ວັນທີ 15 ຕຸລາ 2020 ຢູ່ກົມຄຸ້ມຄອງແຮງງານ ກະຊວງແຮງງານ ແລະ ສະຫວັດດີການສັງຄົມ ໄດ້ຈັດກອງປະຊຸມປຶກສາຫຼືທາງໄກຂອງຄະນະປະສານງານເຄືອຂ່າຍດ້ານຄວາມປອດໄພ ແລະ ສຸຂະພາບແຮງງານອາຊຽນ ຄັ້ງທີ 21 ເຊິ່ງກອງປະຊຸມຄັ້ງນີ້ ສປປ ລາວ ໄດ້ຮັບກຽດເປັນເຈົ້າພາບ ໂດຍເປັນປະທານຂອງທ່ານ ອຸດອນ ມະນີບຸນ ຮອງຫົວໜ້າກົມຄຸ້ມຄອງແຮງງານ ແລະ ຮອງປະທານກອງປະຊຸມໂດຍແມ່ນທ່ານ ZAILEE BIN DOLLAH ຮອງຫົວໜ້າກົມສຸຂະພາບ ແລະ ຄວາມປອດໄພແຮງງານແຫ່ງປະເທດມາເລເຊຍ ມີບັນດາເຈົ້າໜ້າທີ່ອາວຸໂສຮັບຜິດຊອບວຽກສຸຂະພາບ ແລະ ຄວາມປອດໄພແຮງງານປະເທດສະມາຊິກອາຊຽນ ກອງເລຂາອາຊຽນ ຄະນະຜູ້ແທນ ແລະ ບັນດາຄູ່ຮ່ວມງານຈາກອົງການຈັດຕັ້ງສາກົນເຂົ້າຮ່ວມ.
ກອງປະຊຸມໄດ້ພ້ອມກັນປຶກສາຫາລື ທົບທວນການຈັດຕັ້ງປະຕິບັດກິດຈະກຳ ໂຄງການຂອງບັນດາປະເທດສະມາຊິກອາຊຽນ ພາຍໃຕ້ແຜນງານສຸຂະພາບ ແລະ ຄວາມປອດໄພແຮງງານໃນສະຖານທີ່ເຮັດວຽກໄລຍະແຕ່ປີ 2016-2020 ແລະ ວາງທິດທາງແຜນການປີ 2021-2025 ແນໃສ່ເພື່ອປະກອບສ່ວນເຂົ້າໃນການຈັດຕັ້ງປະຕິບັດແຜນແມ່ບົດປະຊາຄົມວັດທະນະທຳ-ສັງຄົມອາຊຽນ 2025 ແລະ ເປັນການຜັນຂະຫຍາຍໃຫ້ແກ່ແຜນງານລັດຖະມົນຕີແຮງງານອາຊຽນ 2016-2020 ແລະ ການສົ່ງເສີມລະບົບສາຍພົວພັນອຸດສາຫະກຳທີ່ເໝາະສົມ ເພື່ອຫຼຸດຜ່ອນການເກີດຂໍ້ຂັດແຍ່ງດ້ານແຮງງານຂອງບັນດາປະເທດສະມາຊິກອາຊຽນ ການເພີ່ມຂີດຄວາມສາມາດ ແລະ ສ້າງຄວາມເຂັ້ມແຂງກົນໄກການຮ່ວມມືສາມຝ່າຍໃນອາຊຽນ ແລະ ສົ່ງເສີມສະພາບແວດລ້ອມທີ່ປອດໄພໃນສະຖານທີ່ເຮັດວຽກ ພ້ອມທັງເປັນການຍົກສູງຂີດຄວາມສາມາດໃນການກວດກາແຮງງານ ແລະ ເພີ່ມປະສິດທິພາບໃຫ້ແກ່ການບັງຄັບໃຊ້ກົດໝາຍ.
# ພາບ & ຂ່າວ: ຊິລິການດາ