1. ໃນແຕ່ລະຄືນ ເຮົານອນຫຼັບກັບຝຸ່ນລະອອງປະມານ 1,5 ລ້ານໂຕ Carolyn Forte ຜູ້ອຳນວຍການຂອງຫ້ອງທົດລອງສະຖາບັນ Good Housekeeping ບອກວ່າ ນີ້ເປັນເລື່ອງຈິງ ບ່ອນນອນຂອງເຮົາມີລະອອງຝຸ່ນຈຳນວນມະຫາສານ ພວກມັນມັກຄວາມຊຸ່ມ ດັ່ງນັ້ນເຮົາຕ້ອງການຈະຫຼຸດຈຳນວນພວກມັນລົງ ກໍຕ້ອງໃຫ້ອາກາດເຂົ້າໄປເຮັດໃຫ້ຄວາມຊຸ່ມລະເຫີຍອອກໄປ ເປີດຜ້າຫົ່ມ ແລະ ຜ້າປູຈັດໃຫ້ຮຽບຮ້ອຍ.
2. ພົມປູພື້ນ ມີແບັກທີເຣຍຫຼາຍກວ່າໃນຫ້ອງນ້ຳເຖິງ 4.000 ເທົ່າ ດັ່ງນັ້ນຕ້ອງທຳຄວາມສະອາດ ຕະຫຼອດດູດຝຸ່ນຢ່າງໜ້ອຍອາທິດລະຄັ້ງ ເພື່ອບໍ່ໃຫ້ເຊື້ອໂລກເຕີບໂຕຂະຫຍາຍຕົວໄປອີກ.
3. ໂທລະສັບມືຖື ເປັນສິ່ງທີ່ເປື້ອນຫຼາຍ ເຮົາບໍ່ພຽງແຕ່ເອົາມາແນບໜ້າ ແຕ່ເຮົາຍັງເອົາມາໄວ້ໃນບ່ອນນອນ ເຮົາຄວນທຳຄວາມສະອາດໂທລະສັບດ້ວຍການນຳຜ້າຈຸບນ້ຳເຫຼົ້າມາເຊັດຢ່າງໜ້ອຍ 2-3 ວັນ/ຄັ້ງ.
4. ໝອນທີ່ເຮົານອນເຕັມໄປດ້ວຍຝຸ່ນ ແລະ ເສດຜິວໜັງທີ່ຕາຍແລ້ວ ສະສົມກັນມາຫຼາຍປີ ມີການສຶກສາພົບວ່ານ້ຳໜັກຂອງໝອນຈະເພີ່ມຂຶ້ນ 2 ເທົ່າ ໃນເວລາ 3 ປີ ນັ້ນເປັນເພາະມັນສະສົມຄວາມເປື້ອນເຫຼົ່ານີ້ ເຮົາຈຶ່ງຄວນທຳຄວາມສະອາດໝອນດ້ວຍການຊັກ.
5. ບ່ອນນອນຂອງເຮົາກໍເຕັມໄປດ້ວຍຄວາມເປີເປື້ອນ ໃນເວລາ 8 ປີ ບ່ອນນອນຂອງເຮົາຈະມີເຊວທີ່ຕາຍໄປແລ້ວສະສົມຢູ່ຈຳນວນຫຼາຍ ດັ່ງນັ້ນຈຶ່ງຄວາມທຳຄວາມສະອາດ.
6. ຊຸດນອນ ກໍເປັນຮັງຂອງແບັກທີເຣຍ ຫຼາຍໆຄົນຍອມຮັບວ່າຊຸດນອນທຸກວັນ ບາງເທື່ອກໍນຸ່ງແລ້ວນຸ່ງອີກດົນເປັນອາທິດ ນັ້ນເຮັດໃຫ້ຊຸດນອນກາຍເປັນແຫຼ່ງສະສົມເຊື້ອແບັກທີເຣຍໄດ້ ຫາກໃສ່ ກໍບໍ່ຄວນຈະເກີນ 3 ວັນ.
7. ເຮົາເຮັດເຫື່ອຍ້ອຍລົງໄປໃນບ່ອນນອນປີລະ 26 ແກລອນນັ້ນ ເຮັດໃຫ້ບ່ອນນອນມີກິ່ນ ແລະ ມີສິ່ງເປື້ອນຢູ່ເຕັມໄປໝົດ ການທຳຄວາມສະອາດ ແລະ ສີດສະເປ ຈະຊ່ວຍກຳຈັດກິ່ນ ແລະ ຄວາມຊຸ່ມໄດ້.
8. ເຄື່ອງສຳອາງເກົ່າທີ່ເກັບໄວ້ໃນຫ້ອງນອນ ມີແບັກທີເຣຍໃນລະດັບທີ່ເຮັດໃຫ້ອາດບໍ່ປອດໄພ ເພາະເຄີຍມີການນຳສິນຄ້າເຫຼົ່ານີ້ມາທົດສອບ ພົບວ່າເກັບໄວ້ດົນ ຫຼືໝົດອາຍຸ ເຄື່ອງສຳອາງພວກນີ້ຈະມີແບັກທີເຣຍເປັນອັນຕະລາຍຕໍ່ສຸຂະພາບ.
9. ເຊື້ອໄວຣັສ ມີຊີວິດຢູ່ໃນບັນຍາກາດຂອງຫ້ອງນອນໄດ້ເຖິງ 48 ຊົ່ວໂມງ ນັ້ນໝາຍຄວາມວ່າຫາກມີຄົນເຈັບຢູ່ໃນເຮືອນຄົນອື່ນໆ ຄົນໃນເຮືອນກໍຈະກາຍເປັນເຫຍື່ອຂອງໄວຣັສໄດ້ຄືກັນ ແລະ ເຊື້ອນັ້ນກໍຈະມີອາຍຸຢູ່ໃນບ້ານໄດ້ດົນເຖິງ 2 ວັນ ເຖິງວ່າຄົນເຈັບຈະອອກໄປກໍ່ຕາມ.
10. ການນອນກັບສັດລ້ຽງ ອາດເຮັດໃຫ້ເຮົາປ່ວຍຫຼືອາດຈະຕິດພະຍາດຈາກສັດໄດ້ Dr Jane Heller Charles Sturt University ບອກວ່າ ການຢູ່ໃກ້ກັບສັດລ້ຽງກໍເຮັດໃຫ້ເຮົາມີໂອກາດຕິດເຊື້ອ ຫາກໃຜທີ່ນອນກັບສັດລ້ຽງຕ້ອງທຳຄວາມສະອາດບ່ອນນອນໃຫ້ຫຼາຍກວ່າປົກກະຕິ ແລະ ທາງທີ່ດີຄວນຈັດແບ່ງຂອບເຂດຂອງບ່ອນນອນໃຫ້ຊັດເຈນວ່າສ່ວນໃດເປັນຂອງທ່ານ ສ່ວນໃດເປັນຂອງສັດລ້ຽງ.