ລະດູການໃນໄລຍະຍາມຝົນນີ້ ອາດຈະແປປ່ວນ ເພາະກຳລັງແຮງຂອງລົມມໍລະສຸມພັດຜ່ານມາແບບບໍ່ຮູ້ລ່ວງໜ້າ ແລະ ບໍ່ຄ່ອຍເປັນໄປຕາມການພະຍາກອນອາກາດປານໃດ ເມື່ອມີພາຍຸຟ້າຝົນ ລົມແຮງ ງ່າໄມ້ ຕົ້ນໄມ້ ກໍຫັກ ຫຼື ລົ້ມຕັນທາງ ເຮັດໃຫ້ການຈະລາຈອນອຸດຕັນ ດັ່ງນັ້ນ ໃນກໍລະນີນີ້ ຂໍໃຫ້ທຸກຄົນຊ່ວຍກັນແກ້ໄຂຍົກສິ່ງກີດຂວາງອອກ ຫຼື ຕັດຮອນງ່າໄມ້ໂຍນຖິ້ມ ຢ່າຄິດແຕ່ເອົາຕົວລອດຜູ້ດຽວ ໃນກໍລະນີເຫຼືອບ່າກວ່າແຮງແທ້ໆ ກໍຂໍໃຫ້ຮີບລາຍງານໜ່ວຍງານຮັບຜິດຊອບມາແກ້ໄຂ ໃນຍຸກປະຊາເປັນເຈົ້ານີ້ ທຸກຄົນມີຄວາມຮັບຜິດຊອບຊ່ວຍກັນ ແກ້ໄຂທຸກໆບັນຫາຕາມຄວາມສາມາດຂອງຕົນ.