ທ່ານ ດຣ ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ໄດ້ຖະແຫຼງຖະແຫຼງຂ່າວກ່ຽວກັບສະພາບການລະບາດຂອງພະຍາດໂຄວິດ-19 ຢູ່ ສປປ ລາວ ແລະ ທົ່ວໂລກ ປະຈໍາວັນທີ 9 ທັນວາ ປີ 2021 ວ່າ: ໃນວັນທີ 8 ທັນວາ 2021 ທົ່ວປະເທດໄດ້ເກັບຕົວຢ່າງມາກວດຊອກຫາເຊືື້ອໂຄວິດ-19 ທັງໝົດ 4.925 ຕົວຢ່າງ ແລະ ພົບຜູ້ຕິດເຊື້ອໂຄວິດ-19 ໃໝ່ 1.212 ຄົນ (ຕິດເຊື້ອພາຍໃນ 1.196 ຄົນ ແລະ ຕິດເຊື້ອນໍາເຂົ້າ 16 ຄົນ) ສຳລັບການຕິດເຊືື້ອໂຄວິດ-19 ໃໝ່ພາຍໃນທັງໝົດ 1.196 ຄົນ ຈາກ 17 ແຂວງ ແລະ ນະຄອນຫຼວງວຽງຈັນ (ນວ) ຄື:
- ນະຄອນຫຼວງວຽງຈັນ 610 ຄົນ ໃນ 180 ບ້ານ ແລະ 9 ເມືອງ
- ອຸດົມໄຊ ມີ 101 ຄົນ
- ຊຽງຂວາງ ມີ 99 ຄົນ
- ຫຼວງພະບາງ ມີ 87 ຄົນ
- ບໍ່ແກ້ວ ມີ 63 ຄົນ
- ບໍລິຄຳໄຊ ມີ 39 ຄົນ
- ວຽງຈັນ ມີ 35 ຄົນ
- ສະຫວັນນະເຂດ ມີ 34 ຄົນ
- ຈຳປາສັກ ມີ 29 ຄົນ
- ໄຊສົມບູນ ມີ 27 ຄົນ
- ໄຊຍະບູລີ ມີ 22 ຄົນ
- ຫົວພັນ ມີ 18 ຄົນ
- ຄຳມ່ວນ ມີ 15 ຄົນ
- ສາລະວັນ ມີ 9 ຄົນ
- ອັດຕະປື ມີ 4 ຄົນ
- ເຊກອງ ມີ 3 ຄົນ
- ຜົ້ງສາລີ ມີ 1 ຄົນ
ສ່ວນການຕິດເຊືື້ອນໍາເຂົ້າຂອງຜູ້ທີ່ເດີນທາງເຂົ້າປະເທດແມ່ນມີ 16 ຄົນ ຈາກ ນວ 15 ຄົນ ແລະ ບໍລິຄຳໄຊ 1 ຄົນ ທຸກຄົນໄດ້ເຂົ້າຈຳກັດສູນຈຳກັດບໍລິເວນກ່ອນກວດພົບເຊື້ອ ແລະ ສົ່ງໄປປີ່ນປົວຢູ່ຕາມສະຖານທີ່ປີ່ນປົວທີ່ກຳນົດໄວ້ ມາຮອດວັນທີ 8 ທັນວາ ທົ່ວປະເທດມີຕົວເລກຜູ້ຕິດເຊື້ອໂຄວິດ-19 ສະສົມ 83.294 ຄົນ ເສຍຊີວິດສະສົມ 224 ຄົນ (ໃໝ່ 5) ປິ່ນປົວຫາຍດີ ແລະ ກັບບ້ານໃນມື້ວານ ມີ 751 ຄົນ ກໍາລັງປິ່ນປົວ 12.151 ຄົນ.
# ຂ່າວ – ພາບ : ອົ່ນ ໄຟສົມທອງ