Osteoporosis ຫຼື ໂລກ ກະດູກອ່ອນເພຍ ຄື ໂລກທີ່ຄວາມໜາ ແໜ້ນ ແລະ ມວນຂອງກະດູກຫຼຸດໜ້ອຍລົງ ກະ ດູກເສື່ອມ ຜ່ອຍ ບາງ ຜິດຮູບ ແລະ ແຕກຫັກ ໄດ້ງ່າຍ ກະດູກຈະບໍ່ສາມາດເຮັດວຽກ ຫຼື ເຄື່ອນ ໄຫວໄດ້ຕາມປົກກະຕິ ຊຶ່ງອາດສົ່ງຜົນເຮັດໃຫ້ພິການ ໃນອະດີດ ມັກພົບໃນຄົນກຳລັງເຂົ້າສູ່ໄວທອງເປັນ ສ່ວນຫຼາຍ ແຕ່ວ່າປັດຈຸບັນ ອາຍຸບໍ່ຫຼາຍ ຕ່ຳກວ່າ ເລກຫຼັກ 5 ກໍສາມາດພົບ ແລະ ເປັນກັນໄດ້ ເນື່ອງ ຈາກມັກບໍ່ຄ່ອຍສະແດງຜົນໃນໄລຍະຕົ້ນໆ ເຮັດໃຫ້ ຫຼາຍຄົນລະເລີຍກວ່າຈະຮູ້ຕົວກໍເກີດການເຮັດວຽກທີ່ບໍ່ສົມດຸນກັນຂອງເຊລກະດູກ ເຮັດໃຫ້ມີການສະ ຫຼາຍກະດູກຫຼາຍກວ່າການສ້າງກະດູກ ເພາະມີປະ ລິມານການຊຽມໃນຮ່າງກາຍບໍ່ພຽງພໍຕໍ່ຂະບວນ ການສ້າງກະດູກ.
ວັນນີ້ເຮົາຈຶງນຳສະເໜີອາຫານແຮ່ທາດທີ່ຮ່າງ ກາຍຕ້ອງການ ເພື່ອມາສ້ອມແຊມສ່ວນທີ່ບໍ່ດີ ຫຼື ເຕີມເຕັມສິ່ງທີ່ມີຢູ່ໃຫ້ສົມບູນຍິງຂຶ້ນ ປ້ອງກັນໃຫ້ ຫ່າງໄກໂຣກກະດູກອ່ອນເພຍທີ່ຈະເຂົ້າມາລົບກວນ ຊີວິດຂອງທຸກໆຄົນ.
1500 ມລ ຕໍ່ວັນ ການຊຽມທີ່ຂາດບໍ່ໄດ້
ບໍ່ແມ່ນພຽງແຕ່ເດັກນ້ອຍທີ່ຕ້ອງການ ການຊຽມ ໃນການຈະເລີນເຕີບໂຕ ໃນໄວຜູ້ໃຫຍ່ເອງທີ່ອາຍຸຕັ້ງ ແຕ່ 30 ປີຂຶ້ນໄປ ກໍຄວນຮັບປະທານການຊຽມໃຫ້ ໄດ້ຫຼາຍເຖິງ 1200-1500 ມິນລິກຣາມຕໍ່ວັນ ເນື່ອງ ດ້ວຍການຊຽມ 99% ຈະຢູ່ໃນກະດູກ ສ່ວນທີ່ ເຫຼືອຈະກະຈາຍຢູ່ຕາມຂອງແຫຼວຕ່າງໆໃນຮ່າງ ກາຍ ຊຶ່ງໜ້າທີ່ຂອງການຊຽມຄື ເຮັດໃຫ້ກະດູກ ແລະ ແຂ້ວແຂງແຮງ ກ້າມຊີ້ນ ແລະ ປະສາດເຮັດ ວຽກເປັນປົກກະຕິ ການກະຕຸ້ນການແຂງຕົວຂອງ ເລືອດຫຼັງການບາດເຈັບ ການຄວບຄຸມການເຮັດ ວຽກຂອງເອັນໄຊ ແລະ ການເຕັ້ນຂອງຫົວໃຈ.
ຊຶ່ງແຫຼ່ງອາຫານທີ່ອຸດົມດ້ວຍການຊຽມເຕັມຂັ້ນ ທີ່ຈະເຮັດໃຫ້ເຮົາໄດ້ຮັບສານອາຫານການຊຽມ ຫຼາຍພຽງພໍ ນອກຈາກນົມ ກໍໄດ້ແກ່ ປາຕົວນ້ອຍ ທີ່ຮັບປະທານໄດ້ທັງກະດູກ ຜັກໃບສີຂຽວ ນົມສົ້ມ ຖົ່ວເຫຼືອງ ຖົ່ວຂຽວ ໝາກງາ.
ແມກນີຊຽມຕ້ອງເຖິງ
ເພາະໜ້າທີ່ຂອງແມກນີຊຽມ ຄືຊ່ວຍຄວບຄຸມ ການເຮັດວຽກຂອງຮ່າງກາຍ ຜະລິດພະລັງງານ ສ້າງໂປຣຕີນ ແລະ ຊ່ວຍການຫົດຕົວຂອງກ້າມຊີ້ນ ເຮັດໃຫ້ແມກນີຊຽມເປັນສ່ວນຊ່ວຍຕົວຮອງລົງມາ ທີ່ຂາດບໍ່ໄດ້ ນອກຈາກນີ້ ຍັງມີຄວາມສຳຄັນຕໍ່ການ ເຜົາຜານຂອງການຊຽມ ແລະ ວິຕາມິນ C ໂດຍໃນຮ່າງກາຍຂອງມະນຸດຈະມີແມກນີຊຽມສະເລ່ຍຢູ່ທີ່ປະມານ 21 ກຣາມ ຫຼື 21.000 ມິນລິກຣາມ.
ຊຶ່ງອາຫານທີ່ອຸດົມໄປດ້ວຍແມກນີຊຽມ ໄດ້ແກ່ ທັນຍະພືດ ແປ້ງ ໝາກຖົ່ວຕ່າງໆ ລວມໄປເຖິງ ອາຫານທະເລຈຳພວກຫອຍ ສ່ວນໝາກໄມ້ ໄດ້ ແກ່ກ້ວຍ ທັ້ງນີ້ ອາຫານໂພຊະນາການເຫຼົ່ານີ້ຍັງຄວນຈັດຫາປະເພດທີ່ມີສານອາຫານທອງແດງ ແມງການີສ ສັງກະສີ ເພີ່ມເສິມເຂົ້າໄປອີກດ້ວຍ ເພາະຊ່ວຍໃນການເຮັດວຽກຂອງເອັນໄຊໃນກົນໄກ ການສ້າງກະດູກ ແລະ ຊ່ວຍເພີ່ມຄວາມແຂງແຮງຂອງກະດູກສັນຫຼັງໃນຜູ້ຍິງໄວໝົດປະຈຳເດືອນ.
ວິຕາມິນ D ຫ້າມລືມ
ນອກຈາກມີບົດບາດສຳຄັນໃນການຄວບຄຸມຂະ ບວນການສຳຄັນຕ່າງໆໃນຮ່າງກາຍ ເຊັ່ນ ຊ່ວຍຫຼຸດ ຮໍໂມນພາຣາໄທຣອຍ (Parathyroid hormone) ວິຕາມິນ D ຍັງມີໜ້າທີ່ທີ່ສຳຄັນຍິ່ງຕໍ່ຮ່າງກາຍ ຢ່າງ ຊ່ວຍການດູດຊຶມການຊຽມ ຊ່ວຍໃຫ້ກະດູກ ແຂງແຮງ ແລະ ປ້ອງກັນໂລກກະດູກບາງ ຊຶ່ງມີ ຜົນຕໍ່ຄວາມແຂງແຮງຂອງກະດູກ ກ່າວໄດ້ວ່າ ຫາກໄດ້ຮັບວິຕາມິນ D ບໍ່ພຽງພໍ ຮ່າງກາຍກໍຈະບໍ່ ສາມາດດູດຊຶມການຊຽມ ຊຶ່ງເປັນທາດທີ່ສຳຄັນຕໍ່ ກະດູກໄດ້ ອັນເປັນທີ່ມາຂອງກໍລະນີການເກີດໂລກກະດູກອ່ອນເພຍ.
ໂດຍແຫຼ່ງສານອາຫານຂອງວິຕາມິນ D ໄດ້ແກ່ ແສງແດດຕອນເຊົ້າ ປາທີ່ມີໄຂມັນສູງປະເພດປາ ແຊວມອນ ປາທູນ່າ ປາທູ ປາຊາດີນ ໄຂ່ ແລະ ນົມທີ່ມີການເຕີມວິຕາມິນ D.
ຈາກຄຸນປະໂຫຍດ 3 ປະການຂອງສັບພະຄຸນ ຄ່າອາຫານທີ່ຈະຊ່ວຍເສີມ ແລະ ສ້າງຄວາມແຂງ ແກ່ນຈາກມວນກະດູກ ສິ່ງທີ່ສຳຄັນທີ່ສຸດໃນການປ້ອງກັນໂລກກະດູກອ່ອນເພຍທີ່ຂາດບໍ່ໄດ້ເລີຍ ກໍຄື ການອອກກຳລັງກາຍ.
ໂດຍຜູ້ຊ່ຽວຊານທາງດ້ານກະດູກ ແລະ ຂໍ່ ໄດ້ ໃຫ້ຄວາມຮູ້ເລື່ອງໂລກກະດູກອ່ອນເພຍໄວ້ໃນເວັບ ໄຊ med.mahidol.ac.th ເນັ້ນໃນຂໍ້ການປ້ອງກັນ ໂລກກະດູກອ່ອນເພຍທີ່ຄວນໃສ່ໃຈ ແລະ ຫ້າມລະ ເລີຍຄື ຄວນຈະອອກກຳລັງກາຍເປັນປະຈຳທຸກ ວັນ ຢ່າງໜ້ອຍ 20 ນາທີ ເນື່ອງຈາກການອອກ ກຳລັງກາຍຈະຊ່ວຍໃນເລື່ອງຂອງການເຕີບໂຕ ແລະ ແຂງແກ່ນຂອງກະດູກ ຊຶ່ງຈະເຮັດໃຫ້ການ ດູດຊຶມການຊຽມເປັນໄປໄດ້ດ້ວຍດີ ແລະ ເພີ່ມ ຄວາມໜາແໜ້ນຂອງມວນກະດູກ ເຮັດໃຫ້ກະດູກ ແຂງແຮງ ບໍ່ແຕກຫັກໄດ້ງ່າຍ ນອກຈາກນີ້ ຍັງ ຄວນງົດເຄື່ອງດື່ມເຫຼົ້າ ແລະ ກາເຟທີ່ຈະລົບກວນ ສົມດຸນການຊຽມໃນຮ່າງກາຍ ລົບກວນຂະບວນ ການຜະລິດວິຕາມິນ D ສິ່ງສຳຄັນຕໍ່ກະດູກ ເພາະ ຊ່ວຍໃນການດູດຊຶມການຊຽມເຂົ້າສູ່ຮ່າງກາຍ.
ຊາວບ້ານ – ນຳສະເໜີ