ທ່ານນາງ ພອນປະເສີດ ໄຊຍະມຸງຄຸນ ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ລາຍງານໃຫ້ຮັບຊາບກ່ຽວກັບສະພາບການລະບາດຂອງພະຍາດໂຄວິດ-19 ຢູ່ ສປປ ລາວ ໃນວັນທີ 11 ທັນວາ 2021 ຢູ່ກະຊວງສາທາລະນະສຸກ ວ່າ: ສະພາບການການຕິດເຊື້ອພະຍາດໂຄວິດ-19 ຢູ່ປະເທດເຮົາໃນປັດຈຸບັນ ເຫັນວ່າມີຕົວເລກການຕີດເຊື້ອໃນຊຸມຊົນເພີ່ມຂຶ້ນຫຼາຍຢ່າງຕໍ່ເນື່ອງ ໃນວັນທີ 10 ທັນວາ 2021 ທົ່ວປະເທດ ໄດ້ເກັບຕົວຢ່າງມາກວດຊອກຫາເຊືື້ອໂຄວິດ-19 ທັງໝົດ 8.074 ຕົວຢ່າງ ໃນຂອບເຂດທົ່ວປະເທດ ແລະ ພົບເຊື້ອທັງໝົດ 1.898 ຄົນ (ຕິດເຊື້ອພາຍໃນ ມີ 1.897 ຄົນ ແລະ ຕິດເຊື້ອນໍາເຂົ້າ 1 ຄົນ) ເຮັດໃຫ້ຕົວເລກຜູ້ຕິດເຊຶ້ອພະຍາດໂຄວີດ 19 ສະສົມໃນ ສປປ ລາວ ຮອດປັດຈຸບັນ ແມ່ນ 88.064 ຄົນ ເສຍຊີວິດສະສົມ 236 ຄົນ ກວມເອົາ 0.26% ຂອງຜູ້ຕິດເຊື້ອທັງໝົດ (ໃນນີ້ເສຍຊີວິດໃໝ່ 5 ຄົນ) ປິ່ນປົວຫາຍດີ ແລະ ກັບບ້ານໃນມື້ວານ ມີ 599 ຄົນ ກໍາລັງປິ່ນປົວ 12.011 ຄົນ ມາຮອດມື້ນີ້ ຍັງມີຜູ້ທີ່ຕິດເຊື້ອພະຍາດໂຄວິດ-19 ທີ່ກຳລັງປີ່ນປົວ ແມ່ນ 13,7% ຂອງຈໍານວນຜູ້ຕິດເຊື້ອສະສົມທັງໝົດ ແລະ ທີ່ຜູ້ປິ່ນປົວຫາຍດີແລ້ວ ແມ່ນມີເຖິງ 86,3% ຂອງຈໍານວນຜູ້ຕິດເຊື້ອສະສົມທັງໝົດ.
ຂໍ້ມູນໂດຍຫຍໍ້ກ່ຽວກັບ ການຕິດເຊືື້ອພາຍໃນໃໝ່ທັງໝົດ 1.897 ຄົນ ຈາກ 17 ແຂວງ ແລະ ນະຄອນຫຼວງວຽງຈັນ ເຊິ່ງຈະລຽງລຳດັບແຕ່ແຂວງຫຼາຍຫາໜ້ອຍມີລາຍລະອຽດ ດັ່ງນີ້:
- ນະຄອນຫຼວງ 737 ຄົນ ໃນ 228 ບ້ານ ແລະ 9 ເມືອງ
- ຊຽງຂວາງ ມີ 344 ຄົນ
- ຫົວພັນ ມີ 184 ຄົນ
- ບໍ່ແກ້ວ ມີ 90 ຄົນ
- ຫຼວງພະບາງ ມີ 89 ຄົນ
- ຫຼວງນໍ້າທາ ມີ 81 ຄົນ
- ອຸດົມໄຊ ມີ 79 ຄົນ
- ແຂວງວຽງຈັນ ມີ 74 ຄົນ
- ສະຫວັນນະເຂດ ມີ 49 ຄົນ
- ໄຊສົມບູນ ມີ 43 ຄົນ
- ບໍລິຄຳໄຊ ມີ 41 ຄົນ
- ໄຊຍະບູລີ ມີ 26 ຄົນ
- ຄຳມ່ວນ ມີ 19 ຄົນ
- ອັດຕະປື ມີ 17 ຄົນ
- ຈຳປາສັກ ມີ 12 ຄົນ
- ສາລະວັນ ມີ 7 ຄົນ
- ຜົ້ງສາລີ ມີ 4 ຄົນ
- ເຊກອງ ມີ 1 ຄົນ
ສ່ວນການຕິດເຊືື້ອນໍາເຂົ້າຂອງຜູ້ທີ່ເດີນທາງເຂົ້າປະເທດແມ່ນມີ 1 ຄົນ ຈາກແຂວງສະຫວັນນະເຂດ ໄດ້ເຂົ້າຈຳກັດສູນຈຳກັດບໍລິເວນກ່ອນກວດພົບເຊື້ອ ແລະ ສົ່ງໄປປີ່ນປົວຢູ່ຕາມສະຖານທີ່ປີ່ນປົວທີ່ກຳນົດໄວ້.
ຂໍ້ມູນສຳລັບຄົນທີ່ເສຍຊີວິດໃໝ່ 5 ຄົນ:
- ເພດຍິງ ອາຍຸ 61 ປີ ບ້ານດອນປ່າໃໝ່ ເມືອງສີສັດຕະນາກ ນະຄອນຫຼວງ.
– ພະຍາດປະຈຳໂຕ: ຄວາມດັນເລືອດສູງ ເບົາຫວານ ກິນຢາປະຈຳມາ 10 ກ່ວາປີ
– ໄດ້ຮັບການສັກຢາປ້ອງກັນພະຍາດໂຄວິດ-19 01 ເຂັມ
– ຄົນເຈັບເລີ່ມໄຂ້ ໄອ ຫາຍໃຈຝືດ ແຕ່ວັນທີ 29 ພະຈິກ 2021 ແລະ ວັນທີ 2 ທັນວາ 2021 ໄດ້ກວດໂຄວິດຢູ່ໂຮງໝໍ 103 ໃຫ້ຜົນບວກ
– ວັນທີ 4 ທັນວາ 2021 ເຂົ້ານອນຕິດຕາມປີ່ນປົວຢູ່ສູນຫ້ວຍຫົງ
– ວັນທີ 5 ທັນວາ 2021 ຍ້າຍມານອນຕຶກໃໝ່ໂຮງໝໍມິດຕະພາບ
– ຕໍ່ມາຄົນເຈັບມີອາການ ກະວົນກະວາຍ ຫາຍໃຈຝືດ ນອນພຽງບໍ່ໄດ້ ຫາຍໃຈໄວ ແລະ ຫອບ
– ລວມມື້ປິ່ນປົວ 5-10 ທັນວາ 2021 ລວມເປັນ 6 ວັນ
– ມາຮອດເວລາ 4:50 ໂມງ ຂອງວັນທີ່ 10 ທັນວາ 2021 ຄົນເຈັບ ໄດ້ເສຍຊີວິດລົງ.
- ເພດຍິງ ອາຍຸ 87 ປີ ບ້ານນາວຽງຄຳ ເມືອງຫຼວງພະບາງ ແຂວງຫຼວງພະບາງ
– ພະຍາດປະຈຳໂຕ: ເປັ ວັນນະໂລກປອດມາກ່ອນ ໄດ້ກິນຢາຄົບເປັນໄດ້ 20 ປີ ບໍ່ເຄີຍເຊັກສຸຂະພາບ
– ບໍ່ໄດ້ສັກຢາປ້ອງກັນໂຄວິດ-19
– ເຂົ້າໂຮງໝໍ ວັນທີ່ 7 ທັນວາ 2021 ເວລາ 10:20 ໂມງ ຜູ້ກ່ຽວມີອາການໄຂ້ ໄອ ຜົນກວດພົບເຊື້ອພະຍາດໂຄວິດ-19 ແລະ ຄົນເຈັບໄຂ້ຢູ່ບ້ານໄດ້ 10 ວັນໄຂ້ຫຸ່ມໆ-ໄອເລັກນ້ອຍ ເຈັບທ້ອງເຂດກະເພາະ ອິດເມື່ອຍ ພີ່ນ້ອງຈຶ່ງພາມາກວດຢູ່ສຸກເສີນແລ້ວສົ່ງມານອນຕຶກແຍກປ່ຽວເວລາ 11:10 ໂມງ
– ມາຮອດເວລາ 12:20 ໂມງ ຂອງວັນທີ 9 ທັນວາ 2021 ຄົນເຈັບໄດ້ເສຍຊີວິດ.
- ເພດຍິງ ອາຍຸ 80 ປິ ບ້ານອຸມມົງ ເມືອງສີໂຄດຕະບອງ ນະຄອນຫຼວງວຽງຈັນ
– ພະຍາດຜ່ານມາ ຫຼ່ອຍຫຼາຍກ່ວາ 20 ປີ
– ບໍ່ໄດ້ຮັບການສັກຢາປ້ອງກັນພະຍາດໂຄວິດ-19
– ເຂົ້າມາໂຮງໝໍມິດຕະພາບ ວັນທີ 30 ພະຈິກ 2021 ຍ້ອນເມື່ອຍ ອ່ອນແຮງແຂນຂາ ຄົນເຈັບງ້ວງຊຶມ ແລະ ກິນດື່ມບໍ່ໄດ້
– ສະພາບໄລຍະການປິ່ນປົວແມ່ນບໍ່ມີອາການດີຂຶ້ນ ສະຕິງ້ວງຊືມຕະຫຼອດ ບໍ່ສາມາດກິນດື່ມໄດ້ ອາການຊຸດໂຊມລົງຫຼາຍໃນແຕ່ລະວັນ.
– ໄລຍະການປິ່ນປົວ 30 ພະຈິກ -10 ທັນວາ 2021 ລວມເປັນ 11 ວັນ
– ມາຮອດເວລາ 3:30 ໂມງ ຂອງວັນທີ 10 ທັນວາ 2021 ຄົນເຈັບໄດ້ເສຍຊີວິດ
- ເພດຊາຍ ອາຍຸ 91 ປີ ບ້ານນາຄໍາ ເມືອງສີໂຄດຕະບອງ ນະຄອນຫຼວງ
– ພະຍາດປະຈໍາຕົວ ບໍ່ໄດ້ກວດສຸຂະພາບມາກ່ອນ
– ບໍ່ໄດ້ຮັບການສັກຢາປ້ອງກັນພະຍາດໂຄວິດ-19
– ວັນທີ 5 ທັນວາ 2021 ຜົນກວດຢັ້ງຢືນພົບເຊື້ອໂຄວິດ-19 ແລະ ເຂົ້ານອນສູນສີເກີດ
– ເວລາ 19:30 ໂມງ ຂອງວັນທີ 6 ທັນວາ 2021 ຮັບຄົນເຈັບຈາກສູນສີເກີດ ມານອນປີ່ນປົວຢູ່ໂຮງໝໍເສດ ຖາທິລາດ ດ້ວຍອາການເມື່ອຍ ຫາຍໃຈຝຶດ ແລະ ຫາຍໃຈຫອບ
– ໄລຍະການປິ່ນປົວ: 7-10 ທັນວາ 2021 ລວມເປັນ 4 ວັນ
– ມາຮອດເວລາ 5:58 ໂມງ ຂອງວັນທີ 10 ທັນວາ 2021 ຄົນເຈັບໄດ້ເສຍຊີວິດລົງ
- ເພດຍິງ 74 ປີ ບ້ານສີບຸນເຮືອງ ເມືອງສີໂຄດຕະບອງ ນະຄອນຫຼວງ
– ພະຍາດປະຈໍາຕົວ ເບົາຫວານ ມາໄດ້ຫຼາຍປີ ກິນຢາປະຈໍາ
– ໄດ້ຮັບການສັກຢາປ້ອງກັນພະຍາດໂຄວິດ-19 ຄົບ
– ເວລາ 12:21 ໂມງ ຂອງວັນທີ 7 ທັນວາ 2021 ຄົນເຈັບມາກວດຢູ່ໂຮງໝໍ 103 ດ້ວຍອາການໄຂ້ ໄອ ແໜ້ນໜ້າເອິກ ແລະ ອ່ອນເພຍມາໄດ້ 3 ວັນ ພ້ອມທັງເກັບຕົວຢ່າງມາກວດຊອກຫາພະຍາດໂຄວິດ-19 ແມ່ນໃຫ້ຜົນບວກ ແລະ ຮັບຄົນເຈັບເຂົ້ານອນປີ່ນປົວ
– ໄລຍະການປິ່ນປົວ: 7-10 ທັນວາ 2021 ລວມເປັນ 4 ວັນ
– ມາຮອດເວລາ 10:30 ໂມງ ຂອງວັນທີ 10 ທັນວາ 2021 ຄົນເຈັບໄດ້ເສຍຊີວິດລົງ.
ສໍາລັບຢູ່ຕ່າງແຂວງ ທ່ານສາມາດໄປເກັບຕົວຢ່າງກວດຊອກຫາເຊືື້ອໂຄວິດ-19 ໄດ້ຢູ່ໂຮງໝໍແຂວງ ໂຮງໝໍເມືອງ ຫຼື ຈຸດກວດເພີ່ມເຕີມ ທີ່ທາງຄະນະສະເພາະກິດຂອງແຂວງໄດ້ກຳນົດໄວ້ ພ້ອມດຽວກັນ ກໍຍັງມີບໍລິການກວດເຄື່ອນທີ່ ໃນຈຸດ ຫຼື ບ້ານ ທີ່ມີການລະບາດພາຍໃນ ເພື່ອຄົ້ນຫາຜູ້ຕິດເຊືື້ອໃໝ່.
ສ່ວນຈຸດກວດຢູ່ນະຄອນຫຼວງວຽງຈັນ ມີ 2 ຈຸດກວດນອກສະຖານທີ່ ຄື:ສະໜາມກີລາໃນຮົ່ມ ບຶງຂະຫຍອງ (ວັນຈັນ ຫາ ອາທິດ) ເວລາ 9:00–11:30 ໂມງ ແລະ ມສ ເຈົ້າອານຸວົງ (ວັນຈັນ ຫາ ອາທິດ) ເວລາ 9:00–11:30 ໂມງ ສໍາລັບໜ່ວຍກວດເຄື່ອນທີ່: ເມືອງໄຊທານີ ສີສັດຕະນາກ ສີໂຄດຕະບອງ ເມືອງລະ 1 ທີມ ສ່ວນເມືອງນາຊາຍທອງ ແລະ ພະແນກສາທາລະນະສຸກ ນະຄອນຫຼວງວຽງຈັນ ມີ 2 ທີມ .
ສໍາລັບຈຸດບໍລິການສັກວັກຊີນ ຢູ່ນະຄອນຫຼວງວຽງຈັນ ມີໂຮງໝໍສູນກາງ (ມິດຕະພາບ ມະໂຫສົດ ເສດຖາທິລາດ ໂຮງໝໍສູນກາງ 103 ກອງທັບ ໂຮງໝໍ 5 ເມສາ ໂຮງໝໍແມ່ ແລະ ເດັກເກີດໃໝ່ ແລະ ໂຮງໝໍເດັກ) ໂຮງໝໍເມືອງ 9 ຕົວເມືອງ ວັດຈີນ ບ້ານດົງປ່າແລບ ເມືອງຈັນທະບູລີ ນະຄອນຫຼວງວຽງຈັນ (ເປີດວັນຈັນ – ວັນສຸກ ໃນໂມງລັດຖະການ).
# ຂ່າວ – ພາບ : ສີພອນ