ໃນສັງຄົມປັດຈຸບັນ ບັນຫາການປ້ອຍດ່າຜູ້ອື່ນແມ່ນເປັນບັນຫາທີ່ກຳລັງຮຸນແຮງຂຶ້ນເລື້ອຍໆ ບຸກຄົນທີ່ມັກປ້ອຍດ່າຄົນອື່ນນັ້ນ ສ່ວນຫຼາຍແມ່ນມັກຈະປ້ອຍດ່າໄປທົ່ວທີບ ຫຼື ຕາມອາລົມຈິດ ໂດຍທີ່ບໍ່ໄດ້ຄຳນຶງວ່າ ການທີ່ຕົນເອງປ້ອຍດ່າຄົນອື່ນນັ້ນຈະເປັນພິດ ເປັນໄພ ແລະ ສົ່ງຜົນກະທົບທີ່ເປັນອັນຕະລາຍຮ້າຍແຮງຕໍ່ບຸກຄົນອື່ນ ກໍຄື ສັງຄົມໃດໆ ແຕ່ຄວາມຈິງແລ້ວ ການປ້ອຍດ່າຜູ້ອື່ນແມ່ນເປັນການກະທຳຜິດຕໍ່ກົດໝາຍມື້ນີ້ ຂ້າພະເຈົ້າຈະນຳສະເໜີໃຫ້ຄວາມໝາຍໂທດທາງອາຍາ ແລະ ການປັບໃໝຕໍ່ກັບບຸກຄົນທີ່ມັກຈະປ້ອຍດ່າຜູ້ອື່ນ.
ການປ້ອຍດ່າຜູ້ອື່ນ ແມ່ນການເຮັດໃຫ້ຜູ້ອື່ນເສື່ອມເສຍຊື່ສຽງ ກຽດສັກສີຢ່າງຮ້າຍແຮງ ດ້ວຍການເວົ້າຈາ ການຂີດຂຽນ ຫຼື ການກະທຳດ້ວຍຮູບການອື່ນໆ ຊຶ່ງການປ້ອຍດ່າຜູ້ອື່ນ ແມ່ນເປັນການກະທຳຜິດທາງອາຍາ ຕາມມາດຕາ 207 ຂອງປະມວນກົດໝາຍອາຍາ ສະບັບເລກທີ 26/ສພຊ ລົງວັນທີ 17 ພຶດສະພາ 2017 ໄດ້ກຳນົດໄວ້ວ່າ “ບຸກຄົນໃດຫາກໄດ້ໃຊ້ວາຈາ ຂຽນ ຫຼື ກະທຳແນວຫຍາບຊ້າໃສ່ຜູ້ອື່ນ ເພື່ອເຮັດໃຫ້ຜູ້ອື່ນເສື່ອມເສຍກຽດສັກສີຢ່າງຮ້າຍແຮງ ຈະຖືກລົງໂທດຕັດອິດສະຫຼະພາບແຕ່ສາມເດືອນຫາໜຶ່ງປີ ຫຼື ດັດສ້າງໂດຍບໍ່ຕັດອິດສະຫຼະພາບ ແລະ ຈະຖືກປັບໃໝແຕ່ 1.000.000 ກີບ ຫາ 5.000.000 ກີບ”.
ໂດຍ: ສ. ສາຍນ້ຳຊຳ