ໜ້າກາກປ້ອງກັນເຊື້ອພະຍາດປອດອັກເສບສາຍພັນໃໝ່ ຫຼື ໂຄວິດ-19 ນັ້ນ ມີປະໂຫຍດມາກມາຍກ່າຍກອງ ນອກຈາກສາມາດປ້ອງກັນພະຍາດທີ່ວ່າແລ້ວ ຍັງມີຜົນປະໂຫຍດດ້ານອື່ນໆອີກ ດັ່ງປາກົດຢູ່ໃນບົດສົນທະນາຂອງຊາຍໄວກາງຄົນສອງຄົນດັ່ງລຸ່ມນີ້:
ອາວແປ້ນ: “ເມຍເຮົາປາກເໝັນ ປານກິ່ນຈາກວິດຖ່າຍ ລາວເວົ້າກັບເຮົາເທື່ອໃດ ເຮົາຕ້ອງໄດ້ກັ້ນລົມຫາຍໃຈໄວ້ ແຕ່ດຽວນີ້ສະບາຍແລ້ວ ກິ່ນປາກລາວບໍ່ສາມາດປິວມາຮອດດັງເຮົາ ເພາະລາວໃສ່ໜ້າກາກອັດປາກອັດດັງໄວ້ມິດຊິດ !”.
ອາວອື່ງ: “ສຳລັບເຮົາຫັ້ນສະບາຍກວ່າໂຕ ຄືບໍ່ໜວກຫູ ຍ້ອນສຽງດ່າຂອງນາງເມຍທີ່ເຄີຍດອດໃສ່ເຮົາ ນັບແຕ່ມື້ແຕ່ງດອງກັນມາ ດຽວນີ້ເຖິງລາວຊິກົ່ງຄໍດ່າເຮົາແຮງປານໃດ ເຮົາກໍໄດ້ຍິນສຽງລາວ ສ່ຳສຽງຂຽດຮ້ອງ ເພາະມີໜ້າກາກກັນໄວ້… ໂອຍຈັ່ງແມ່ນຊາດເຮົາ ສະບາຍຫູ !”.