ຕ້ອງຕັດເລັບໃຫ້ສັ້ນ: ເພື່ອບໍ່ໃຫ້ເກີດອັນຕະລາຍຕໍ່ດວງຕາ ແລະ ຮອຍຂູດຂີດກັບຄອນແທັກເລນ ຢ່າລືມຕັດເລັບຂອງທ່ານໃຫ້ສັ້ນ ລະວັງເລັບອາດຈະໄປຈິກເນື້ອຕາຂອງເຮົາ ເຮັດໃຫ້ເປັນຮອຍບາດສ່ຽງຕໍ່ການອັກເສບໄດ້.
– ແຊ່ຄອນແທັກເລນດ້ວຍນ້ຳຢາແຊ່ປະໄວ້ 1 ຄືນກ່ອນໃສ່: ຫາກມີນ້ຳຢາລະລາຍຄາບໂປຣຕີນ ກໍສາມາດນຳມາປະສົມກັບນ້ຳຢາແຊ່ໄດ້ ເພື່ອລ້າງສານກັນບູດອອກໄປ ບໍ່ດັ່ງນັ້ນຈະເປັນອັນຕະລາຍຕໍ່ດວງຕາຂອງທ່ານ.
– ຄວນປ່ຽນນ້ຳຢາແຊ່ຄອນແທັກເລນທຸກມື້:
ການໃຊ້ນ້ຳຢາແຊ່ຄອນແທັກເລນຊ້ຳໆຈັກສອງສາມວັນຕິດກັນ ອາດຈະເຮັດໃຫ້ເປັນອັນຕະລາຍຕໍ່ດວງຕາທ່ານ ເພາະດັ່ງນັ້ນ ຢ່າລືມປ່ຽນນ້ຳຢາແຊ່ຄອນແທັກເລນ ແລະ ເຮັດຄວາມສະອາດຄອນແທັກເລນທຸກໆມື້ດ້ວຍ.
– ລ້າງມືທຸກໆຄັ້ງກ່ອນໃສ່ ແລະ ຖອດຄອນແທັກເລນ: ຄວນຈະລ້າງມືໃຫ້ສະອາດທຸກຄັ້ງ ບໍ່ວ່າຈະຖອດ ຫຼື ໃສ່ຄອນແທັກເລນ ຫຼື ເຮັດຄວາມສະອາດເລນ ເພາະເຮົາຈະຕ້ອງໃຊ້ມືສຳພັດເລນທຸກຄັ້ງ.
– ຫ້າມໃຊ້ນ້ຳປະປາລ້າງ ຫຼື ແຊ່ຄອນແທັກເລນ: ອັນນີ້ສຳຄັນຫຼາຍ ເພາະໃນນ້ຳປະປາອາດ ຈະເຮັດໃຫ້ເນື້ອຄອນແທັກເລນເສື່ອມສະພາບແລ້ວຈີກຂາດງ່າຍ ສົ່ງຜົນຕໍ່ແກ້ວຕາຂອງເຮົາ ຢ່າງຮຸນແຮງ ຄວນລ້າງ ແລະ ແຊ່ຄອນແທັກ ເລນໃນນ້ຳຢາສຳລັບລ້າງ ແລະ ແຊ່ຄອນແທັກເລນເທົ່ານັ້ນ.
– ຫ້າມນອນຫຼັບພ້ອມຄອນແທັກເລນເດັດຂາດ:
ເພື່ອໃຫ້ດວງຕາຂອງເຮົາໄດ້ພັກຜ່ອນຢ່າງເຕັມທີ່ ຢ່າລືມຖອດຄອນແທັກເລນກ່ອນນອນທຸກຄັ້ງ.
– ໃສ່ຄອນແທັກເລນກ່ອນແຕ່ງໜ້າ: ຄວນໃສ່ຄອນແທັກເລນໃຫ້ຮຽບຮ້ອຍກ່ອນແຕ່ງໜ້າ ເພື່ອປ້ອງກັນບັນຫາເຄື່ອງສຳອາງຮອບດວງຕາເປື້ອນ ຫຼື ຫຼຸດເຂົ້າໄປທຳຮ້າຍຮອບດວງຕາຂອງເຮົາໄດ້ ແລະ ເວລາທີ່ເຮົາຕ້ອງລ້າງເຄື່ອງສຳອາງອອກ ເຮົາກໍຕ້ອງຖອດຄອນແທັກເລນອອກກ່ອນດ້ວຍ.
– ບໍ່ຄວນໃສ່ເກີນມື້ລະ 8 ຊົ່ວໂມງ: ຖ້າໃສ່ຕິດຕໍ່ກັນຍາວນານເກີນ 8 ຊົ່ວໂມງ ກໍຈະເຮັດໃຫ້ດວງຕາຂອງເຮົາຂາດອອກຊີເຈນ ຕ້ອງລະວັງກັນໃຫ້ດີ ເພາະຖ້າດວງຕາຂາດອອກຊີເຈນຕິດຕໍ່ກັນດົນໆ ອາດຈະສົ່ງຜົນເສຍຫຼາຍເຖີງຕາບອດໄດ້ເລີຍ.
– ກັບຄອນແທັກເລນຄວນປ່ຽນທຸກໆເດືອນ: ໝໍ ແລະ ຜູ້ຊ່ຽວຊານດ້ານດວງຕາຫຼາຍໆຄົນ ແນະນຳໃຫ້ເຮົາປ່ຽນກັບຄອນແທັກເລນ ທຸກໆ 2-4 ອາທິດ ເພາະກັບໃສ່ຄອນແທັກເລນນີ້ແຫຼະ ທີ່ຈະເປັນແຫຼ່ງສະສົມເຊື້ອພະຍາດຢ່າງດີ ຫາກບໍ່ປ່ຽນ ຫຼື ບໍ່ເຮັດຄວາມສະອາດ.
– ເມື່ອມີບັນຫາກັບດວງຕາ ຫ້າມໃສ່ຄອນແທັກເລນ: ຖ້າກຳລັງຢູ່ໄລຍະແສບຕາ ຕາແດງ ຕາອັກເສບ ໄລຍະເວລາເຫຼົ່ານີ້ງົດການໃສ່ຄອນແທັກເລນເດັດຂາດ ຖ້າໃຫ້ດວງຕາເຮົາກັບສູ່ພາວະປົກກະຕິສາກ່ອນ.
ສຳລັບສາລະໜ້າຮູ້ທີ່ເຮົານຳມາຝາກທຸກໆຄົນໃນມື້ນີ້ ຖ້າໃຜຢາກສວຍງາມກໍຕ້ອງຮູ້ວິທີໃຊ້ທີ່ຖືກຕ້ອງດ້ວຍ ເພື່ອຄວາມປອດໄພຂອງດວງຕາທ່ານ.
ວ. ດາລາວົງ – ນຳສະເໜີ