ອາຫານທຸກຊະນິດມີປະໂຫຍດຢ່າງຫຼວງຫຼາຍ ແຕ່ຖ້າຫາກເຮົາກິນບໍ່ຖືກເວລາ ກໍເປັນສາເຫດເຮັດໃຫ້ອາຫານນັ້ນບໍ່ມີປະໂຫຍດຫຼາຍ ຫຼື ອາດບໍ່ມີປະໂຫຍດເລີຍ ມື້ນີ້ເຮົາຈະມາຮູ້ຈັກອາຫານທີ່ຄວນກິນເພື່ອຮ່າງກາຍແຂງແຮງ ແລະ ບໍ່ຄວນກິນ ເພາະອາດເຮັດໃຫ້ຮ່າງກາຍອ່ອນເພຍ ເປັນພະຍາດຫຼາຍຊະນິດໄດ້.
1. ກິນນ້ຳໝາກນາວໃສ່ນ້ຳອຸ່ນ ໂດຍການປາດເປັນປ່ຽງສອງສາມປ່ຽງລົງໃສ່ນ້ຳອຸ່ນກິນທຸກມື້ ຈະເຮັດໃຫ້ສຸຂະພາບດີ ແລະ ຢຸດການເຕີບໂຕຂອງກ້ອນເນື້ອງອກ.
2. ບໍ່ຄວນກິນອາຫານຕອນເດິກ ເພາະຈະເຮັດໃຫ້ເປັນມະເຮັງກະເພາະອາຫານ.
3. ອາທິດໜຶ່ງບໍ່ຄວນກິນໄຂ່ຫຼາຍກວ່າ 4 ໜ່ວຍ.
4. ຂາໄກ່ ກິນຫຼາຍເປັນສາເຫດເຮັດໃຫ້ເປັນພະຍາດມະເຮັງໄດ້.
5. ກິນເຂົ້າອິ່ມບໍ່ຄວນກິນໝາກໄມ້ ແຕ່ຄວນກິນໝາກໄມ້ກ່ອນກິນອາຫານ.
6. ຊ່ວງເປັນປະຈຳເດືອນ ບໍ່ຄວນກິນຊາ ແຕ່ຄວນກິນອາຫານບຳລຸງເລືອດແທນ.
7. ນ້ຳເຕົາຫູ້ ບໍ່ຄວນໃສ່ໄຂ່ ແລະ ບໍ່ຄວນເພີ່ມນ້ຳຕານອີກ.
8. ຕອນທ້ອງວ່າງ ບໍ່ຄວນກິນໝາກເລັ່ນ ຄວນກິນຫຼັງຈາກອາຫານ.
9. ດື່ມນ້ຳທຳມະດາໃນຕອນເຊົ້າທຸກມື້ ເພື່ອປ້ອງກັນພະຍາດໜິ້ວໃນກະເພາະອາຫານ.
10. ກ່ອນນອນປະມານ 3 ຊົ່ວໂມງ ບໍ່ຄວນກິນອາຫານ.
11. ບໍ່ຄວນກິນຊາໃສ່ນົມຂຸ້ນຫວານ ເພາະໄຂມັນຢູ່ໃນນົມຂຸ້ນ ແລະ ນ້ຳຕານ ກໍ່ໃຫ້ເປັນພະຍາດເບົາຫວານ ແລະ ພະຍາດຄວາມດັນເລືອດສູງ.
12. ຄວນກິນນ້ຳ 10 ຈອກຕໍ່ມື້ ເພື່ອປ້ອງກັນມະເຮັງກະເພາະ ແລະ ຄວນກິນນ້ຳໃນຕອນສວາຍໃຫ້ຫຼາຍ ສ່ວນຕອນກາງຄືນໃຫ້ກິນໜ້ອຍ.
13. ບໍ່ຄວນກິນກາເຟຫຼາຍກວ່າ 2 ຈອກຕໍ່ມື້ ເພາະຈະເຮັດໃຫ້ນອນບໍ່ຫຼັບ ແລະ ທ້ອງອືດ.
14. ອາຫານມັນ ຫຼື ຈືນ ກິນຫຼາຍເຮັດໃຫ້ເລືອດຄັ່ງໃນກະເພາະລຳໄສ້ ແລະ ເຮັດໃຫ້ຢາກນອນຕະຫຼອດ.
15. ຫຼັງຈາກເວລາ 17:00 ໂມງ ຕ້ອງກິນອາຫານໃຫ້ໜ້ອຍລົງ.
ວ. ດາລາວົງ – ນຳສະເໜີ