ວັນທີ 9 ທັນວາ 2021 ທີ່ອົງການກາແດງລາວ ບໍລິສັດການຢາເມແມັສໂກ້ ຈຳກັດ ແລະ ກຸ່ມບໍລິສັດ ຊາສີ ກຣຸບ ຈຳກັດ ໄດ້ນຳເຄື່ອງມາມອບໃຫ້ແກ່ອົງການແດງລາວ ມອບໂດຍທ່ານນາງ ອຸ້ມມາລາ ວິພົນຮຽນ ຜູ້ຈັດການບໍລິສັດການຢາເມແມັສໂກ້ ຈຳກັດ ທ່ານ ສາຍຍັນ ວັນນຸວົງ ຜູ້ຕາງໜ້າກຸ່ມບໍລິສັດຊາສີ ກຣຸບ ຈຳກັດ ກ່າວຮັບໂດຍທ່ານ ພູທອນ ເມືອງປາກ ປະທານອົງການກາແດງລາວ ມີພາກສ່ວນກ່ຽວຂ້ອງເຂົ້າຮ່ວມ.
![](https://v2.vientianemai.net/wp-content/uploads/2021/12/received_449155230142175-1024x683.jpeg)
ເຄື່ອງທີ່ນຳມາມອບຄັ້ງນີ້ ບໍລິສັດການຢາເມແມັສໂກ້ ຈຳກັດ ໄດ້ມອບສຳລີກໍ້ 130 ກໍ້ ຊຸດລ້າງບາດ 80 ຊຸດ ຜ້າຢາງກັນເປື້ນ 200 ອັນ ມູນຄ່າ 7.300.000 ກີບ ສ່ວນກຸ່ມບໍລິສັດຊາສີ ກຣຸບ ຈຳກັດມອບນໍ້າດື່ມ 250 ແກັດ ໝີ່ຈອກ 20 ແກັດ ມູນຄ່າ 6.950.000 ກີບ.
![](https://v2.vientianemai.net/wp-content/uploads/2021/12/received_617711675944563-1024x682.jpeg)
ໂອກາດນີ້ ທ່ານ ພູທອນ ເມືອງປາກ ກໍໄດ້ສະແດງຄວາມຂອບໃຈມາຍັງສອງບໍລິສັດທີ່ເຫັນໄດ້ຄວາມສຳຄັນ ແລະ ຈຳເປັນຂອງອົງການກາແດງລາວ ເພື່ອນຳໃຊ້ເຂົ້າໃນວຽກງານມະນຸດສະທຳ ໂດຍສະເພາະການຊ່ວຍເຫຼືອຄົນເຈັບທີ່ເກີດອຸບັດເຫດຕາມທ້ອງຖະໜົນ ຫຼື ການຊ່ວຍເຫຼືອສັງຄົມ ຄົນເຈັບອານະຖາຕ່າງໆ ແລະ ຈະນຳເອົາເຄື່ອງຈຳນວນດັ່ງກ່າວໄປນຳໃຊ້ໃຫ້ເກີດປະໂຫຍດສູງສຸດ.
![](https://v2.vientianemai.net/wp-content/uploads/2021/12/received_2440107579454584-1024x683.jpeg)
# ຂ່າວ – ພາບ : ຊິລິການດາ