ຄວາມເປື້ອນເປິະເຮິະຮ້າຍທີ່ເຫັນຕາມນະຄອນຫຼວງ ກໍຄື ຕົວເມືອງໃຫຍ່ໆໃນປະເທດພວກເຮົານັ້ນ ເກີດມາຈາກຫຼາຍສາເຫດ ແຕ່ທີ່ແກ້ຍາກນັ້ນແມ່ນຂີ້ເຫຍື້ອທີ່ບິນອອກມາຈາກລົດບັນທຸກຫີນ-ຊາຍ ກໍຄື ລົດແກ່ວັດຖຸກໍ່ສ້າງອື່ນໆ ທີ່ລະເມີດກົດຈະລາຈອນ ຄືບໍ່ມີຜ້າປົກປ້ອງກັນບໍ່ໃຫ້ວັດຖຸທີ່ບັນທຸກຕົກເຮ່ຍ ນອກຈາກນັ້ນ ຍັງບັນທຸກເກີນຄວາມສາມາດຂອງລົດ ສ່ວນການຄວບຄຸມຕິດຕາມຂອງເຈົ້າໜ້າທີ່ຮັບຜິດຊອບນັ້ນກໍລະເຫຼີງ ເລືອກເຮັດເປັນບາງໂອກາດ ເວລາມີເຫດການສຳຄັນເທົ່ານັ້ນ ດັ່ງນັ້ນ ຈຶ່ງບໍ່ແປກດອກທີ່ບ້ານເມືອງພວກເຮົາອຸດົມສົມບູນໄປດ້ວຍຂີ້ເຫຍື້ອ.