ວັນທີ 29 ພຶດສະພາ 2021 ທ່ານ ພູວົງ ວົງຄຳຊາວ ຮອງເຈົ້າຄອງນະຄອນຫຼວງວຽງຈັນ (ນວ) ຫົວໜ້າຄະນະສະເພາະກິດໂຄວິດຂັ້ນ ນວ ພ້ອມຄະນະໄດ້ສືບຕໍ່ນຳພາຜູ້ໃຈບຸນໄປແຈກຢາຍເຄື່ອງອຸປະໂພກ-ບໍລິໂພກໃຫ້ປະຊາຊົນບ້ານຫ້ວຍເຕີຍເມືອງໄຊທານີ 50 ຄອບຄົວທີ່ມີຄວາມຫຍຸ້ງຍາກ ແລະ ໄດ້ຮັບຜົນກະທົບຈາກພະຍາດໂຄວິດ-19 ເພື່ອເປັນການບັນເທົາທຸກ ມີບັນດາຫົວໜ້າ ຮອງຫົວໜ້າພະແນກກ່ຽວຂ້ອງ ອຳນາດການປົກຄອງເມືອງ ບ້ານ ແລະ ສະມາຊິກສະພາປະຊາຊົນ ນວ ເຂດເມືອງໄຊທານີເຂົ້າຮ່ວມ.
ສຳລັບເຄື່ອງທີ່ນຳມາມອບໃຫ້ປະຊາຊົນບ້ານຫ້ວຍເຕີຍຄັ້ງນີ້ໄດ້ຈາກການປະກອບສ່ວນຂອງທ່ານນາງ ອໍລະໄທ ສັນຕິຄົງຄາ ປະທານບໍລິສັດ ກຣິດຕະພົງ ກຣູບ ຈຳກັດ ສະມາຊິກສະພາປະຊາຊົນ ນວ ຊູດທີ 2 ເມືອງໄຊທານີ ແລະຄະນະອີ່ມບຸນເມດຕາທຳ.