ສະຖາບັນເຕັກໂນໂລຊີ ໂທລະຄົມມະນາຄົມ ແລະ ການສື່ສານແຫ່ງປະເທດຈີນ ຈັດກິດຈະກຳສົນທະນາເສດຖະກິດດີຈີຕອນ ຈີນ-ອາຊຽນ ການພັດທະນາ 5G ແລະ ສຳມະນາກ່ຽວກັບການກໍ່ສ້າງພື້ນ ຖານໂຄງລ່າງ ແລະ ການເຊື່ອມຕໍ່ໂຄງຂ່າຍໃໝ່ ຂຶ້ນວັນທີ 30 ຕຸລາ ຜ່ານມາ ຢູ່ນະຄອນເຊີນເຈີນ ມົນ ທົນກວາງໂຈ ສປ ຈີນ ໂດຍມີກະຊວງ ແລະ ຄະນະກຳມະການທີ່ຮັບຜິດຊອບດ້ານໂທລະຄົມມະນາຄົມ ສປ ຈີນ ແລະ ປະເທດສະມາຊິກອາຊຽນ ຜູ້ໃຫ້ບໍລິການຈາກ China Mobile Laos ETL Thailand CAT TRUE ແລະ ປະເທດອື່ນໆ ເຂົ້າຮ່ວມ.
ສຳມະນາກ່ຽວກັບການກໍ່ສ້າງພື້ນຖານໂຄງລ່າງ ແລະ ການເຊື່ອມຕໍ່ໂຄງຂ່າຍໃໝ່ຄັ້ງນີ້ ແມ່ນຍຶດຖືເອົາ “ການເຊື່ອມຕໍ່ໃໝ່” ເປັນຫົວຂໍ້ຫຼັກເພື່ອດຳເນີນການສົນທະນາກ່ຽວກັບການສ້າງການເຊື່ອມຕໍ່ ແລະ ຄວາມສາມາດໃນການເຮັດວຽກຮ່ວມກັນຂອງເຄືອຂ່າຍໂທລະຄົມມະນາຄົມຂອງ ຈີນ-ອາຊຽນ ແລະ ໄດ້ສົ່ງເສີມການຮ່ວມມືການເຊື່ອມຕໍ່ຂ້າມພົມແດນ ລະຫວ່າງປະເທດສະມາຊິກອາຊຽນ ແລະ ຮວບຮວມຮາກຖານສຳລັບການເຊື່ອມຕໍ່ ຈີນ-ອາຊຽນ ໃນດ້ານຂໍ້ມູນ ແລະ ການສື່ສານ.
ທ່ານ Peng Mingan ETL Chief of technology officers ກ່າວວ່າ: ຈີນ ແລະ ປະເທດສະມາຊິກອາຊຽນ ໄດ້ເສີມສ້າງຄວາມສາມາດໃນການເຮັດວຽກຮ່ວມກັນທາງເສດຖະກິດຫຼາຍຂຶ້ນ ແລະ ຍຸດທະສາດ One Belt One Road ໂດຍສະເພາະໂຄງການທາງລົດໄຟ ລາວ-ຈີນ ຈະນຳໂອກາດການພັດທະນາທີ່ຍິ່ງໃຫຍ່ມາສູ່ປະເທດສະມາຊິກອາຊຽນ ແລະ ບັນດາອຸດສາຫະກຳຂໍ້ມູນຂ່າວສານ ຮວມເຖິງທາງດ່ວນຂໍ້ມູນຂ່າວສານສາກົນທີ່ໄວກວ່າ ກວ້າງກວ່າ ແລະ ປອດໄພກວ່າ ສປປ ລາວ ເປັນປະເທດທີ່ບໍ່ມີຊາຍແດນຕິດກັບທະເລ ແຕ່ມີຂໍ້ໄດ້ປຽບທາງພູມສາດໃນລະດັບພາກພື້ນທີ່ດີ ເຊິ່ງ ສປປ ລາວ ສາມາດພັດທະນາໃຫ້ເປັນພັນທະມິດທາງບົກໃນດ້ານໂທລະຄົມມະນາຄົມຂອງແຫຼມອິນໂດຈີນ ໂດຍການສ້າງຂໍ້ມູນຂ່າວສານໃນຖານະທີ່ເປັນປະເທດທີ່ມີພົມແດນຕິດຈອດ ສິ່ງທີ່ສຳຄັນທີ່ສຸດ ກໍຄືສູນຂໍ້ມູນ ແລະ ເຄືອຂ່າຍເຊື່ອມຕໍ່ລະຫວ່າງປະເທດທີ່ປອດໄພ ແລະ ເຊື່ອຖືໄດ້ ETL ເປັນ 1 ໃນ 3 ຂອງຜູ້ໃຫ້ບໍລິການທ້ອງຖິ່ນໃນລາວ ມີເຄືອຂ່າຍ 4,5G 4G ຄວບຄຸມທົ່ວປະເທດ ເປັນບໍລິສັດທີ່ມີກຳລັງທາງເຕັກນິກທີ່ແຂງແກ່ນ ເຕັກໂນໂລຊີການສື່ສານຂໍ້ມູນຂັ້ນສູງ ແລະ ລະບົບການຈັດການທີ່ສົມບູນດ້ານຊັບພະຍາກອນ ໄຍແກ້ວນຳແສງທີ່ມີຢູ່ຫຼວງຫຼາຍ ແລະ ໄດ້ການຮ່ວມມືກັບ Huawei China Mobile China Unicom China Telecom ແລະ China-Laos Railway ເພື່ອໃຫ້ບໍລິການການເຊື່ອມຕໍ່ໂຄງຂ່າຍໂທລະຄົມມະນາຄົມຂ້າມພົມແດນ.
ຫົວເຫວີຍ ໃນຖານະເປັນບໍລິສັດຊັ້ນແນວໜ້າລະດັບໂລກທີ່ດີເລີດ ກໍໄດ້ຈັດຫາອຸປະກອນເຄືອຂ່າຍໄຮ້ສາຍ 4,5G 5G ຊັ້ນນຳຂອງໂລກ ແລະ ອຸປະກອນສົ່ງຂໍ້ມູນຂ້າມພົມແດນລະຫວ່າງປະເທດ ເຊິ່ງເປັນພັນທະມິດອຸດສາຫະກຳທີ່ຂາດບໍ່ໄດ້ສຳລັບ ETL ໃນການສ້າງເຄືອຂ່າຍ ພວກເຮົາເຊື່ອວ່າ ດ້ວຍການສະໜັບສະໜູນຈາກຫົວເຫວີຍ ແລະ ພັນທະມິດທາງອຸດສາຫະກຳອຶ່ນໆ ETL ໝັ້ນໃຈທີ່ຈະໃຫ້ການສະໜັບສະໜູນທີ່ໝັ້ນຄົງສຳລັບທີ່ເປັນກົນລະຍຸດພົມແດນຕິດຈອດຂອງລາວ ແລະ ນຳພາບໍລິສັດອິນເຕີເນັດທີ່ໄດ້ຮັບທຶນຈາກຈີນໄປຕ່າງປະເທດ ໃຫ້ບໍລິການລູກຄ້າດ້ວຍຜະລິດຕະພັນ ແລະ ບໍລິການທີ່ດີທີ່ສຸດ.
# ຂ່າວ & ພາບ: ສະບາໄພ