ໃນວັນ 15 ກໍລະກົດ 2021 ທີ່ວັດບ້ານທ່ານາສາ ເມືອງສັງທອງ ນວ ໄດ້ຈັດພິທີມອບແວ່ນຕາໃຫ້ແກ່ຜູ້ສູງອາຍຸ ມີບັນຫາທາງດ້ານສາຍຕາຈໍານວນ 6 ບ້ານຄື: ບ້ານທ່ານາສາ, ບ້ານສໍາພັນນາ, ບ້ານເຕົາໄຫ,ບ້ານໃຫຍ່ນາຈະເລີນ, ບ້ານຊໍ້ ແລະ ບ້ານວັງມ້າ ໂດຍແມ່ນສະຫະພັນແມ່ຍິງ ນວ ສົບທົບກັບມູນນິທິເຟດໂຮໂລ ຕາງໜ້າມອບໂດຍທ່ານ ນ ຫຼຽນຄໍາ ວິລະພັນ ປະທານຄະນະບໍລິຫານງາຍສະຫະພັນແມ່ຍິງ ນວ ຕາງໜ້າຮັບໂດຍທ່ານ ລຸນທອງ ບຸນມະນີ ຮອງເລຂາຄະນະພັກເມືອງສັງທອງ ແລ້ວມອບຕໍ່ໃຫ້ອໍານາດການປົກຄອງບ້ານ ມີບັນດາຕາງໜ້າມູນນິທິເຟດໂຮໂລ ຫ້ອງການສະຫະພັນແມ່ຍິງເມືອງ ພາກສ່ວນກ່ຽວຂ້ອງເຂົ້າຮ່ວມ.
ແວ່ນຕາທີ່ນໍາມາມອບໃນຄັ້ງນີ້ ມີທັງໝົດ 750 ອັນ ລວມມູນຄ່າ 15.000.000 ກີບ ທັງນີ້ກໍເພື່ອເປັນການສ້າງຂະບວນການຄໍານັບຮັບຕ້ອນວັນສ້າງຕັ້ງອົງການຈັດຕັ້ງສະຫະພັນແມ່ຍິງລາວ ຄົບຮອບ 66 ປີ ແລະ ກອງປະຊຸມໃຫຍ່ຜູ້ແທນແມ່ຍິງທົ່ວປະເທດຄັ້ງທີ 8 ທີ່ຈະຈັດຂື້ນໃນມໍ່ໆນີ້.
# ພາບ – ຂ່າວ: ວຽງມາ