ສູນນະວັດຕະກໍາໂຊລູເຊິນສໍາລັບລູກຄ້າຂອງຫົວເຫວີຍ (CSIC) ທີ່ໄດ້ຮັບການປັບປຸງໃໝ່ ໄດ້ເປີດນໍາໃຊ້ເປັນທາງການວັນທີ 23 ພະຈິກ 2021 ຢູ່ປະເທດມາເລເຊຍ ໂດຍທ່ານ Dato’ Sri Ismail Sabri Bin Yaakob ນາຍົກລັດຖະມົນຕີມາເລເຊຍ ເຊິ່ງການເປີດນໍາໃຊ້ສູນດັ່ງກ່າວເປັນສ່ວນໜຶ່ງຂອງການສະເຫຼີມສະຫຼອງ ຄົບຮອບ 20 ປີ ຂອງຍັກໃຫຍ່ດ້ານ ICT ລະດັບໂລກໃນປະເທດມາເລເຊຍ CSIC ຍັງມີຈຸດປະສົງເພື່ອຊ່ວຍເຫຼືອປະເທດ ໃນການເປັນສູນກາງດີຈີຕອນຂອງອາຊຽນຕື່ມອີກ.
CSIC ຂອງຫົວເຫວີຍ ຖືກອອກແບບເປັນສູນເຕັກໂນໂລຊີຂໍ້ມູນຂ່າວສານ ແລະ ການສື່ສານ (ICT) ແລະ ສູນຄວາມເປັນເລີດເພື່ອຂັບເຄື່ອນລະບົບນິເວດແບບເປີດຂອງອຸດສາຫະກໍາ ແລະ ເລັ່ງການຫັນປ່ຽນເສດຖະກິດດີຈີຕອນໃນປະເທດມາເລເຊຍ CSIC ຕັ້ງຢູ່ໃນ Integra Tower ໃຈກາງນະຄອນຫຼວງກົວລາລໍາເປີ ໄດ້ຮວບຮວມແອັບພລິເຄຊັນ ແລະ ບໍລິການອ້າງອີງຂອງຫຼາຍກວ່າ 120 ບໍລິສັດໃນໂລກ ຄູ່ຮ່ວມງານລູກຄ້າ ແລະ ລູກຄ້າຂອງຫົວເຫວີຍ ສາມາດນຳໃຊ້ປະໂຫຍດຈາກແພລດຟອມນະວັດຕະກໍານີ້ ເພື່ອອອກແບບ ແລະ ທົດສອບໂຊລູເຊິນດ້ານເຕັກໂນໂລຊີ ກວດສອບຮູບແບບທຸລະກິດໃໝ່ ແລະ ເບິ່ງແຍງແອັບພລິ ເຄຊັນ ແລະ ການບໍລິການດ້ານນະວັດຕະກໍາໃຫ້ກັບທັງພາກລັດ ແລະ ເອກະຊົນ.
ທ່ານ Dato’ Sri Ismail Sabri Bin Yaakob ໄດ້ສະແດງຄວາມຂອບໃຈຫົວເຫວີຍ ທີ່ໄດ້ເລັ່ງການຫັນປ່ຽນດ້ານດີຈີຕອນ ແລະ ສ້າງຄວາມເຂັ້ມແຂງໃຫ້ການພັດທະນາແພລດຟອມຂອງມາເລເຊຍໃນໄລ ຍະ 20 ປີຜ່ານມາ ພ້ອມທັງອວຍພອນໃຫ້ຫົວເຫວີຍມີຄວາມສຸກໃນວັນຄົບຮອບ 20 ປີ ພວກເຮົາຊື່ນຊົມ ແລະ ເຫັນຄຸນຄ່າໃນການປະກອບສ່ວນຂອງຫົວເຫວີຍ ຕໍ່ການພັດທະນາຄວາມສາມາດດ້ານດີຈີຕອນຂອງປະເທດ ຕົນໄດ້ຮັບຂ່າວວ່າ ພະນັກງານຂອງຫົວເຫວີຍມາເລເຊຍສ່ວນໃຫຍ່ ເປັນຄົນໃນທ້ອງຖິ່ນ ຄວາມສາມາດແມ່ນສ່ວນໜຶ່ງທີ່ສໍາຄັນໃນການເລັ່ງການຫັນເປັນດີຈີຕອນ ແລະ ເຊື່ອໝັ້ນວ່າ ມາເລເຊຍມີຄວາມສາມາດໃນການຮວບຮວມຕົວກຸ່ມດີຈີຕອນ 100% ໂດຍສະເພາະໃນຊຸມຊົນທີ່ມີຊ່ອງຫວ່າງ ແລະ ພູມໃຈທີ່ຈະເວົ້າວ່າ ການຮັບເອົາແນວຄິດຂອງ Keluarga ມາເລເຊຍ ຫົວເຫວີຍໄດ້ມີບົດບາດສໍາຄັນໃນການຊ່ວຍລັດຖະບານແກ້ໄຂບັນຫານີ້ ຫວັງວ່າຈະມີວິສາຫະກິດອອກມາຍ່າງຕາມທາງຫົວເຫວີຍຫຼາຍຂຶ້ນ.
ທ່ານ Michael Yuan ຫົວໜ້າບໍລິຫານບໍລິສັດ ຫົວເຫວີຍ ມາເລເຊຍ ກ່າວວ່າ: CSIC ຈະຊ່ວຍເລັ່ງການຫັນເປັນດີຈີຕອນຂອງມາເລເຊຍ ແລະ ໝູນໃຊ້ຄວາມສາມາດດ້ານເຕັກໂນໂລຊີທີ່ກ້າວໜ້າ ຊ່ວຍຊຸກຍູ້ການລົງທຶນໃນພື້ນຖານເສດຖະກິດດີຈີຕອນໃຫ້ປະເທດໄປພ້ອມກັນ ມັນແມ່ນຄວາມເຊື່ອຂອງພວກເຮົາ ທີ່ວ່າປະເທດມາເລເຊຍທີ່ມີການເຊື່ອມຕໍ່ທີ່ດີກວ່າ ຈະມີອະນາຄົດຈະເລີນຮຸ່ງເຮືອງ ປັດຈຸບັນພວກເຮົາຢູ່ໃນໄລຍະທີ່ການເຊື່ອມຕໍ່ຢູ່ທົ່ວທຸກແຫ່ງ ເຊິ່ງບໍ່ແມ່ນຄວາມຫຼູຫຼາອີກຕໍ່ໄປ ແຕ່ເປັນຄວາມຕ້ອງການທີ່ສໍາຄັນສໍາລັບປະເທດ ໃນການບັນລຸສະຖານະພາບການພັດທະນາຢ່າງເຕັມທີ່ ພວກເຮົາຫວັງວ່າຈະມີການເຕີບໂຕໄປພ້ອມກັບມາເລເຊຍ ເພື່ອເປັນສ່ວນສຳຄັນໃນພື້ນຖານເສດຖະກິດເຕັກໂນໂລຊີຂອງປະເທດ ແລະ ສ້າງອະນາຄົດທີ່ດີກວ່າຂອງຊາວມາເລເຊຍທຸກຄົນ.
ບັນດາໂຊລູເຊິນທາງທຸລະກິດ ຫາທຸລະກິດທີ່ມີ ແລະ ວາງສະແດງຢູ່ CSIC ລວມມີ: ໂຊລູເຊິນ 5G ຂອງຫົວເຫວີຍທົ່ວໂລກ ລວມທັງໂຊລູເຊິນສຳລັບເມືອງອັດສະລິຍະ ແລະ ພາຫະນະອັດນະໂນມັດ ລະບົບ Smart Education ຂອງຫົວເຫວີຍ ການຮຽນຮູ້ແບບໄຮບີດ Cloud Computing ເປັນຈຸດເດັ່ນອັນໜຶ່ງທີ່ຫົວເຫວີຍກໍາລັງເຮັດວຽກຮ່ວມກັບ Telekom Malaysia Bhd (TM) ໃນ Alpha Edge ເຊິ່ງເປັນພື້ນຖານໂຄງລ່າງ Cloud ແລະ AI ທີ່ມາເລເຊຍເປັນເຈົ້າຂອງພຽງແຫ່ງດຽວສໍາລັບອົງກອນ ແລະ ສະຖາບັນຂອງລັດຖະບານ ທີ່ຮັບປະກັນສິດອະທິປະໄຕຂອງຂໍ້ມູນ ນອກນີ້ ຍັງໄດ້ວາງສະແດງລະບົບເຕັກໂນໂລຊີກະສິກໍາທີ່ທັນສະໄໝ ອຸປະກອນພື້ນຖານໂຄງລ່າງ ເຄືອຂ່າຍທີ່ນຳໃຊ້ຄວາມກ້າວໜ້າທາງເຕັກໂນໂລຊີຫຼ້າສຸດດ້ານ 5G ແລະ ໂທລະຄົມມະນາຄົມ ລວມທັງ RuralStar ຂອງຫົວເຫວີຍ ແລະ ອື່ນໆອີກ.
# ຂ່າວ -ພາບ : ສະບາໄພ