ວັນທີ 28 ມັງກອນ 2022 ທ່ານ ນາງ ສີໃສ ລືເດດມູນສອນ ກໍາມະການກົມການເມືອງສູນກາງພັກ ເລຂາທິການສູນກາງພັກ ຫົວໜ້າຄະນະຈັດຕັ້ງສູນກາງພັກ ໄດ້ເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງເຊກອງ ໂດຍການຕ້ອນຮັບຂອງທ່ານ ເຫຼັກໄຫຼ ສີວິໄລ ກຳມະການສູນກາງພັກ ເລຂາພັກແຂວງ ເຈົ້າແຂວງເຊກອງ ພ້ອມດ້ວຍຄະນະເຂົ້າຮ່ວມ.
ການລົງຢ້ຽມຢາມ ແລະ ເຮັດວຽກຢູ່ແຂວງເຊກອງຄັ້ງນີ້ ທ່ານ ນາງ ສີໃສ ລືເດດມູນສອນ ໄດ້ເຂົ້າຮ່ວມກອງປະຊຸມຜັນຂະຫຍາຍວຽກງານຈັດຕັ້ງທົ່ວປະເທດ ຄັ້ງທີ XI ແລະ ສະຫຼຸບຕີລາຄາວຽກງານຈັດຕັ້ງ ວຽກງານກໍ່ສ້າງພັກ-ພະນັກງານ ແລະ ວຽກງານປັບປຸງກົງຈັກການຈັດຕັ້ງທົ່ວແຂວງ ໄລຍະ 5 ປີ (2016-2020) ແລະ ທິດທາງແຜນການ 5 ປີຕໍ່ໜ້າ ໂດຍໄດ້ຮັບຟັງການລາຍງານໂດຍຫໍ້ຍກ່ຽວກັບການນຳພາຊີ້ນຳ ແລະຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ XI ຂອງພັກ ແລະ ມິຕິ X ຂອງອົງຄະນະພັກແຂວງ ແລະ ການດຳເນີນກອງປະຊຸມຜັນຂະຫຍາຍມະຕິກອງປະຊຸມວຽກງານຈັດຕັ້ງທົ່ວປະເທດ ຄັ້ງທີ XI ຂອງແຂວງເຊກອງ ຈາກທ່ານ ເຫຼັກໄຫຼ ສີວິໄລ ເຈົ້າແຂວງເຊກອງ ເຊິ່ງຜົນສຳເລັດໃນການນຳພາຊີ້ນຳໃນປີ 2021 ໂດຍລວມແລ້ວເສດຖະກິດຂອງແຂວງຍັງສືບຕໍ່ຂະຫຍາຍຕົວຕາມທ່າອ່ຽງຂອງເສດຖະກິດແຫ່ງຊາດ ໂດຍສະເພາະຂົງເຂດອຸດສາຫະກໍາ-ພະລັງງານໄຟຟ້າ ບໍ່ແຮ່ ຂົງເຂດກະສິກຳ-ປ່າໄມ້ ລວມຍອດຜະລິດຕະພັນພາຍໃນໝົດປີບັນລຸໄດ້ 3,3% ການຈັດເກັບລາຍຮັບເຂົ້າງົບປະມານລວມ ປະຕິບັດໄດ້ 104,5 ຕື້ກີບ ເທົ່າກັບ 128,5% ພູດທ້ອງຖິ່ນປະຕິບັດໄດ້ 99,23 ຕື້ກີບ ເທົ່າກັບ 130,32% ຂອງແຜນ ການປີ ລື່ນແຜນ 30,32% ຄະນະພັກ-ອົງການປົກຄອງແຂວງ ແລະ ຂະແໜງການກ່ຽວຂ້ອງ ໄດ້ນຳພາປະຊາຊົນຈັດຕັ້ງປະຕິບັດໂຄງການແກ້ໄຂຄວາມທຸກຍາກ ຄາດຄະເນຄອບຄົວທຸກຍາກຫຼຸດລົງໃນປີ 2021 ຈຳນວນ 548 ຄອບຄົວ ເທົ່າກັບ 85% ຂອງແຜນການປີ ກ່ຽວກັບການຈັດຕັ້ງເຊື່ອມຊື່ມ ແລະ ຜັນຂະ ຫຍາຍມະຕິ XI ຂອງພັກ ແລະ ມິຕິ X ຂອງອົງຄະນະພັກແຂວງ ແມ່ນສຳເລັດນັບແຕ່ຂັ້ນແຂວງຈົນຮອດຮາກຖານ ປັດຈຸບັນ ພວມຢູ່ໃນຂະບວນການຫັນມະຕິດັ່ງກ່າວ ເຂົ້າໃນການພັດທະນາເສດຖະກິດ-ສັງຄົມຂອງບັນດາພະແນກການ ບັນດາເມືອງ ເພື່ອແນ່ໃສ່ ສ້າງການຫັນປ່ຽນຢ່າງແຂງແຮງເລິກເຊິງ ຮອບດ້ານ ເຂົ້າໃນການແກ້ໄຂບັນຫາຕົວຈິງຢູ່ຮາກຖານຢ່າງມີປະສິດທິພາບ ປະສິດທິຜົນ ປະຊາຊົນໄດ້ຮັບສິດຜົນ ປະໂຫຍດທີ່ແທ້ຈິງ..
.
.# ຂ່າວ & ພາບ : ຊິລິການດາ