ນັກຮົບທາງດ້ານວັດທະນະທຳ ເປັກ ບຸນມະນີ ພົມມະສານ ສິລະປິນນັກຮ້ອງ ຄ້າຍເພງທີເຄຊາວ ລາວ ສ້າງສັນຜົນງານເພງໃໝ່ຫຼ້າສຸດ ເພື່ອເປັນການຊຸກຍູ້ ແລະ ໃຫ້ກຳລັງໃຈຈຸບັນດາແພດໝໍທີ່ກຳລັງສຸມໃສ່ກວດກາ ແລະ ປິ່ນປົວຄົນເຈັບທີ່ຕິດເຊື້ອໂຄວິດ 19 ໃນປັດຈຸບັນ.
ເປັກ ບຸນມະນີ ພົມມະສານ ເປັນສິລະປິນນັກຮ້ອງ ສັງກັດຄ້າຍເພງທີເຄຊາວ ລາວ ພະນັກງານຢູ່ກະຊວງສຶກສາທິການ ແລະ ກິລາ ກໍ່ເປັນບຸກຄົນໜຶ່ງໄດ້ປະຕິບັດຕາມຄຳສັ່ງຂອງລັດຖະບານ ໃຫ້ຢູ່ເຮືອນເພື່ອບໍ່ໃຫ້ເຊື້ອພະຍາດແຜ່ລະບາດຮ້າຍແຮງແຜ່ລາມ ແລະ ກໍ່ໄດ້ຕິດຕາມຂ່າວຄາວ ສະພາບການແພ່ລະບາດໂຄວິດ 19 ຜູ້ກ່ຽວກໍ່ໄດ້ເຫັນວ່າ ບັນດາແພດໝໍພວມປິ່ນປົວຄົນເຈັບທີ່ຕິດເຊື່ອໂຄວິດ 19 ພວມສຸມໃສ່ປິ່ນປົວຄົນເຈັບດັ່ງກ່າວ ກໍ່ໄດ້ສ້າງສັນບົດເພງຈຳນວນສອງເພງ ເພື່ອເປັນກຳລັງໃຈແພດໝໍ ຄື: ເພງ: ນາງຟ້າເທວະບຸດຊຸດຂາວ ແລະ ເພງ: ເຫັນນັກຮົບຊຸດຂາວ ຊາວລາວອຸ່ນໃຈ ເພງດັ່ງກ່າວນີ້ ແມ່ນຮ່ວມກັນແຕ່ງລະຫວ່າງ ເປັກ ບຸນມະນີ ພົມມະສານ ແລະ ທ່ານ ພອນສະຫວັນ ພັນທະວິຈິດ ນັກຂຽນລາງວັນຊີໄຣ ປະຈຳປີ 2016 ໂດຍມີຄວາມຕັ້ງໃຈວ່າເພງດັ່ງກ່າວຈະເປັນສຽງເພງຜ່ອນຄາຍບັນເທົາຄວາມອິດເມື່ອຍໃຫ້ແພດໝໍທີ່ພວມສຸມໃສ່ປິ່ນປົວຄົນເຈັບໂຄວິດ-19 ໃນຂະນະນີ້ ສອງບົດເພງດັ່ງກ່າວໄດ້ບັນລະຍາຍເຖິງຄວາມອົດທົນພາກພຽນສູ້ຊົນ ເສຍສະລະຊີວິດສ່ວນຕົວຂອງແພດໝໍລາວ ທີ່ປິ່ນປົວຄົນເຈັບໂຄວິດ-19 ບົດເພງດັ່ງກ່າວ ໄດ້ຍົກຍ້ອງແພດໝໍປຽບເໝືອນນາງຟ້າເທວະບຸດຊຸດຂາວ ແລະ ວິລະຊົນຂອງຊາດລາວເຮົາ ເພາະສະນັ້ນ ພວກເຮົານັກຮົບທາງດ້ານວັດທະນະທຳ ກໍເອົາສຽງເພງວັດທະນະທຳລາວເປັນກໍາລັງໃຈໃຫ້ແພດໝໍ ເພື່ອເປັນການຜ່ອນຄາຍ ແລະ ຕໍ່ສູ້ກັບແນວຄິດທໍ້ຖອຍຂອງເຂົາເຈົ້າ ນັກຮົບດ້ານວັດທະນະທຳ ມັນຕິດພັນກັບການຂະຫຍາຍຕົວຂອງປະເທດຕາມສະພາບການຕົວຈິງ ແລະ ຕາມເຫດການທີ່ເກີດຂຶ້ນຕ່າງໆຂອງປະເທດເຮົາ.
ໃນໄລຍະສະພາບການລະບາດຂອງເຊື້ອພະຍາດໂຄວິດ-19 ນີ້ ບັນດາຫ້ອງອັດສຽງແມ່ນປິດ ສະນັ້ນ ການອັດສຽງແມ່ນເປັນການສ່ຽງໄພຕິດເຊື້ອພະຍາດ ແຕ່ກໍໄດ້ຕັດສິນໃຈສ້າງສັນຜົນງານເພງອອກມາຮັບໃຊ້ສັງຄົມ ເປັນ ບຸນມະນີ ພົມມະສານ ແລະ ທ່ານ ພອນສະຫວັນ ພັນທະວິຈິດ ຜູ້ປະພັນເພງ ນັກປະພັນ ຍັງມີທ່ານ ສົມພົງ ສີສຸວັນນະວົງ ຜູ້ສ້າງສັນດົນຕີ ແມ່ນເອີ້ນວ່າແມ່ນການຕັດສິນໃຈໃນການຜະລິດເພງດັ່ງກ່າວນີ້.
ໄລຍະຜ່ານມາ ປີ 2020 ລາວເຮົາມີຜູ້ຕິດເຊື້ອໂຄວິດ ກໍ່ໄດ້ມີຜົນງານເພງປຸກລະດົມ ແລະ ເພງໃຫ້ກຳລັງແພດໝໍ ຈຳນວນ 3 ເພງຄື: ນັກຮົບເສື້ອຂາວ ປະພັນໂດຍ: ທ່ານ ພອນສະຫວັນ ພັນທະວິຈິດ ເພງ: ໂຄວິດ 19 ຮ້ອງ ແລະ ປະພັນໂດຍ: ເປັກ ບຸນມະນີ ພົມມະສານ ເພງ: ນາງແພດປະຕິວັດ ຮ້ອງໃໝ່ໂດຍ: ເປັກບຸນມະນີ ພົມມະສານ ປະພັນໂດຍ ທ່ານ ບົວເງິນ ຊາພູວົງ ຮອງລັດຖະມົນຕີກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ ສິລະປິນແຫ່ງຊາດ. ຂໍຝາກຜົນງານທັງສອງເພງໃໝ່ນີ້ ເພື່ອເປັນກຳລັງໃຈໃຫ້ກັບແພດໝໍທີ່ກຳລັງປະຕິບັດໜ້າທີ່ກວດກາ ແລະ ປິ່ນປົວຄົນເຈັບຜູ້ຕິດເຊື້ອໂຄວິດ-19 ໃຫ້ມີກຳລັງໃຈທີ່ເຂັ້ມແຂງ ຜ່ານຜ່າອຸປະສັກ ແລະ ສົງຄາມຊີວະພາບ ໃຫ້ຜ່ານພົ້ນ.
ຜົນງານດັ່ງກ່າວ ສຳເລັດໄດ້ເກໍຍ້ອນນໍ້າໃຈຂອງທ່ານນາງ ເພັດສະໝອນ ປະທານບໍລິສັດເພັດຖາວອນກໍ່ສ້າງ ແລະ ບໍລິສັດ ຜະລິດຢາ CBF ບໍລິສັດ ຊີບີເອຟ ຟາຣມາ ຈຳກັດ ໃຫ້ການສະໜັບສະໜູນ. ຂໍຝາກຜົນງານສອງເພງນີ້ ໃຫ້ໄດ້ນຳໃຊ້ໃຫ້ສັງຄົມ ແລະ ເປັນກຳລັງໃຈໃຫ້ແພດໝໍລາວທຸກທ່ານໃນທົ່ວປະເທດ ຂໍຂອບໃຈ.