ບໍລິສັດ ຫົວເຫວີຍ ປະກາດໂຄງການ Huawei Seeds for the Future 2.0 ໃນກອງປະຊຸມ “Tech & Sustainability: Everyone’s Included” ວັນທີ 8 ກໍລະກົດ 2021 ຢູ່ເຊິນເຈີ້ນ ສປ ຈີນ ເຊິ່ງຮ່ວມເປັນເຈົ້າພາບໂດຍສະຫະພັນເພື່ອການອະນຸຮັກທໍາມະຊາດສາກົນ (IUCN) ມີຜູ້ຕາງໜ້າ Huawei IUCN World Economic Forum CDP GeSI ແລະ SIIA ເຂົ້າຮ່ວມ ເພື່ອປຶກສາຫາລືກ່ຽວກັບບົດບາດຂອງເຕັກໂນໂລຊີໃນການຂັບເຄື່ອນຄວາມຍືນຍົງ ແລະ ການສ້າງຄວາມເປັນເອກະພາບ ເພື່ອໂລກທີ່ເປັນມິດກັບສິ່ງແວດລ້ອມ.
ທ່ານ Liang Hua ປະທານບໍລິສັດ ຫົວເຫວີຍ ກ່າວວ່າ: ທັກສະ ແລະ ຄວາມຮູ້ດ້ານດີຈີຕອນ ບໍ່ພຽງແຕ່ເປັນພື້ນຖານສຳລັບເສດຖະກິດດີຈີຕອນ ມື້ນີ້ພວກເຮົາໄດ້ປະກາດໂຄງການ Seeds for the Future 2.0 ເຊິ່ງແມ່ນສ່ວນໜຶ່ງໃນຄວາມຕັ້ງໃຈໃນການພັດທະນາເພີ່ມຄວາມສາມາດໃຫ້ຜູ້ທີ່ມີພອນສະຫວັນຢ່າງຕໍ່ເນື່ອງ ໂດຍຈະລົງທຶນ 150 ລ້ານໂດລາສະຫະລັດ ສໍາລັບໂຄງການນີ້ໃນ 5 ປີຕໍ່ໜ້າ ແລະ ຊ່ວຍໃຫ້ນັກສຶກສາ ແລະ ຊາວໜຸ່ມ ປັບປຸງທັກສະດີຈີຕອນຂອງພວກເຂົາ ຄາດວ່າຈະສ້າງຜົນປະໂຫຍດໃຫ້ປະຊາຊົນຕື່ມອີກ 3 ລ້ານຄົນ ຫົວເຫວີຍມີຄວາມຕັ້ງໃຈທີ່ຈະຊ່ວຍພັດທະນາຄວາມສາມາດດ້ານດີຈີຕອນໃນປະເທດທີ່ໄດ້ນໍາໃຊ້ ແລະ ດຳເນີນງານ ປີ 2008 ໄດ້ສ້າງແຜນງານພັດທະນາເພີ່ມຄວາມສາມາດໃຫ້ຜູ້ທີ່ມີພອນສະຫວັນ ຜ່ານການໃຫ້ທຶນການສຶກສາ ແຂ່ງຂັນດ້ານເຕັກໂນໂລຊີ ແລະ ເຝິກອົບຮົມທັກສະດ້ານດີຈີຕອນ ແລະ ຈະໄດ້ລົງທຶນຫຼາຍກວ່າ 150 ລ້ານໂດລາສະຫະລັດ ເຂົ້າໃນແຜນງານເຫຼົ່ານີ້ ນັບແຕ່ນັ້ນມາ ຫົວເຫວີຍກໍໄດ້ໃຫ້ປະໂຫຍດແກ່ຜູ້ຄົນຫຼາຍກວ່າ 1,54 ລ້ານຄົນ ຈາກ 150 ກວ່າປະເທດ.
ໂຄງການ “Seeds for the Future” ກໍ່ຕັ້ງປີ 2008 ຢູ່ປະເທດໄທ ໂດຍອອກແບບມາເພື່ອສ້າງແຮງບັນດານໃຈໃຫ້ຜູ້ທີ່ມີພອນສະຫວັນໃນທ້ອງຖິ່ນ ແລະ ຊຸກຍູ້ໃຫ້ສັງຄົມ ເພື່ອແກ້ໄຂບັນດາສິ່ງທ້າທາຍດ້ານດີຈີຕອນ ແຜນງານໄດ້ໃຫ້ຜົນປະໂຫຍດແກ່ນັກຮຽນຫຼາຍກວ່າ 5.000 ຄົນ ໃນອາຊີ-ປາຊີຟິກ ໃນຖານະເປັນສຽງຂອງເວທີດັ່ງກ່າວ ຫົວເຫວີຍອາຊີ-ປາຊີຟິກ ໄດ້ຈັດກອງປະຊຸມໂຕະມົນ APAC Media Virtual ໂດຍການສຸມໃສ່ການແກ້ໄຂບັນຫາການລວມເອົາດີຈີຕອນ ແລະ ການພັດທະນາແບບຍືນຍົງຂອງພາກພື້ນ ການພັດທະນາສີຂຽວ ແລະ ຍືນຍົງ ໄດ້ກາຍເປັນບຸລິມະສິດອັນດັບໜຶ່ງຂອງເສດຖະກິດໂລກ ຫົວເຫວີຍໄດ້ນຳໃຊ້ປະສົບການທີ່ກວ້າງຂວາງກ່ຽວກັບເຄື່ອງໃຊ້ໄຟຟ້າ ແລະ ການເກັບຮັກສາພະລັງງານ ພ້ອມທັງຊ່ຽວຊານດ້ານເຕັກນິກ 5G Cloud ແລະ AI ເພື່ອພັດທະນາທຸລະກິດພະລັງງານດີຈີຕອນ ແລະ ສະໜອງການແກ້ໄຂພະລັງງານດີຈີຕອນສຳລັບອຸດສາຫະກຳທີ່ແຕກຕ່າງກັນ ເດືອນທັນວາ 2020 ພະລັງງານດີຈີຕອນຂອງຫົວເຫວີຍ ຜະລິດຕະພັນ ແລະ ວິທີແກ້ໄຂ ໄດ້ຜະລິດກະແສໄຟຟ້າ 325 ຕື້ kWh ຈາກແຫຼ່ງທີ່ສາມາດຜະລິດຄືນໃໝ່ ແລະ ປະຢັດພະລັງງານໄຟຟ້າ 10 ຕື້ kWh ຜ່ານຄວາມພະຍາຍາມດັ່ງກ່າວ ໄດ້ເຮັດໃຫ້ການປ່ອຍອາຍ CO2 ຫຼຸດລົງ 160 ລ້ານໂຕນ.
ທ່ານ Jay Chen ຮອງປະທານບໍລິສັດຫົວເຫວີຍ ອາຊີ-ປາຊິຟິກ ໄດ້ປະກາດແຜນວຽກຂອງຫົວເຫວີຍ ໃນການພັດທະນາເພີ່ມຄວາມສາມາດຜູ້ທີ່ມີພອນສະຫວັນດ້ານໄອຊີທີຫຼາຍກວ່າ 40.000 ຄົນ ຜ່ານຫຼາຍແຜນງານ ລວມທັງ Seeds for the Future ໃນພາກພື້ນ ໃນເສດຖະກິດດີຈີຕອນຜູ້ທີ່ມີພອນສະຫວັນດ້ານໄອຊີທີ ມີບົດບາດສຳຄັນຫຼາຍຂຶ້ນໃນການຂັບເຄື່ອນການຫັນປ່ຽນດີຈີຕອນ ແລະ ການເຕີບໂຕຂອງເສດຖະກິດ ການເຂົ້າເຖິງການສຶກສາ ແມ່ນສິ່ງຈຳເປັນສຳລັບການສ້າງໂອກາດສະໜັບສະໜູນການພັດທະນາທີ່ຍືນຍົງ ແລະ ຍຸຕິທຳ ຍ້ອນການແຜ່ລະບາດຂອງພະຍາດ ພວກເຮົາໄດ້ປັບປ່ຽນໂປຣແກຣມໃຫ້ມາເປັນອອນລາຍ ແລະ ເປີດເພື່ອນັກສຶກສາທີ່ເກັ່ງກວ່າເກົ່າໃນພາກພື້ນອາຊີ-ປາຊີຟິກ ຫົວເຫວີຍໄດ້ເປັນຜູ້ສ້າງຄວາມໝັ້ນຄົງໃຫ້ການສ້າງລະບົບນິເວດຄວາມສາມາດທີ່ລວມເຂົ້າກັນ ມະຫາວິທະຍາໄລຫົວເຫວີຍ ອາຊຽນ ໄດ້ເປີດຂຶ້ນຢູ່ປະເທດໄທ ມາເລເຊຍ ແລະ ອິນໂດເນເຊຍ ປີ 2019 ແລະ ໄດ້ສ້າງຜູ້ທີ່ມີຄວາມສາມາດດ້ານໄອຊີທີຫຼາຍກວ່າ 100.000 ຄົນ ໃນການກະກຽມອະນາຄົດດີຈີຕອນ ການຮ່ວມມືກັບມະຫາວິທະຍາໄລຊັ້ນແນວໜ້າ ກຳລັງເລັ່ງຕົວຂຶ້ນ ປັດຈຸບັນ ຫົວເຫວີຍໄດ້ສ້າງການຮ່ວມມືກັບມະຫາວິທະຍາໄລປະມານ 200 ແຫ່ງ ຢູ່ບັນດາປະເທດໃນພາກພື້ນອາຊີ-ປາຊີຟິກ.
. # ຂ່າວ & ພາບ : ສະບາໄພ ສອນທະວີ