ອີງຕາມບົດລາຍງານປະຈໍາວັນທີ 28 ເມສາ 2020 ກ່ຽວກັບການກັນ ແລະຄວບຄຸມພະຍາດອັກເສບປອດຈາກເຊື້ອຈຸລະໂຣກສາຍພັນໃໝ່ (COVID-19) ຂອງເມືອງສີສັດຕະນາກ ໂດຍແມ່ນຈຸປະຈໍາການຂອງທ່ານ ບຸນເມກ ວິໄລແສງ ຮອງເຈົ້າເມືອງ ຫົວໜ້າຄະນະສະເພາະກິດ ພ້ອມຄະນະ ໄດ້ລົງເຄື່ອນໄຫວວຽກງານຕົວຈິງ ເຊິ່ງໄດ້ພົບເຫັນສະພາບການສັນຈອນຕາມທ້ອງຖະໜົນຫົນທາງ ມີລົດນັບມື້ນັບຫຼາຍຂື້ນ ພ້ອມນັ້ນ ຄະນະສະເພາະກິດ ໄດ້ຮັບການຊີ້ນຳຈາກຄະນະປະຈຳພັກນະຄອນຫຼວງ ຜູ້ຊີ້ນຳເມືອງສີສັດຕະນາກ ກ່ຽວກັບການສະກັດກັ້ນ ຕ້ານ ແລະ ຄອບຄຸມພະຍາດ ໂຄວິດ-19 ຄະນະສະເພາະກິດ ສະກັດກັ້ນ ຕ້ານ ແລະ ຄວບຄຸມພະຍາດ ໂຄວິດ-19 ຂັ້ນນະຄອນຫຼວງວຽງຈັນ ລົງມາເກັບກຳຂໍ້ມູນ ນຳຄະນະສະເພາະກິດ ສະກັດກັ້ນ ຕ້ານ ແລະ ຄວບຄຸມພະຍາດໂຄວິດ-19 ຂັ້ນເມືອງ.
ນອກນີ້ ຫ້ອງການອຸດສາຫະກໍາ-ການຄ້າ ລົງຕິດຕາມກວດກາລາຄາສິນຄ້າຢູ່ 3 ຕະຫຼາດ ພາຍໃນເມືອງສີສັດຕະນາກ ເຫັນວ່າ ລາຄາສິນຄ້າແມ່ນປົກກະຕິ ແລະ ກ່ອນທຸກຄົນເຂົ້າ-ອອກຕະຫຼາດ ຕ້ອງໄດ້ລ້າງມື-ແທກບາຫຼອດທຸກຄົນ ນອກນີ້ ຄະນະສະເພາະກິດຕ້ານ-ຄວບຄຸມພະຍາດໂຄວິດ-19 ໄດ້ລົງໄປແຈກຢາຍນໍ້າດື່ມ ຜ້າອັດປາກ ຕາມຈຸດດ່ານກວດກາຂອງເຈົ້າໜ້າທີ່ຈາລະຈອນ 2 ຈຸດ ຄື: ຈຸດບ້ານດອນກອຍ-ບ້ານດົງສະຫວາດ ຈຸດບ້ານໄຊສະຖານ-ບ້ານໂພນສະຫວ່າງ ແລະ ຈຸດ ປກສ ກຸ່ມ ມີ 6 ຈຸດ ຄື: ປກສ ກຸ່ມວັດນາກ ຈຸດບ້ານດອນນົກຂຸ້ມ ແລະ ຈຸດບ້ານໂພນປ່າເປົ້າ ປກສ ກຸ່ມທາດຂາວ ຈຸດຫ້ອງການບ້ານໂສກປ່າຫຼວງ ປກສ ກຸ່ມເພຍວັດ ຈຸດຫ້ອງການບ້ານສະພານທອງເໜືອ ປກສ ກຸ່ມສວນມອນ ຈຸດບ້ານສວນມອນ-ບ້ານດອນປ່າໃໝ່ ແລະ ປກສ ກຸ່ມຈອມແຈ້ງ ຈຸດບ້ານຈອມເພັດເໜືອ (ສຳລັບ 5 ຈຸດຂອງ ປກສ ກຸ່ມ ແມ່ນເລີ່ມຈັດຕັ້ງປະຕິບັດ ໃນວັນທີ 19/04/2020 ຕາມທິດຊີ້ນຳຂອງຮັກສາການຫົວໜ້າກອງບັນຊາການ ປກສ ນະຄອນຫຼວງ) ພ້ອມນັ້ນ ໄດ້ໄປມອບນໍ້າດື່ມຈໍານວນ 2 ແພັກ M 150 ຈໍານວນ 1 ແພັກ ຜ້າອັດປາກ-ອັດດັງ 1 ກັບໃຫ້ສະຖານີຮັບແຈ້ງ ແລະ ແກ້ໄຂເຫດສຸກເສີນ 1191 ບຶງຂະຫຍອງ ແລະ ມອບນໍ້າດື່ມ ຈໍານວນ 2 ແພັກ M 150 ຈໍານວນ 1 ແພັກ ຜ້າອັດປາກ-ອັດດັງ 1 ກັບ ໃຫ້ກອງບັນຊາການທະຫານເມືອງ (ກອງຮ້ອຍຊາຍແດນ).
