ໃນປັດຈຸບັນ ການຈັບຈ່າຍເງິນສົດ ເພື່ອຊື້-ຂາຍສິນຄ້າ ເພື່ອເຮັດທຸລະກຳ ແລະ ອື່ນໆນັ້ນ ນັບມື້ຫຼຸດນ້ອຍຖອຍລົງ ແລະ ຖືກປ່ຽນແທນດ້ວຍການຈ່າຍຜ່ານບັດເຄຼດິດ ລະບົບເອເລັກໂຕຣນິກ ເອີ້ນວ່າ “ອີມານີ” (e-money) ລະບົບການ ຈ່າຍແບບບໍ່ໃຊ້ເງິນສົດ (Cashless) ນີ້ ສຸດແສນ ສະດວກສະບາຍ ບໍ່ຈຳເປັນພົກພາເງິນສົດຕິດຕົວຄືແຕ່ກ່ອນອີກແລ້ວ ວ່າກັນວ່າ ການຈ່າຍຜ່ານລະ ບົບໃໝ່ນີ້ມີຄວາມປອດໄພວ່ອງໄວກວ່າ ທັງຊ່ວຍ ປ້ອງກັນອາຊະຍາກຳຟອກເງິນອີກດ້ວຍ.
ທີ່ ຫວຽດນາມ: ໂຄງການສົ່ງເສີມການຊຳລະເງິນສົດຜ່ານບັດ ລະຫວ່າງປີ 2016-2020 ນັ້ນ ໄດ້ຮັບອະນຸມັດຈາກລັດຖະບານເປັນທີ່ຮຽບຮ້ອຍແລ້ວ ແຕ່ວັນທີ 9 ມັງກອນ 2017 ໂຄງການໄດ້ວາງ ເປົ້າໝາຍເຮັດສຳເລັດການຕິດຕັ້ງເຄື່ອງອ່ານ ບັດເຄຼດິດຕາມຈຸດຂາຍຕ່າງໆ ຈຳນວນ 3 ແສນ ເຄື່ອງໃນທົ່ວປະເທດ ເພື່ອເຮັດໃຫ້ການດຳເນີນທຸລະກິດຜ່ານບັດບັນລຸ 200 ລ້ານຄັ້ງຕໍ່ປີ ໃນນັ້ນ ລວມທັງການສຳລະຄ່າໄຟຟ້າ ແລະ ນ້ຳປະປາ ໂຄງການໄດ້ຊຸກຍູ້ໃຫ້ປະຊາຊົນທີ່ມີອາຍຸແຕ່ 15 ປີ ຂຶ້ນໄປ ຢ່າງໜ້ອຍ 70% ຕ້ອງມີບັນຊີທະນາຄານ ເພື່ອຫຼຸດອັດຕາສ່ວນການບໍລິການດ້ວຍເງິນສົດ ລົງໃຫ້ໄດ້ຕ່ຳກວ່າ 10% ໃນທົ່ວປະເທດ ລາຍລະ ອຽດກ່ຽວກັບການສຳລະຜ່ານບັດຢູ່ຫວຽດນາມ ລະຫວ່າງປີ 2016-2020 ມີດັ່ງນີ້: ຂະແໜງໃຫ້ບໍລິການນ້ຳປະປາ ໄຟຟ້າ ໂທລະ ສັບ ແລະ ການສື່ສານ ຈຳນວນ 70% ຮັບການສຳ ລະຜ່ານບັດຈາກຄົວເຮືອນ ແລະ ສ່ວນບຸກຄົນ 50% ຂອງຄົວເຮືອນໃນເຂດຕົວເມືອງ ຈັບຈ່າຍຊື້-ຂາຍ ສິ່ງຂອງປະຈຳວັນຜ່ານລະບົບເອເລັກໂຕຣນິກ ໂຄງການສຳລະຜ່ານບັດ ລະຫວ່າງປີ 2016-2020 ຈະຊ່ວຍຊຸກຍູ້ສົ່ງເສີມໃຫ້ຄົນຫັນມາໃຊ້ລະບົບສຳລະຜ່ານບັດຫຼາຍຂຶ້ນ ແລະ ສະກັດກັ້ນການຫຼົບຫຼີກໜີພາສີອີກດ້ວຍ.
ທີ່ ອົດສະຕຣາລີ: ໃນທ້າຍເດືອນຕຸລາ 2019 ມີຂ່າວວ່າ ສະພາຕ່ຳອົດສະຕຣາລີ ໄດ້ຮັບຮອງ ເອົາຮ່າງກົດໝາຍຫ້າມຊຳລະດ້ວຍເງິນສົດ ທີ່ມີມູນຄ່າເກີນ 10.000 ໂດລາອົດສະຕຣາລີ ຫຼື ປະມານ 6.700 ໂດລາສະຫະລັດ ເຊິ່ງຜູ້ລະ ເມີດຈະໄດ້ຮັບໂທດຈຳຄຸກເປັນເວລາ 2 ປີ ພ້ອມ ດ້ວຍໂທດປັບໃໝເປັນເງິນ 25.200 ໂດລາອົດ ສະຕຣາລີ (ເທົ່າກັບ 17.000 ໂດລາສະຫະລັດ) ກົດໝາຍສະບັບນີ້ກຳນົດໃຊ້ສຳລັບທຸກບ້ວງສຳລະຄ່າສິນຄ້າ ແລະ ການບໍລິການ ເຊັ່ນ: ຄ່າລົດຍົນ ກຳປັ່ນ ເຮືອແພ ເຮືອນຢູ່ ການດັດ ແປງຕຶກສຳນັກງານຂອງບັນດາວິສາຫະກິດ ທີ່ມີເລກລະຫັດທຸລະກິດ ຂ່າວບອກວ່າ ມາດຕະ ການດັ່ງກ່າວຈະບໍ່ນຳໃຊ້ສຳລັບການແລປ່ຽນ ຊື້-ຂາຍ ລະຫວ່າງ ບຸກຄົນກັບບຸກຄົນ ຕົວຢ່າງ ການຄ້າຂາຍຂອງສ່ວນບຸກຄົນ ເຊິ່ງຜູ້ຂາຍບໍ່ມີເລກ ລະຫັດທຸລະກິດ ຫຼື ການຈ່າຍດ້ວຍເງິນສົດໃຫ້ແກ່ ບັນດາອົງການ ການເງິນ ກົດໝາຍນີ້ບໍ່ນຳໃຊ້ສຳ ລັບປະເພດເງິນດີຈີຕອນ ເຊັ່ນ: ເງິນບິດຄຼອຍ ວ່າກັນວ່າ ກົດໝາຍສະບັບນີ້ ມີເປົ້າໝາຍສະກັດ ກັ້ນກຸ່ມແກ້ງອາຊະຍາກຳທີ່ໃຊ້ເງິນສົດຈຳນວນມະ ຫາສານເພື່ອຊື້ລົດ ເຮືອນ ແລະ ເຄື່ອງປະດັບເອ້ ແນໃສ່ຟອກເງິນທີ່ໄດ້ມາຈາກການເຄື່ອນໄຫວທີ່ ຜິດກົດໝາຍ.