ພະແນກຖະແຫຼງຂ່າວ ວັດທະນະທໍາ ແລະ ທ່ອງທ່ຽວ ນະຄອນຫຼວງວຽງຈັນ (ຖວທ ນວ) ຮ່ວມກັບສະມາຄົມທຸລະກິດທ່ອງທ່ຽວ ນວ ນຳພາພະນັກງານ-ລັດຖະກອນພາຍໃນຂົງເຂດ ຖວທ ໄປທັດສະນະສຶກສາ-ທ່ອງທ່ຽວ ຢູ່ແຂວງຄຳມ່ວນ ແລະ ແຂວງສະຫວັນນະເຂດ ວັນທີ 18-20 ທັນວາ 2020 ເພື່ອຊຸກຍູ້ວຽກງານທ່ອງທ່ຽວ ແລະ ຈັດຕັ້ງປະຕິບັດໂຄງການສົ່ງເສີມການທ່ອງທ່ຽວພາຍໃນ “ລາວທ່ຽວລາວ” ທັງເປັນການແລກປ່ຽນບົດຮຽນກ່ຽວກັບວຽກງານການທ່ອງທ່ຽວ ແລະ ສ້າງກິດຈະກຳສົ່ງທ້າຍປີເກົ່າ ແລະ ຕ້ອນຮັບປີໃໝ່ສາກົນ 2021 ໃຫ້ມີບັນຍາກາດຄຶກຄຶ້ນ ແລະ ມີເນື້ອໃນເລິກເຊິ່ງ.
ການໄປທັດສະນະຄັ້ງນີ້ ໄດ້ເຂົ້າກາບໄຫວ້ວັດພະບາດໂພນສັນ ເມືອງທ່າພະບາດ ແຂວງບໍລິຄໍາໄຊ ຈາກນັ້ນກໍໄດ້ເດີນທາງໄປແຂວງຄຳມ່ວນ ແລະ ແຂວງສະຫວັນນະເຂດ ໂດຍໄດ້ເຂົ້າກາບໄຫວ້ ແລະ ທ່ຽວຊົມສະຖານທີ່ທ່ອງທ່ຽວສໍາຄັນຕ່າງໆຂອງສອງແຂວງດັ່ງກ່າວ ເປັນຕົ້ນ ພະທາດສີໂຄດຕະບອງ ສະຖານທີ່ທ່ອງທ່ຽວຖໍ້າຊ້າງ ຖໍ້າປາຝາ ຖໍ້ານາງແອ່ນ ສະຖານທີ່ທ່ອງທ່ຽວທ່າຝຣັ່ງ ວັງສີຄາມ ຕະຫຼາດເມືອງເກົ່າ ພະທາດອິງຮັງ ແລະ ສະຖານທ່ອງທ່ຽວສໍາຄັນອື່ນໆອີກ.
# ຂ່າວ & ພາບ: ສະບາໄພ