ນັກສຶກສາແພດ ມວສ ພັກຢູ່ຫໍພັກບ້ານທົ່ງປົ່ງ ໄດ້ຮັບເຄື່ອງບັນເທົາທຸກ

    ຄະນະສະເພາະກິດໂຄວິດ-19 ນະຄອນຫຼວງວຽງຈັນ (ນວ) ຮ່ວມກັບສະມາຄົມໂຮງແຮມ ຄະນະອິ່ມບຸນເມດຕາທຳ ທ່ານ ນາງ ອໍລະໄທ ສັນຕິຄົງຄາ ປະທານບໍລິສັດກຣິດຕະພົງ ກຣຸບ ຈໍາກັດ ສະມາຊິກສະພາປະຊາຊົນຊຸດທີ 2 ເມືອງໄຊທານີ ແລະ ບໍລິສັດ ຄົມປັນຍາ ໄດ້ນໍາເອົາເຄື່ອງບໍລິໂພກບັນເທົາທຸກ ມອບໃຫ້ນັກສຶກສາມະຫາວິທະຍາໄລວິທະຍາສາດສຸຂະພາບ (ມວສ) ທີ່ພັກຢູ່ຫໍພັກຫຼັງໂຮງໝໍປິ່ນປົວຕາທົ່ງປົ່ງ ຈໍານວນ 20 ຊຸດ ວັນທີ 30 ພຶດສະພາ 2021 ໂດຍການນໍາພາຂອງທ່ານ ພູວົງ ວົງຄໍາຊາວ ຮອງເຈົ້າຄອງ  ນວ ຫົວໜ້າຄະນະສະເພາະກິດໂຄວິດ-19 ນວ ມີທ່ານ ທະວີໄຊ ເໝົາຊົມພູ ເຈົ້າເມືອງສີໂຄດຕະບອງ ພ້ອມດ້ວຍພະແນກການ ແລະ ພາກສ່ວນກ່ຽວຂ້ອງເຂົ້າຮ່ວມ.

    ທ່ານ ບຸນຖົມ ຊາມຸນຕີ ອະທິການບໍດີ ມວສ ໃຫ້ຮູ້ວ່າ: ນັກສຶກສາທີ່ພັກຢູ່ຫໍພັກໂຮງຮຽນປິ່ນປົວຕາທົ່ງປົ່ງ ມີຈໍານວນ 17 ຄົນ ເປັນເພດຊາຍທັງໝົດ ນອກນັ້ນ ຍັງມີພະນັກງານຄູ-ອາຈານ ຈໍານວນໜຶ່ງ ເຊິ່ງນັກສຶກສາທັງໝົດເປັນນັກສຶກສາຕົກຄ້າງທີ່ບໍ່ສາມາດກັບບ້ານໄດ້ໃນໄລຍະການແຜ່ລະບາດເຊື້ອພະຍາດໂຄວິດ-19 ແລະ ໃນນີ້ ຍັງມີນັກສຶກສາທີ່ຮຽນປີທີ 4 ແລະ ທີ 5 ໄດ້ຜັດປ່ຽນກັນເວນຍາມຢູ່ຕາມໂຮງໝໍ ສູນປະຕິບັດການຂອງຄະນະສະເພາະກິດຕື່ມອີກ.

error: Content is protected !!