ ລວມທັງຄົນໃນຄອບຄົວ ການກະທໍາແບບນີ້ແມ່ນມີຄວາມສ່ຽງເພາະບໍ່ສາມາດປະເມີນອາການຂອງຕົນເອງໄດ້ດີຄືແພດໝໍ ດັ່ງນັ້ນມັນບໍເປັນສິ່ງທີ່ເຮົາຈະຕ້ອງໄດ້ປິດບັງຂໍ້ມູນການຕິດເຊື້ອຂອງຕົນເອງ ຫຼື ຄົນໃນຄອບຄົວຍ້ອນຢ້ານສັງຄົມລັງກຽດ ຫຼື ຢ້ານຈະຖືກນໍາສົ່ງໄປໂຮງໝໍພາກສະໜາມ ການປຶກສາແພດໂດຍຜ່ານສາຍດ່ວນ 164 ແມ່ນເພື່ອໃຫ້ແພດໝໍ ສາມາດປະເມີນ ຫຼື ໃຫ້ຂໍ້ແນະນໍາວ່າເຂົ້າເງື່ອນໄຂສາມາດປິ່ນປົວຢູ່ເຮືອນໄດ້ບໍ ຫຼື ຈະຕ້ອງໄດ້ຕິດຕາມຖ້າມີອາການທີ່ບົງບອກເຖິງຄວາມຮຸນແຮງຂອງພະຍາດແມ່ນໜ່ວຍເເພດເຮົາສາມາດເຂົ້າມາຊ່ວຍເພື່ອນໍາໄປສົ່ງປິ່ນປົວໃນໂຮງໝໍໄດ້ຢ່າງທັນເວລາ ແລະ ຫຼຸດຜ່ອນການເສຍຊິວິດທີ່ສາມາດຫຼີກລ້ຽງໄດ້.
..# ຂ່າວ & ພາບ : ອົ່ນ ໄຟສົມທອງ