ເວລາເຂົ້າຮ່ວມກອງປະຊຸມໃນລະດັບໃດກໍຕາມ… ເພື່ອແກ້ເມື່ອຍໃນການລໍຖ້າເວລາເລີ່ມພິທີ (ຍ້ອນຜູ້ເຂົ້າຮ່ວມບໍ່ປະຕິບັດໂມງເວລາ) ກໍມັກຈະມີການສະເໜີໃຫ້ມີການຮ້ອງເພງໂດຍບຸກຄົນ ຫຼື ລວມໝູ່ ເຊິ່ງໂຄສົກ ຫຼື ຄະນະຈັດຕັ້ງເອີ້ນວ່າ ເພື່ອສ້າງບັນຍາກາດ ແຕ່ເນື້ອແທ້ກໍແມ່ນເພື່ອຂ້າເວລາທີ່ເສຍໄປ ຍ້ອນການລໍຖ້າ ຍ້ອນສະພາບບໍ່ຄ່ອງຕົວໃນການຈັດຕັ້ງການປະຊຸມນັ້ນເອງ ຫຼາຍເທື່ອຕໍ່ຫຼາຍທີ ການສ້າງບັນຍາກາດແບບນີ້ມັນກໍກາຍເປັນເລື່ອງເບື່ອ ເປັນການແກ້ໜ້າ ແລະ ບາງຄັ້ງກໍບໍ່ເຂົ້າກັບລັກສະນະກອງປະຊຸມ ຫຼາຍຄົນວ່າພວກເຮົາຄວນເຄັ່ງເວລາໃນການຈັດຕາຕະລາງກອງປະຊຸມ ໂມງເປັນໂມງຈະດີກວ່າ ບໍ່ແມ່ນຊິຊອກຂ້າເວລາດ້ວຍວິທີເດີມໆທີ່ໜ້າເບື່ອເຊັ່ນນີ້ !.
ໂດຍ: ສາວສິ້ນແຕ້ມ