ການແຂ່ງຂັນບານເຕະລາຍການ ເອເອັຟເອັຟ ຄອມມານໂດຄັບ 2020 ຮອບ 8 ທີມສຸດທ້າຍ ຈັດຂຶ້ນວັນທີ 17-18 ຕຸລາ 2020 ຢູ່ສະໜາມກີລາບານເຕະແຫ່ງຊາດ (ຫຼັກ 16) ມີ 4 ຄູ່ ວັນທີ 17 ຕຸລາ 2020 ເປັນການພົບກັນລະຫວ່າງ ຄູ່ທີ 1 ຊ້າງນ້ອຍເອັຟຊີ ພົບກັບ ປກສ ເອັຟຊີ ເອສຣາ ເອັຟຊີ ພົບກັບ ລາວ-ທ໋ອບ ເອັຟຊີ ວັນທີ 18 ຕຸລາ 2020 ຄູ່ທີ 1 ເຮັດບີທີ 941 ເອັຟຊີ ພົບກັບ ເມືອງຫາດ ຢູໄນເຕັດ ແລະ ຄູ່ທີ 2 ລາວ ໂຕໂຢຕ້າ ເອັຟຊີ ແຊັມ ເປບຊີ ລາວລີກ 5 ສະໄໝ ພົບກັບ ມາດເຕີ ເຊເວັນ ເອັຟຊີ ມີກອງເຊຍຂອງແຕ່ລະສະໂມສອນ ເຂົ້າຮ່ວມຊົມຈຳນວນຫຼວງຫຼາຍ.
ຜ່ານການແຂ່ງຂັນຜົນປາກົດວ່າ: ວັນທີ 17 ຕຸລາ 2020 ຄູ່ທີ 1 ຊ້າງນ້ອຍຊະນະ ປກສ 4-3 ປະຕູ ຜ່ານເຂົ້າໄປພົບກັບເອສຣາ ທີ່ໄລ່ຖະຫຼົ່ມເອົາຊະນະລາວ-ທ໊ອບ ຂາດຮອຍ 7-1 ປະຕູ ວັນທີ 18 ຕຸລາ 2020 ເຮັດບີທີ 941 ເສຍໃຫ້ເມືອງຫາດ ຢູໄນເຕັດ 2-5 ປະຕູ ສົ່ງຜົນໃຫ້ເມືອງຫາດ ເຂົ້າໄປພົບກັບ ລາວໂຕໂຢຕ້າ ທີ່ເອົາຊະນະມາດເຕີ ເຊເວັນ 2-0 ປະຕູ ຂະນະທີ່ຮອບຮອງຊະນະເລີດ ຈະກັບມາແຂ່ງຂັນວັນທີ 24 ຕຸລາ 2020 ຢູ່ສະໜາມກີລາແຫ່ງຊາດ (ຫຼັກ 16) ສ່ວນັດຊີງຊະນະເລີດຈະຈັດຂຶ້ນ ວັນທີ 31 ຕຸລາ 2020.