Solution ການແພດທາງໄກສໍາລັບພະຍາດໂຄວິດ-19 ທີ່ພັດທະນາໂດຍໂຮງໝໍມິດຕະພາບ ຈີນ-ຍີ່ປຸ່ນ ໂດຍໃຊ້ Solution ເຄືອຂ່າຍ 5G ຂອງຫົວເຫວີຍ ໄດ້ຮັບລາງວັນ GSMA GLOMO ດ້ານນະວັດຕະກໍາທີ່ດີທີ່ສຸດສໍາລັບການຮັບມື ແລະ ການຟື້ນໂຕຂອງໂີຣກລະບາດໂຄວິດ-19 ເຊິ່ງປະກາດໂດຍສະມາຄົມການສື່ສານເຄື່ອນທີ່ສາກົນ (GSMA) ໃນງານ Mobile World Congress 2021 (MWC 2021) ວັນທີ 30 ມິຖູນາ 2021 ຢູ່ບາເຊໂລນາ ປະເທດແອັດສະປາຍ ເຊິ່ງລາງວັນນີ້ ສະແດງໃຫ້ເຫັນການຍອມຮັບໃນອຸດສາຫະກຳ 5G smart healthcare ສໍາລັບບົດບາດໃນການຊ່ວຍຕໍ່ສູ້ກັບໄວຣັສ.
ຄະນະກຳມະການໄດ້ສະແດງຄວາມຄິດເຫັນວ່າ ໃນປີ 2020 ການລະບາດຂອງເຊື້ອພະຍາດໂຄວິດ-19 ທົ່ວໂລກ ເກີດຂຶ້ນຢ່າງຮຸນແຮງ ເຊິ່ງເຕັກໂນໂລຊີມືຖືດັ່ງກ່າວ ກໍໄດ້ຕອບສະໜອງ ແລະ ຟື້ນຟູຄວາມເສຍຫາຍທີ່ເກີດຈາກເຊື້ອພະຍາດໂຄວິດ-19 ການຕອບໂຕ້ຢ່າງກວ້າງຂວາງຕໍ່ວິກິດໂຄວິດ-19 5G smart healthcare ສະແດງໃຫ້ເຫັນຄວາມສາມາດທີ່ໂດດເດັ່ນໃນການຊ່ວຍຄວບຄຸມໄວຣັສ ລວມທັງຟື້ນຟູຊີວິດປະຈໍາວັນ ແລະ ການຜະລິດພາກອຸດສາຫະກຳກັບຄືນມາ ໃນຖານະທີ່ເປັນໜຶ່ງໃນໂຮງໝໍແຫ່ງທຳອິດທີ່ທົດລອງໃຊ້ເຄືອຂ່າຍ 5G ໂຮງໝໍມິດຕະພາບ ຈີນ-ຍີ່ປຸ່ນ ເປັນໂຮງໝໍແຫ່ງທໍາອິດທີ່ໄດ້ຮັບການຄຸ້ມຄອງຈາກເຄືອຂ່າຍດີຈີຕອນ 5G ຂອງ China Telecom China Mobile and China Unicom ເຊິ່ງເປັນພື້ນຖານທີ່ໝັ້ນຄົງສໍາລັບການສຳຫຼວດ ແລະ ການໃຊ້ບໍລິການ 5G ການແພດທາງໄກ.
ໂຮງໝໍມິດຕະພາບ ຈີນ-ຍີ່ປຸ່ນ ໄດ້ໃຊ້ປະໂຫຍດຈາກ 5G ເພື່ອປັບປຸງການບໍລິການຄົນເຈັບ ແລະ ນໍາໃຊ້ລະບົບການຊ່ວຍເຫຼືອທາງໄກດີຈີຕອນແບບອັດສະລິຍະໂດຍກົງກັບສະຖານທີ່ຕັ້ງໃໝ່ ແລະ ສະຖາບັນການແພດຂັ້ນຕົ້ນ ແລະ ໄດ້ນຳໃຊ້ເຕັກໂນໂລຊີ 5G ເພື່ອເຊື່ອມຕໍ່ກັບໂຮງໝໍ 5.000 ກວ່າແຫ່ງທົ່ວປະເທດ ໃນການປິ່ນປົວທາງໄກ ລະບົບໃຫ້ຄຳປຶກສາທາງໄກ 5G ຖືກຈັດຕັ້ງປະຕິບັດຢູ່ຫຼາຍໂຮງໝໍທົ່ວປະເທດ ຜູ້ຊ່ຽວຊານຍັງໄດ້ຍົກສູງປະສິດທິຜົນຂອງການຮັກສາໂດຍຜ່ານການປຶກສາທາງໄກ ການກວດ CT ແລະ B-ultrasound ເຊິ່ງຊ່ວຍໃຫ້ໂຮງໝໍ ຮັກສາຄົນເຈັບພະຍາດໂຄວິດ-19 ໄດ້ຢ່າງມີປະສິດທິຜົນ ເດືອນກຸມພາ 2020 ການກວດຄົນເຈັບດ້ວຍລະບົບດີຈີຕອນ ຊ່ວຍໃຫ້ທີມແພດສຸກເສີນຂອງໂຮງໝໍມິດຕະພາບ ຈີນ-ຍີ່ປຸ່ນ ທີ່ຫູເປີ໋ຍ ສາມາດໄດ້ຍິນສຽງປອດຂອງຄົນເຈັບທີ່ຕິດພະຍາດໂຄວິດ-19 ທີ່ອາການໜັກເປັນຄັ້ງທຳອິດ ການເຊື່ອມຕໍ່ 5G ສາມາດສົ່ງສຽງໄປຫາແພລດຟອມກາງໃນເວລາຕົວຈິງສຳລັບການວິເຄາະຫຼາຍວິທີ ອີງໃສ່ AI ໂດຍຜູ້ຊ່ຽວຊານເຮັດໃຫ້ສາມາດບົ່ງມະຕິພະຍາດອາການບວມນໍ້າ ເຊິ່ງເປັນລັກສະນະຕົ້ນຕໍຂອງສຽງໃນປອດຄົນເຈັບທີ່ຕິດເຊຶ້ອພະຍາດໂຄວິດ-19 ໂດຍສະໜອງຂໍ້ມູນອ້າງອີງທາງຄຣີນິກທີ່ມີຊື່ສຽງ ແອັບພລີເຄຊັ່ນການແພດທາງໄກອື່ນໆ ເຊັ່ນ: ການປຶກສາການ ultrasound ແບບປະສົມປະສານການຜ່າຕັດເຂັມມີດ ultrasound ແລະ ການປຶກສາຫາລືທາງພະຍາດວິທະຍາທີ່ໂຮງໝໍມິດຕະພາບ ຈີນ-ຍີ່ປຸ່ນ ໄດ້ພັດທະນາຂຶ້ນໂດຍໃຊ້ເຕັກໂນໂລຊີ 5G ມີຄວາມສໍາຄັນໃນການຕອບສະໜອງຕໍ່ວິກິດການຢ່າງກວ້າງຂວາງ ອຸປະກອນ ultrasound ທີ່ເປີດນໍາໃຊ້ເຕັກໂນໂລຊີ 5G ທີ່ຂ້າງຕຽງໃນຫ້ອງຜ່າຕັດ ແລະ ຫ້ອງຄົນເຈັບໄອຊີຢູ ເພື່ອເຊື່ອມຕໍ່ກັບແພລດຟອມກາງ ໄດ້ຊ່ວຍໃຫ້ຜູ້ຊ່ຽວຊານສາມາດໃຫ້ຄໍາແນະນຳ ແລະ ເຝິກອົບຮົມແກ່ແພດໃນໂຮງໝໍອື່ນໆໄດ້ ເຊິ່ງຈະຊ່ວຍແກ້ໄຂປັນຫາການຂາດຜູ້ຊ່ຽວຊານ ແລະ ຫຼຸດຜ່ອນການຈາລະຈອນ ລະຫວ່າງໂຮງໝໍ ແລະ ໂຮງໝໍທີ່ສົ່ງຜົນຕໍ່ການຕິດເຊື້ອ.
ທ່ານ Lu Qingjun ຜູ້ອຳນວຍການສໍານັກງານພັດທະນາໂຮງໝໍ ຈີນ-ຍີ່ປຸ່ນ ສູນການແພດທາງໄກ ແລະ ການເບິ່ງແຍງສຸຂະພາບແຫ່ງຊາດ ກ່າວວ່າ: “ເຕັກໂນໂລຊີ 5G ກໍາລັງກ້າວໜ້າຢ່າງວ່ອງໄວ ແລະ ເພີ່ມການເບິ່ງແຍງສຸຂະພາບອັດສະລິຍະໃນແນວທາງຂອງມັນດ້ວຍແອັບພລີເຄຊັ່ນ AI ທີ່ໃຊ້ 5G ການເບິ່ງແຍງສຸຂະພາບອັດສະລິຍະ ຊ່ວຍໃຫ້ພວກເຮົາຕໍ່ສູ້ກັບການແຜ່ລະບາດດ້ວຍການຮັກສາຄົນເຈັບໃນຮູບແບບທາງໄກ ນອກນີ້ ຍັງມີບົດບາດສໍາຄັນໃນການບໍລິຫານການກະຈາຍຊັບພະຍາກອນທາງການແພດທີ່ບໍ່ສົມດຸນ ປັບປຸງຄວາມຖືກຕ້ອງຂອງການບົ່ງມະຕິພະຍາດໃຫ້ຖືກຕ້ອງ ແລະ ເພີ່ມປະສິດທິຜົນຂອງການຮັກສາສຸຂະພາບ ເດືອນສິງຫາ 2020 ອົງການຄຸ້ມຄອງສຸຂະພາບຊັ້ນແນວໜ້າຂອງຈີນ ໄດ້ເລີ່ມກໍານົດໂຄງການກໍານົດມາດຕະຖານ ໂດຍຂໍໃຫ້ໂຮງໝໍຂອງພວກເຮົາເຮັດການວິໄຈການສ້າງມາດຕະຖານຂອງແອັບພລີເຄຊັ່ນ 5G ໃນອຸດສະຫາກໍາການແພດກັບໂຮງໝໍອື່ນໆ ສະຖາບັນວິໄຈ ແລະ ຜູ້ຫຼິ້ນ 5G ຊັ້ນແນວໜ້າ ເຊິ່ງຈະເຮັດໃຫ້ຈີນສາມາດສ້າງເຄືອຂ່າຍທາງການແພດ 5G ທີ່ມີມາດຕະຖານແບບຄົບວົງຈອນ ເພື່ອສົ່ງເສີມນະວັດຕະກໍາທາງການແພດ 5G ກໍານົດມາດຕະຖານການພັດທະນາສິນຄ້າທາງການແພດ 5G ແລະ ພັດທະນາແອັບພລີເຄຊັ່ນໃຫ້ມີຄຸນຄ່າຫຼາຍຂຶ້ນ ເສີມສ້າງໂຄງສ້າງພື້ນຖານຂອງໂຮງໝໍອັດສະລິຍະ.
ທ່ານ Marvin Chen ປະທານສາຍຜະລິດຕະພັນ Huawei DIS ກ່າວວ່າ: 5G ກໍາລັງແນມເຫັນແອັບພລີເຄຊັ່ນຂະໜາດໃຫຍ່ດ້ານການເບິ່ງແຍງສຸຂະພາບ ໂຮງໝໍຫຼາຍກວ່າ 700 ແຫ່ງໃນຈີນໄດ້ຕິດຕັ້ງ 5G ແລະ ເລີ່ມທົດລອງໃຊ້ ຫຼື ນໍາໄປໃຊ້ໃນຮູບແບບການຄ້າດ້ວຍການຈັດຫາອຸປະກອນທີ່ມີຢູ່ ດ້ວຍໂມດູນ 5G ແລະ ການລວມໂມດູນ 5G ເຂົ້າກັບອຸປະກອນໃໝ່ ເຮັດໃຫ້ມີການສຳຫຼວດບໍລິການ 5G ຢ່າງຫຼວງຫຼາຍໃນໂຮງໝໍທີ່ມີຈໍານວນເພີ່ມຂຶ້ນເລື້ອຍໆ ຫົວເຫວີຍຈະສືບຕໍ່ສ້າງສັນ Solution 5G ຮ່ວມກັບອຸດສາຫະກໍາຮັກສາສຸຂະພາບຕໍ່ໄປ ເພື່ອພັດທະນາແອັບພລີເຄຊັ່ນ 5G ທີ່ສາມາດຕໍ່ສູ້ກັບການແຜ່ລະບາດຂອງພະຍາດ ແລະ ໃຊ້ປະໂຫຍດຈາກ 5G ຫຼາຍຂຶ້ນ ລາງວັນ GLOMO ປະຈໍາປີ ຈັດຂຶ້ນເພື່ອຊົມເຊີຍຄວາມສໍາເລັດຂອງຜູ້ບຸກເບີກເຕັກໂນໂລຊີມືຖື ແລະ ໄດ້ມີການແຈກລາງວັນຫຼາຍໝວດໝູ່ ລວມເຖິງເຕັກໂນໂລຊີມືຖືຜູ້ບໍລິໂພກເຊື່ອມຕໍ່ ອຸດສາຫະກຳ X ແລະ Tech4Good ຜູ້ພິພາກສາອິດສະຫຼະຫຼາຍກວ່າ 250 ຄົນຈາກທົ່ວໂລກ ໄດ້ມີສ່ວນຮ່ວມໃນຂະບວນການມອບລາງວັນ ຄະນະກຳມະການ ແລະ ຜູ້ຊ່ຽວຊານດ້ານອຸດສາຫະກຳຊັ້ນນຳ ນັກວິເຄາະ ນັກຂ່າວ ວິຊາການ ແລະ ໃນບາງກໍລະນີ ແມ່ນຕົວແທນຈາກຜູ້ໃຫ້ບໍລິການໂທລະສັບມືຖື.
# ຂ່າວ & ພາບ: ສະບາໄພ