ໄຕ້ຫວັນຖະແຫຼງຄວາມພ້ອມດ້ານການຜະລິດອຸປະກອນ ແລະ ວິທີແກ້ໄຂປ້ອງກັນການແຜ່ລະບາດຂອງໄວຣັສໂຄໂຣນາສາຍພັນໃໝ່ (ໂຄວິດ-19) ຢືນຢັນຄວາມໝັ້ນໃຈໃນລະບົບນິເວດການຜະລິດອຸປະກອນ ແລະ ຜະລິດຕະພັນປ້ອງກັນການແຜ່ລະບາດເຊັ່ນ: ຫຸ່ນຍົນຂ້າເຊື້ອພະຍາດ ບໍລິການໃຫ້ຄຳປຶກສາທາງໄກຈາກແພດ ເພື່ອຊ່ວຍເຫຼືອທຸກຝ່າຍຕໍ່ສູ້ ແລະ ຮັບມືກັບການລະບາດທີ່ຮຸນແຮງຂອງໂຄວິດ-19.
ທ່ານ ວອລເຕີ ເຢ ປະທານ ແລະ ປະທານກຳມະການຜູ້ຈັດການ ສະພາສົ່ງເສີມການຄ້າ ແລະ ການສົ່ງອອກໄຕ້ຫວັນ Taiwan External Trade Development Council (TAITRA) ເປິດເຜີຍວ່າ ໄຕ້ຫວັນ ໄດ້ສະແດງໃຫ້ທົ່ວໂລກເຫັນເຖິງການຮັບມືດ້ານການວາງກຳລັງການຜະລິດ ການປະຕິບັດການທາງການແພດຂັ້ນສູງ ການວາງລະບົບ ແລະ ການປ້ອງກັນການແຜ່ກະຈາຍໂຄວິດ-19 ຢ່າງເປັນລະບົບ ແລະ ສາມາດຮັບມືກັບສະຖານະການໄດ້ຢ່າງດີ.
ສະພາສົ່ງເສີມການຄ້າ ແລະ ການສົ່ງອອກໄຕ້ຫວັນ ໄດ້ຈັດການສຳມະນາອອນລາຍຜ່ານທາງເວັບໄຊກັບໂຮງໝໍ Cheng Kung University ເພື່ອເນັ້ນເຖິງຈຸດແຂງຂອງໄຕ້ຫວັນໃນການຮັບມືກັບໂຄວິດ ພ້ອມກັບຊຸກຍູ້ກິດຈະກຳທາງເສດຖະກິດໃນໄລ ຍະເວລານີ້ດ້ວຍ ໂດຍມີເຈົ້າໜ້າທີ່ທາງການແພດຊາວອິນເດຍ ກວ່າ 14.000 ຄົນ ເຂົ້າຮ່ວມຟັງການບັນຍາຍ ແລະ ໄດ້ສຳຜັດກັບອຸປະກອນທີ່ອຳນວຍຄວາມສະດວກທາງການແພດຜ່ານການສະແດງສິນຄ້າທາງອອນລາຍ ຫຼື ເອີ້ນວ່າ Virtual Healthcare Pavilion ຊຶ່ງມີຜະລິດຕະພັນທາງການແພດທີ່ໄດ້ຮັບລາງວັນຜະລິດຕະພັນຍອດຢ້ຽມຂອງໄຕ້ຫວັນກວ່າ 33 ລາຍການເຂົ້າຮ່ວມສະແດງດ້ວຍ.
ການຈັດງານແບບອອນລາຍດັ່ງກ່າວ ຖືເປັນການຕອບຮັບຕໍ່ມາດຕະການການເວັ້ນໄລຍະຫ່າງທາງສັງຄົມ ຂະນະທີ່ກຸ່ມຜູ້ຊື້ຈາກຕ່າງປະເທດ ແລະ ຜູ້ສົນໃຈ ສາມາດມີສ່ວນຮ່ວມ ແລະ ສ້າງຄວາມຮູ້ຈັກກັບຜະ ລິດຕະພັນງ່າຍໆພຽງແຕ່ປາຍນິ້ວ ແລະ ສາມາດເຂົ້າຊົມໄດ້ຈາກທົ່ວທຸກມຸມໂລກ ທ່ານ ວອລເຕີ ເຢ ກ່າວເພີ່ມເຕີມ.
ທ່ານ ເສິນ ຊີອີ້ເສິນ ຜູ້ອຳນວຍການສຳ ນັກການຄ້າຕ່າງປະເທດຂອງໄຕ້ຫວັນ ໄດ້ກ່າວໃນກອງປະຊຸມວ່າ ລັດຖະບານໄຕ້ ຫວັນໄດ້ໃຊ້ມາດຕະການຕ່າງໆເພື່ອຊ່ວຍ ເຫຼືອອຸດສາຫະກຳການຜະລິດໃນການຮັບມືກັບຜົນກະທົບທີ່ເກີດຂຶ້ນ ໂດຍຫາຊ່ອງ ທາງການສົ່ງເສີມການຂາຍຜະລິດຕະພັນ ທາງການແພດໃນຕະຫຼາດຕ່າງປະເທດ ເພື່ອຊ່ວຍໃຫ້ຜູ້ປະກອບການໄດ້ຮັບໂອກາດ ທາງທຸລະກິດໃນໄລຍະເວລາທີ່ຍາກລຳບາກທີ່ສຸດນີ້.
ພາຍໃນການຖະແຫຼງຂ່າວ ໄດ້ມີການເປີດຕົວອຸປະກອນ ແລະ ຜະລິດຕະພັນປ້ອງກັນການແຜ່ລະບາດຂອງ COVID-19 ຈາກຫຼາກຫຼາຍບໍລິສັດ ໄດ້ແກ່ຫຸ່ນຍົນຂ້າເຊື້ອພະຍາດຈາກບໍລິສັດ Mediland ທີ່ໃຊ້ໃນໂຮງໝໍ ໂຮງແຮມ ແລະ ຫຼາກຫຼາຍອຸດສາຫະກຳ ອຸປະກອນຊ່ວຍໃນລະບົບທາງເດີນຫາຍໃຈຈາກບໍລິສັດ Great Group Medical ທາງອອກການດູແລສຸຂະພາບຈາກບໍລິສັດ APEX Medical ໜ້າກາກສຳລັບແພດໃຊ້ໃນການຜ່າຕັດ ຈາກ Taiwan Stanch ບໍລິການ Telehealth ຊຶ່ງເປັນບໍລິການໃຫ້ຄຳປຶກສາທາງໄກຈາກແພດຈາກບໍລິສັດ ONYX ອຸປະກອນວັກຊີນ ແລະ ຊຸດທົດສອບຈາກ Medigen Vaccine Biologics ແລະ ຜະລິດຕະພັນປ້ອງກັນການແຜ່ລະບາດຈາກ BluSense Diagnostics.
ນອກຈາກນີ້ ຍັງມີບໍລິສັດອີກຫຼວງຫຼາຍ ທີ່ໄດ້ເຂົ້າຮ່ວມເປິດຕົວ ແລະ ສາທິດຜະລິດ ຕະພັນໃນການຖະແຫຼງຂ່າວອອນລາຍ ໄດ້ແກ່ Radiant Innovation, Tex Year, Asiatic Fiber, Advantech, IEI Integration, Rice Ear, QS Control ແລະ Kimforest ຊຶ່ງໃນງານຖະແຫຼງຂ່າວອອນລາຍນີ້ ສາມາດດຶງດູດຜູ້ເຂົ້າຮ່ວມຊົມກວ່າ 200 ຄົນຈາກຫຼາຍປະເທດ ເຊັ່ນ: ຍີ່ປຸ່ນ ມາເລເຊຍ ຫວຽດນາມ ອິນເດຍ ໄທ ຟິລິບປິນ ສ ເກົາຫຼີ ອາຟຣິກາໄຕ້ ອີຢິບ ອົດສະຕຣາລີ ແລະ ອື່ນໆ.
ລາງວັນ Taiwan Excellence Awards ກໍ່ຕັ້ງໂດຍກະຊວງເສດຖະກິດໄຕ້ຫວັນ (MOEA) ໃນປີ 1993 ຜະລິດຕະພັນທີ່ມີສັນຍະລັກນີ້ ຕ້ອງຜ່ານການຄັດເລືອກຢ່າງເຂັ້ມງວດ ໂດຍມີເກນການພິຈາລະນາ 4 ຫົວຂໍ້ຄື ການວິໄຈ ແລະ ພັດທະນາ ການອອກແບບ ຄຸນນະພາບ ແລະ ການຕະຫຼາດທີ່ຄັດເລືອກໂດຍລັດຖະບານ ແລະ ຜົນງານທີ່ໄດ້ຮັບລາງວັນນີ້ ເປັນຕົວແທນຜະລິດຕະພັນທີ່ສະແດງເຖິງຄວາມຍອດຢ່ຽມ ແລະ ຄວາມເປັນເລີດດ້ານນະວັດຕະກຳ ສັນຍະລັກນີ້ໄດ້ຮັບການຍອມຮັບ ແລະ ເປັນທີ່ຮູ້ຈັກທົ່ວໂລກຫຼາຍກວ່າ 106 ປະເທດ.