ໃນເວລາປະມານ 16-18 ໂມງຂອງວັນທີ 5 ເມສາ 2020 ຢູ່ຕະຫຼາດວິທະຍາເຂດດົງໂດກ ເມືອງໄຊທານີ ນະຄອນຫຼວງວຽງຈັນ ເຊິ່ງເປັນຕະຫຼາດທີ່ຕັ້ງໃກ້ກັບສະຖາບັນການສືກສາ ມະຫາວິທະຍາໄລແຫ່ງຊາດ ທີ່ເຄີຍມີນັກສືກສາ ແລະ ປະຊາຊົນເຂົ້າມາຊື້-ຂາຍ ແລກປ່ຽນສິນຄ້າຢູ່ຕະຫຼາດແຫ່ງນີ້ຢ່າງໜາແໜ້ນ ປັດຈຸບັນເຫັນວ່າ ການເຄື່ອນໄຫວໃນຕະຫຼາດດັ່ງກ່າວແມ່ນມີຈຳນວນຜູ້ຄົນຫຼຸດລົງ ແລະ ເບົາບາງພໍສົມຄວນ ມີບາງຮ້ານກໍໄດ້ເປີດ ແລະ ປິດເປັນສ່ວນຫຼາຍ ເຊິ່ງນີ້ກໍໄດ້ສະແດງໃຫ້ເຫັນຄວາມຕື່ນຕົວ ແລະ ເອົາໃຈໃສ່ຂອງປະຊາຊົນ ຕໍ່ການຈັດຕັ້ງປະຕິບັດຄຳສັ່ງເລກທີ 06/ນຍ ເພື່ອເພີ່ມທະວີສະກັດກັ້ນການແຜ່ລະບາດຂອງພະຍາດໂຄວິດ-19 ໃນທົ່ວປະເທດໃຫ້ຫຼຸດລົງ.
