ກອງປະຊຸມໃຫຍ່ຄັ້ງທີ II ໜ່ວຍພັກຮາກຖານສະພາປະຊາຊົນນະຄອນຫຼວງວຽງຈັນ (ນວ) ຈັດຂຶ້ນວັນທີ 29 ມິຖຸນາ 2021 ທີ່ຫ້ອງວ່າການປົກຄອງ ນວ ເປັນປະທານຂອງສະຫາຍ ອຸດອນ ໄຊມຸນຕີ ເລຂາໜ່ວຍພັກຮາກຖານ ສະພາປະຊາຊົນ ນວ ມີສະຫາຍ ອານຸພາບ ຕຸນາລົມ ເລຂາທິການສູນກາງພັກ ເລຂາຄະນະພັກ ປະທານສະພາປະຊາຊົນ ນວ ພ້ອມດ້ວຍສະມາຊິກພັກສົມບູນ-ສໍາຮອງ ແລະ ແຂກຖືກເຊີນເຂົ້າຮ່ວມ.
ກອງປະຊຸມ ສະຫາຍ ອຸດອນ ໄຊມຸນຕີ ໄດ້ຜ່ານຮ່າງບົດລາຍງານການເມືອງ ຕີລາຄາການເຄື່ອນໄຫວຊີ້ນໍານໍາພາຂອງໜ່ວຍພັກຮາກຖານສະພາປະຊາຊົນ ນວ ໄລຍະປີ 2016-2020 ແລະ ທິດທາງແຜນການແຕ່ນີ້ຮອດປີ 2025 ພ້ອມນັ້ນ ກອງປະຊຸມໄດ້ດໍາເນີນການປ່ອນບັດຄັດເລືອກເອົາຄະນະພັກຊຸດໃໝ່ ເຊິ່ງມີຜູ້ລົງສະໝັກ 7 ສະຫາຍ ເລືອກເອົາ 5 ສະຫາຍ ໃນນີ້ ເລືອກເອົາສະຫາຍ ນາງ ລຳພອຍ ສີອັກຄະຈັນ ເປັນເລຂາໜ່ວຍພັກ ສະຫາຍ ນະຄະເສນ ສີຫາລາດ ເປັນຮອງ ສະຫາຍ ນາງ ເກດມະນີ ບັນດາສັກ ເປັນຮອງ ສະຫາຍ ນາງ ສົມພຽນ ວົງໄຊ ແລະ ສະຫາຍ ສົມບັດ ຈັນທະມາດ ເປັນຄະນະ ນອກນີ້ ໄດ້ເລືອກຕັ້ງເອົາ ສະຫາຍ ນາງ ເກດມະນີ ບັນດາສັກ ເປັນປະທານກວດກາ.
# ຂ່າວ & ພາບ: ຂັນທະວີ