ກູເກິລ ແລະ ອາເມຊອນ ຖອດລາຍ ການສິນຄ້າກ່ຽວກັບປືນທັງໝົດອອກຈາກ ຖານຂອງບໍລິສັດ ເນື່ອງຈາກຂັດຕໍ່ນະໂຍບາຍຂອງອົງກອນ ແລະ ເປັນມາດຕະການຕໍ່ເນື່ອງຫຼັງຈາກເຫດຖືກຍິງ 2 ຄັ້ງໃນສະຫະລັດ ທີ່ຂ້າຊີວິດກວ່າ 30 ຄົນ ເມື່ອບໍ່ດົນມານີ້.
ການເຄື່ອນໄຫວຂອງກູເກິລ ແລະ ອາເມ ຊອນ ມີຂຶ້ນຫຼັງຈາກໜັງສືພິມ The Washington Post ລາຍງານວ່າ ພົບສິນຄ້າທີ່ກ່ຽວຂ້ອງກັບປືນວາງຂາຍຢູ່ເທິງຖານຊື້-ຂາຍອອນລາຍ ຂອງທັງ 2 ບໍລິສັດ.
ເຊິ່ງທັງອາເມຊອນ ແລະ ກູເກິລ ເປີດ ເຜີຍວ່າ ໄດ້ຈັດການກັບລາຍການສິນຄ້າດັ່ງ ກ່າວແລ້ວ ແລະ ຈະຄວບຄຸມບໍ່ໃຫ້ເກີດເຫດ ການເຊັ່ນນີ້ອີກ ພ້ອມຢືນຢັນວ່າ ບັນຊີຜູ້ຂາຍ ສິນຄ້າທຸກບັນຊີຈະຕ້ອງປະຕິບັດຕາມແນວ ທາງປະຕິບັດ ບໍ່ເຊັ່ນນັ້ນ ຕ້ອງໄດ້ຮັບບົດລົງ ໂທດ ເຊິ່ງລວມເຖິງການປິດບັນຊີຂາຍສິນ ຄ້າດັ່ງກ່າວດ້ວຍ ຢ່າງໃດກໍຕາມ ທັງ 2 ບໍລິ ສັດບໍ່ໄດ້ໃຫ້ຄຳຕອບວ່າມີການສັ່ງຫ້າມຜູ້ ຂາຍສິນຄ້າອາວຸດທຸກກຸ່ມ ຫຼື ບໍ່.
ທີ່ຜ່ານມາ ກູເກິລ ເລີ່ມຕົ້ນນະໂຍບາຍ ຫ້າມຈຳໜ່າຍສິນຄ້າທີ່ກ່ຽວຂ້ອງກັບອາ ວຸດປືນເທິງ Google Shopping ຕັ້ງແຕ່ປີ 2012 ແຕ່ອະນຸຍາດໃຫ້ຈຳໜ່າຍອຸປະກອນ ເພີ່ມຄວາມປອດໄພກັບອາວຸດປືນໄດ້ ສ່ວນ ອາເມຊອນ ມີກົດຫ້າມຈຳໜ່າຍອາວຸດປືນ ແລະ ອຸປະກອນທີ່ກ່ຽວຂ້ອງ ແຕ່ຍັງອະນຸ ຍາດໃຫ້ຈຳໜ່າຍສິນຄ້າບາງຢ່າງ ເຊັ່ນ ແວ່ນ ເບິ່ງກາງຄືນແບບແສງອິນຟາເຣດ ເລເຊີຕິດ ປືນ.
ນີ້ບໍ່ແມ່ນຄັ້ງທຳອິດທີ່ບໍລິສັດເຕັກໂນໂລຊີ ຕົກເປັນເປົ້າຕິດຕາມເລື່ອງການຈຳໜ່າຍສິນຄ້າທີ່ກ່ຽວຂ້ອງກັບອາວຸດປືນ ໂດຍເມື່ອປີ 2016 ຜູ້ສື່ຂ່າວຈາກ Buzzfeed ຈຳໜ່າຍ ປືນເທິງສື່ສັງຄົມອອນລາຍເຟສບຸ໊ກ ເຊິ່ງຂັດຕໍ່ນະໂຍບາຍຂອງບໍລິສັດ ຂະນະທີ່ອຸປະກອນກ່ຽວກັບປືນນັ້ນ ຍັງນຳໄປວາງຈຳໜ່າຍເທິງເວັບໄຊຂາຍສິນຄ້າຈຳພວກວຽກງານຝີມື Etsy ມາແລ້ວດ້ວຍ.