ກອງປະຊຸມໃຫຍ່ຄັ້ງທີ VIII ຜູ້ແທນສະຫະພັນກຳມະບານທົ່ວນະຄອນຫຼວງວຽງຈັນ (ນວ) ວັນທີ 7 ກັນຍາ 2020 ທີ່ຫ້ອງວ່າການປົກຄອງ ນວ ຜູ້ແທນສົມບູນທີ່ເຂົ້າຮ່ວມກອງປະຊຸມໄດ້ໃຊ້ສິດປະຊາທິປະໄຕ ປ່ອນບັດເລືອກເອົາຄະນະບໍລິຫານງານສະຫະພັນກຳມະບານ ນວ ຊຸດໃໝ່ ບົນພື້ນຖານຄວາມຖືກຕ້ອງສອດຄ່ອງກັບເງື່ອນໄຂທີ່ໄດ້ກຳນົດໄວ້ຈຳນວນ 37 ສະຫາຍ ຍິງ 11 ໃນນີ້ເລືອກເອົາສະຫາຍ ດາວເພັດ ອາລຸນ ເປັນປະທານ ສະຫາຍ ອຸດົມ ສີລາເພັດ ເປັນຮອງປະທານ ທັງເປັນປະທານກວດກາ ສະຫາຍ ສົມບູນ ລິດສະໄໝ ແລະ ສະຫາຍ ນາງ ພູວັນ ເພັດຊຸມພູ ເປັນຮອງປະທານສະຫະພັນກຳມະບານ ສະຫາຍວິໄລກອນ ຈັນທະລາຕີ ແລະ ສະຫາຍ ບຸນລ້ຳ ວົງສຸທິ ເປັນຮອງປະທານກວດກາ ນອກນີ້ ໄດ້ເລືອກເອົາຜູ້ແທນສົມບູນ 27 ສະຫາຍ ແລະ ຜູ້ແທນສຳຮອງ 2 ສະຫາຍ ເພື່ອເຂົ້າຮ່ວມກອງປະຊຸມໃຫຍ່ຄັ້ງທີ VIII ຜູ້ແທນກຳມະບານລາວທົ່ວປະເທດຕື່ມອີກ.
