ກະຊວງການຕ່າງປະເທດສິງກະໂປ ສືບຕໍ່ໃຫ້ທຶນເຝິກອົບຮົມ ຫົວຂໍ້ “ສ້າງຄວາມໝັ້ນຄົງດ້ານສະບຽງອາຫານ” ໃຫ້ພະນັກງານລັດຖະກອນລາວ 12 ຄົນ ເຊິ່ງເປັນຊຸດເຝິກອົບຮົມທາງໄກ ຈັດຂຶ້ນວັນທີ 5-9 ຕຸ ລາ 2020 ຢູ່ສູນຮ່ວມມື ລາວ-ສິງກະໂປ ໂດຍມີທ່ານ ອາຈານ ຣີຈາດ ຄໍ ຈາກວິທະຍາໄລຊັບພະວິຊາ ນານາຊາດນານຢາງ ປະເທດສິງກະໂປ ເປັນຜູ້ດຳເນີນການເຝິກອົບຮົມ ທີ່ມາແບ່ງປັນປະສົບການ ແລະນະໂຍບາຍຂອງປະເທດສິງກະໂປ ໃນການຈັດການບັນຫາຄວາມໝັ້ນຄົງດ້ານສະບຽງອາຫານແກ່ລາວ.
ຊຸດເຝິກອົບຮົມຄັ້ງນີ້ ໄດ້ຮັບທຶນສະໜັບສະໜູນຈາກໂຄງການຂອບການເຊື່ອມໂຍງອາຊຽນ (IAI) ພາຍໃຕ້ໂຄງການດັ່ງກ່າວ ສິງກະໂປໄດ້ຈັດຊຸດເຝິກອົບຮົມ 20-30 ຄັ້ງຕໍ່ປີ ຢູ່ສູນຮ່ວມມືລາວ-ສິງກະໂປ ໂດຍເນັ້ນໃສ່ອົບຮົມຫຼາຍຂົງເຂດ ເຊັ່ນ: ການບໍລິຫານ ແລະ ນະໂຍບາຍສາທາລະນະທີ່ເປັນແບບປະຕິບັດທີ່ດີສຸດ ການພັດທະນາເສດຖະກິດ ສ້າງຄວາມສະດວກໃຫ້ການຄ້າ ສາທາລະນະສຸກ ແລະ ສະຫວັດດີການ ສິ່ງແວດລ້ອມ ແລະ ການພັດທະນາແບບຍືນຍົງ ພາສາອັງກິດ ແລະ ທັກສະການສື່ສານ ແຕ່ລະປີ ມີພະນັກງານລາວປະມານ 600 ຄົນ ໄດ້ຮັບການເຝິກອົບຮົມ ແລະ ນັບແຕ່ປີ 1993 ເປັນຕົ້ນມາ ພະນັກ ງານລັດລາວເກືອບ 14.000 ຄົນ ໄດ້ຮັບຜົນປະໂຫຍດຈາກໂຄງການເຝິກອົບຮົມຕ່າງໆຂອງກະຊວງຕ່າງ ປະເທດສິງກະໂປ ພາຍໃຕ້ໂຄງການຮ່ວມມືສິງກະໂປ.
# ຂ່າວ & ພາບ: ສະບາໄພ