ຄະນະສະເພາະກິດໂຄວິດ-19 ນະຄອນຫຼວງວຽງຈັນ (ນວ) ມອບອຸປະກອນການແພດໃຫ້ອົງການປົກຄອງເມືອງນາຊາຍທອງ ນວ ວັນທີ 30 ພຶດສະພາ 2021 ທີ່ສໍານັກງານປົກຄອງເມືອງດັ່ງກ່າວ ໂດຍການມອບຂອງທ່ານ ບຸນທະວີ ຮອງຫົວໜ້າພະແນກສາທາລະນະສູກ ນວ ຫົວໜ້າກອງເລຂາຄະນະສະເພາະກິດໂຄວິດ-19 ມີທ່ານ ພູວົງ ວົງຄໍາຊາວ ຮອງເຈົ້າຄອງ ຫົວໜ້າຄະນະສະເພາະກິດໂຄວິດ-19 ນວ ພ້ອມດ້ວຍພະແນກການອ້ອມຂ້າງ ສະມາຄົມ ແລະ ຫົວໜ່ວຍທຸລະກິດເຂົ້າຮ່ວມ.
ອຸປະກອນການແພດມອບຄັ້ງນີ້ ປະກອບມີເຄື່ອງວັດແທກອຸນຫະພູມ ແລະ ເຄື່ອງໃສເຈວລ້າງມືແບບອັດຕະໂນມັດ 3 ຊຸດ ນອກນີ້ ຍັງມີຜ້າອັດປາກ-ອັດດັງຈໍານວນໜຶ່ງ ມູນຄ່າທັງໝົດ 5 ລ້ານກີບ ເພື່ອນໍາໃຊ້ເຂົ້າໃນວຽກງານຕ້ານການແຜ່ລະບາດເຊື້ອພະຍາດໂຄວິດ-19
