ກອງປະຊຸມໃຫຍ່ຄັ້ງທີ VIII ຜູ້ແທນຊາວໜຸ່ມທົ່ວປະເທດ ໄຂຂຶ້ນຢ່າງເປັນທາງການ ວັນທີ 24-25 ທັນວາ 2020 ຢູ່ຫໍປະຊຸມແຫ່ງຊາດ ໂດຍເປັນປະທານຂອງທ່ານ ອາລຸນໄຊ ສູນນະລາດ ເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ (ສຊປລ) ເປັນກຽດເຂົ້າຮ່ວມຂອງທ່ານ ບຸນຍັງ ວໍລະຈິດ ເລຂາທິການໃຫຍ່ຄະນະບໍລິຫານສູນກາງພັກ ປະທານປະເທດ ຕາງໜ້າອົງການຈັດຕັ້ງມະຫາຊົນ ຜູ້ນຳພັກ-ລັດ ອະດີດການນຳຂັ້ນສູງ ແລະ ຜູ້ແທນສົມບູນທົ່ວປະເທດເຂົ້າຮ່ວມ.
ກອງປະຊຸມຄັ້ງນີ້ ໄດ້ຮັບຟັງການຜ່ານບົດລາຍງານການເມືອງຕໍ່ກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດຄັ້ງທີ VIII ຜ່ານຮ່າງແຜນຍຸດທະສາດ 2040 ວິໄສທັດ 2030 ແລະ ແຜນພັດທະນາຊາວໜຸ່ມ-ເຍົາວະຊົນ 5 ປີ ຄັ້ງທີ II (2021-2025) ຮ່າງບົດສຳຫຼວດນຳພາລວມຂອງຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ ຄັ້ງທີ VII ຜ່ານບົດລາຍງານການປັບປຸງກົດໝາຍຂອງຄະນະຊາວໜຸ່ມ ປະຊາຊົນປະຕິວັດລາວ ແລະ ກົດລະບຽບການຈັດຕັ້ງເຍົາວະຊົນທັນວາ ດຳເນີນການບ່ອນບັດຄັດເລືອກເອົາຄະນະບໍລິຫານຊາວໜຸ່ມຊຸດທີ VIII ພ້ອມນັ້ນ ຍັງຈະໄດ້ຮັບຟັງການໂອ້ລົມຂອງທ່ານ ບຸນຍັງ ວໍລະຈິດ ເພື່ອຊີ້ທິດເຍືອງທາງໃຫ້ຄະນະບໍລິຫານງານຊາວໜຸ່ມຊຸດໃໝ່ຕື່ມອີກ.
# ຂ່າວ & ພາບ: ລັດເວລາ