ທ່ານ ໜຽວຄໍາ ຄໍາມີນາທີ ຫົວໜ້າຂະແໜງປູກຝັງ ພະແນກກະສິກໍາ ແລະ ປ່າໄມ້ ນະຄອນຫຼວງວຽງຈັນ (ນວ) ໃຫ້ສໍາພາດການຜະລິດລະດູຝົນ ປີ 2021 ໃນວັນທີ 3 ພະຈິກ 2021 ວ່າ: ປີ 2021 ພະແນກກະສິກໍາ ແລະ ປ່າໄມ້ ນວ ໄດ້ວາງແຜນການປູກເຂົ້ານາລະດູຝົນໃນເນື້ອທີ່ແຜນການທັງໝົດ 52.050 ເຮັກຕາ ຄາດຄະເນຜະລິດຕະພາບ 4,53 ໂຕນຕໍ່ເຮັກຕາ ຄາດຄະເນຜົນຜະລິດ 235.820 ໂຕນ ຕົກກ້າໄດ້ 4.164 ໂຕນ ເທົ່າກັບ 100% ປັກດຳປູກເຂົ້ານາປີໄດ້ 51.938 ເຮັກຕາ ເທົ່າກັບ 99,78% ໃນນັ້ນ ປັກດຳ 21.192 ເຮັກຕາ ນາຫວ່ານ 30.746 ເຮັກຕາ ປັດຈຸບັນ ສາມາດເກັບກ່ຽວເຂົ້ານາໄດ້ 37.523 ເຮັກຕາ ທຽບໃສ່ເນື້ອທີ່ປັກດຳເທົ່າກັບ 72,25% ໃນນີ້ ເກັບກ່ຽວເຂົ້າທົ່ວໄປ 26.082 ເຮັກຕາ ເກັບກ່ຽວເຂົ້າດ້ວຍກົນຈັກ 11.441 ເຮັກຕາ ເມືອງທີ່ເກັບກ່ຽວໄດ້ຄື: ເມືອງໄຊທານີ 12.852 ເຮັກຕາ ເມືອງຫາດຊາຟອງ 4.235 ເຮັກຕາ ເມືອງນາຊາຍທອງ 3.955 ເຮັກຕາ ເມືອງສັງທອງ 7.620 ເຮັກຕາ ເມືອງປາກງື່ມ 6.740 ເຮັກຕາ ເມືອງໄຊເສດຖາ 1.180 ເຮັກຕາ ເມືອງສີໂຄດຕະບອງ 821 ເຮັກຕາ ເມືອງຈັນທະບູລີ 105 ເຮັກຕາ ແລະ ເມືອງສີສັດຕະນາກ 15 ເຮັກຕາ ປັດຈຸບັນ ກໍາລັງລົງຕີສະມັດຕະພາບ 5 ເມືອງ 19 ບ້ານ.
ການປູກພືດຜັກເນື້ອທີ່ແຜນການ 3.779 ເຮັກຕາ ຄາດຄະເນຜະລິດຕະພາບ 10,12 ໂຕນຕໍ່ເຮັກຕາ ຄາດຄະເນຜົນຜະລິດ 38.225 ໂຕນ ປັດຈຸບັນປະຕິບັດໄດ້ 3.654 ເຮັກຕາ ຜົນຜະລິດ 36.978 ໂຕນ ທຽບໃສ່ແຜນການ ເທົ່າກັບ 96,69% ແຜນການຜະລິດພືດຜັກອິນຊີ 116 ເຮັກຕາ ຄາດຄະເນຜະລິດຕະພາບ 8,18 ໂຕນຕໍ່ເຮັກຕາ ຄາດຄະເນຜົນຜະລິດ 1.022 ໂຕນ ສາມາດປະຕິບັດໄດ້ 111 ເຮັກຕາ ຜົນຜະລິດ 907 ໂຕນ ເທົ່າກັບ 95,68% ແຜນການຜະລິດພືດຜັກກະສິກຳທີ່ດີ (GAP) 207 ເຮັກຕາ ຄາດຄະເນຜະລິດຕະພາບ 9,74 ໂຕນຕໍ່ເຮັກຕາ ຜົນຜະລິດ 2.019 ໂຕນ ສາມາດຈັດຕັ້ງປະຕິບັດໄດ້ 198 ເຮັກຕາ ຜົນຜະລິດ 1.928 ໂຕນ ເທົ່າກັບ 95,65% ການຜະລິດຂອງກຸ່ມຊາວກະສິກອນ ແລະ ຜູ້ປະກອບການທີ່ມີການຜະລິດໃນລະບົບໂຮງເຮືອນ ເຮືອນຮົ່ມ ເຮືອນປູກໄຮໂດຣໂປຣນິກ ການປູກໂດຍນຳໃຊ້ໂຊລາເຊວ ແລະ ການໃຫ້ນ້ຳໃນລະບົບສະປິ້ງເກີທີ່ສະໜອງຕະຫຼາດອິນຊີ ຕະຫຼາດຂາຍອອນລາຍ ແລະ ຫ້າງຮ້ານຊຸບເປີມາກເກັດຕ່າງໆໃນ ນວ.
# ຂ່າວ & ພາບ : ສົມສະຫວັນ