ໃນສັງຄົມ ບໍ່ວ່າປະເທດໃດກໍຕາມ ການ ດຳເນີນທຸລະກິດ ການຄ້າ-ຂາຍ ການແລກ ປ່ຽນສິນຄ້າ ການຂົນສົ່ງທາງບົກ ທາງນ້ຳ ຫຼື ທາງອາກາດ ໝາຍຄວາມວ່າ ການດຳ ເນີນທຸລະກິດກໍຍ່ອມໄປພ້ອມກັບການດຳເນີນທຸລະກຳທາງດ້ານການເງິນ ສະນັ້ນ ສ່ວນໃຫຍ່ຈະດຳເນີນການຊຳລະດ້ວຍເງິນ ສົດ ສຳລັບປະເທດທີ່ນຳໃຊ້ເງິນສົດ ຫຼື ສຳ ລັບປະເທດທີ່ບໍ່ນຳໃຊ້ເງິນສົດ ອາດຈະຊຳ ລະດ້ວຍແຊັກ ຫຼື ດ້ວຍວິທີການທີ່ສາມາດຊຳ ລະສະສາງກັນໄດ້ຢ່າງຄົບຖ້ວນ ແລະ ຖືກ ຕ້ອງຕາມກົດໝາຍ ແລະ ລະບຽບການທີ່ ລັດນັ້ນ ປະເທດນັ້ນວາງອອກ ຄຽງຄູ່ກັບ ດ້ານດີເຫຼົ່ານັ້ນ ກໍບໍ່ອາດປາສະຈາກໄດ້ດ້ານ ຫຍໍ້ທໍ້ທີ່ແອບແຝງມາກັບການເຄື່ອນໄຫວທາງດ້ານການເງິນເຫຼົ່ານັ້ນ ໂດຍສະເພາະ ບັນຫາການຟອກເງິນ ແຕ່ເຖິງຢ່າງກໍຕາມ ການຟອກເງິນໂດຍທົ່ວໄປແລ້ວແມ່ນເອົາ ເງິນທີ່ໄດ້ມາໂດຍບໍ່ຖືກຕ້ອງຕາມກົດໝາຍ ນັ້ນ ໄປຊື້ວັດຖຸສິ່ງທີ່ມີຄ່າ ຫຼັງຈາກນັ້ນ ກໍນຳ ເອົາວັດຖຸເຫຼົ່ານັ້ນໄປຂາຍ ເພື່ອໃຫ້ເງິນທີ່ໄດ້ ມາໂດຍຖືກຕ້ອງຕາມກົດໝາຍ.
ການຟອກເງິນແມ່ນເກີດຂຶ້ນເມື່ອມີບຸກຄົນ ໃດໜຶ່ງດຳເນີນການເພື່ອປົກປິດ ຫຼື ຊຸກເຊື່ອງ ຄຸນລັກສະນະ ທີ່ມາ ແລະ ທີ່ຕັ້ງຂອງທຶນ ຫຼື ຊັບສິນອື່ນໆ ທີ່ໄດ້ມາຈາກການກະທຳຜິດ ຕົ້ນ ຫຼື ການກະທຳຜິດຄັ້ງທຳອິດ ຕົວຢ່າງ: ທ້າວ ຈາດ ໄດ້ເງິນມາຈາກການຄ້າຂາຍ ຢາເສບຕິດ ສະແດງວ່າເງິນທີ່ ທ້າວ ຈາດ ໄດ້ຈາກການຄ້າຂາຍຢາເສບຕິດນັ້ນ ເປັນ ເງິນທີ່ໄດ້ມາຈາກການກະທຳຜິດ ຍ້ອນການ ຄ້າຂາຍຢາເສບຕິດຂອງຜູ້ກ່ຽວ ສະນັ້ນ ທ້າວ ຈາດ ຕ້ອງການໃຫ້ເງິນທີ່ໄດ້ມາຈາກການ ຄ້າຂາຍຢາເສບ ຜູ້ກ່ຽວກໍເອົາເງິນເຫຼົ່າໄປຊື້ທີ່ ດິນ ຊື້ລົດ ຫຼື ວັດຖຸມີຄ່າອື່ນໆທີ່ຖືກຕ້ອງຕາມກົດໝາຍ.
ເພື່ອເປັນຕ້ານ ແລະ ສະກັດກັ້ນບັນຫາດັ່ງ ກ່າວ ລັດຂອງພວກເຮົາກໍໄດ້ສ້າງມາດຕະການຕ່າງໆອອກມາ ເພື່ອເປັນບ່ອນອີງໃນ ການຈຳກັດສະກັດກັ້ນບັນຫາດັ່ງກ່າວ ໂດຍ ສະເພາະ ໄດ້ກຳນົດໃຫ້ການຟອກເງິນເປັນ ການກະທຳຜິດ ຕາມທີ່ໄດ້ກຳນົດໄວ້ໃນປະ ມວນກົດໝາຍອາຍາ ມາດຕາ 130 ຊຶ່ງ ເນື້ອໃນໄດ້ກຳນົດໄວ້ດັ່ງນີ້: ການຟອກເງິນ ແມ່ນການປ່ຽນຮູບ ນຳໃຊ້ ເຄື່ອນຍ້າຍ ແລກປ່ຽນ ໄດ້ມາຄອບຄອງ ໂອນກຳມະ ສິດທີ່ແທ້ຈິງຂອງເງິນ ຫຼື ຊັບສິນອື່ນ ທີ່ບຸກ ຄົນ ນິຕິບຸກຄົນ ຫຼື ການຈັດຕັ້ງໂດຍທີ່ຮູ້ ໄດ້ຮູ້ ຫຼື ສົງໄສວ່າ ເງິນ ຫຼື ຊັບສິນນັ້ນ ມາ ຈາກການກະທຳຜິດຕົ້ນ ເພື່ອປົກປິດ ຫຼື ຊຸກ ເຊື່ອງຄຸນລັກສະນະ ທີ່ມາຂອງເງິນ ທີ່ຕັ້ງ ຂອງຊັບສິນ ເພື່ອເຮັດໃຫ້ເງິນ ຫຼື ຊັບສິນ ດັ່ງກ່າວ ຖືກຕ້ອງຕາມກົດໝາຍ.
ບຸກຄົນທີ່ໄດ້ກະທຳຜິດໃນສະຖານຟອກເງິນ ທີ່ມີມູນຄ່າຕ່ຳກວ່າ 1.000.000.000 ກີບ ຈະຖືກລົງໂທດຕັດອິດສະຫຼະພາບແຕ່ 3 ປີ ຫາ 7 ປີ ແລະ ຈະຖືກປັບໃໝແຕ່ 300.000.000 ກີບ ຫາ 500.000.000 ກີບ ແລະ ຈະຖືກຮິບຊັບ.
ໃນກໍລະນີທີ່ໄດ້ກະທຳຜິດ ຊຶ່ງມີມູນຄ່າ 1.000.000.000 ກີບຂຶ້ນໄປ ຈະຖືກລົງ ໂທດຕັດອິດສະຫຼະພາບແຕ່ 7 ປີ ຫາ ສິບປີ ແລະ ຈະຖືກປັບໃໝ ແຕ່ 500.000.000 ກີບ ຫາ 700.000.000 ກີບ ແລະ ຈະຖືກ ຮິບຊັບ.
ໃນກໍລະນີມີການຈັດຕັ້ງເປັນກຸ່ມ ຫຼື ມີການ ກະທຳຜິດເປັນອາຈິນ ຈະຖືກລົງໂທດຕັດອິດ ສະຫຼະພາບແຕ່ ສິບປີ ຫາ ສິບຫ້າປີ ແລະ ຈະຖືກປັບໃໝແຕ່ 700.000.000 ກີບຫາ 900.000.000 ກີບ ແລະ ຈະຖືກຮິບຊັບ ການກະກຽມໃຫ້ແກ່ການກະທຳຜິດ ຄວາມ ພະຍາຍາມກໍ່ການກະທຳຜິດ ກໍຈະຖືກລົງ ໂທດ.
ດັ່ງນັ້ນ ເພື່ອຕ້ານ ແລະ ສະກັດກັ້ນບັນຫາ ດັ່ງກ່າວ ມັນແມ່ນໜ້າທີ່ ແລະ ພັນທະຂອງ ທຸກອົງການຈັດຕັ້ງທັງພາກລັດ ພາກເອກະ ຊົນ ສັງຄົມ ແລະ ພົນລະເມືອງ ໃນການປະ ກອບສ່ວນເຂົ້າໃນວຽກງານດັ່ງກ່າວຢ່າງ ແຂງແຮງ ແລະ ເປັນເຈົ້າການ ຖ້າບໍ່ດັ່ງນັ້ນ ເຮົາຈະຖືກທ່າຮັບວ່າ ແຊວໆສຽງ ແຕ່ບໍ່ມີ ໂຕຮ້ອງ ໝາຍຄວາມວ່າ ມີແລ້ວບໍ່ລາຍ ງານ ມີແລ້ວບໍ່ແກ້ ມີແລ້ວບໍ່ດຳເນີນຄະດີຕໍ່ຜູ້ກະທຳຜິດ ກົດໝາຍທີ່ກ່ຽວຂ້ອງ ແລະ ມາດ ຕາທີ່ກ່ຽວຂ້ອງກໍບໍ່ຈະບໍ່ເກີດຜົນສັກສິດໄດ້ ດ້ວຍຕົວມັນເອງ.
ໂດຍ: ໄມ້ງັດ