ສູນການຄ້າ ວຽງຈັນເຊັນເຕີ ຮ່ວມກັບ ບໍລິສັດ ເອັກໂຊຕີຊີໂມຕຣາເວີນລາວ ຈຳກັດ ແລະ ລັດວິສາຫະກິດການບິນລາວ ຈັດກິດຈະກຳ ທ່ຽວຄົບ ຈົບໃນງານດຽວ (Let’s Travel) ຂຶ້ນວັນທີ 25-26 ຕຸລາ 2020 ທີ່ສູນການຄ້າວຽງຈັນເຊັນເຕີ ນະຄອນຫຼວງວຽງຈັນ ໂດຍມີທ່ານ ຄຳຫຼ້າ ພົມມະວັນ ຜູ້ອຳນວຍການໃຫຍ່ລັດວິສາຫະກິດການບິນລາວ ທ່ານ ນາງ ດວງມາລາ ພົມມະວົງ ຜູ້ອຳນວຍການໃຫຍ່ ບໍລິສັດເອັກໂຊຕີຊີໂມຕຣາເວີນລາວຈຳກັດ ທ່ານນາງ ນວນສີ ມະຫັດທະນະວິໂຣດ ຮອງຜູ້ອຳນວຍການ ສູນການຄ້າວຽງຈັນເຊັນເຕີ ພ້ອມດ້ວຍບັນດາຜູ້ບໍລິຫານບໍລິສັດ ໂຮງແຮມຕ່າງໆ ແຂກຖືກເຊີນ ແລະ ພາກສ່ວນກ່ຽວຂ້ອງເຂົ້າຮ່ວມ.
ທ່ານນາງ ດວງມາລາ ພົມມະວົງ ກ່າວພາຍໃນງານຄັ້ງນີ້ວ່າ: ກິດຈະກຳຄັ້ງນີ້ ຈັດຂຶ້ນເພື່ອສົ່ງເສີມການ ທ່ອງທ່ຽວພາຍໃນ ພ້ອມທັງຊຸກຍູ້ທຸລະກິດທ້ອງຖິ່ນ ໂດຍສະເພາະແມ່ນຂະແໜງການທ່ອງທ່ຽວ ພາຍໃນງານປະກອບມີການຈຳໜ່າຍ Package ທ່ອງທ່ຽວໃນລາຄາພິເສດ ກິດຈະກຳແຈກຂອງລາງວັນ ທີ່ພັກໂຮງແຮມ ແລະ ຮ່ວມຊິງໂຊກຮັບປີ້ເຮືອບິນໂດຍບໍ່ເສຍຄ່າ.
ງານໃນຄັ້ງນີ້ ໄດ້ຮັບການສະໜັບສະໜູນຈາກ ບໍລິສັດ ໂມກ ຈຳກັດ (BYD) ທະນາຄານຮ່ວມພັດທະນາ ແລະ ສວນພຶກສາ ທີ່ຮ່ວມກັນສົ່ງເສີມການທ່ອງທ່ຽວລາວ ເພື່ອໂຄສະນາເຜີຍແຜ່ແຫຼ່ງທ່ອງທ່ຽວທີ່ສວຍງາມ ແລະ ອຸດົມສົມບູນຂອງລາວເຮົາໃຫ້ເປັນທີ່ຮູ້ຈັກຢ່າງກວ້າງຂວ້າງ.
# ພາບ & ຂ່າວ: ບຸນມີ