ກອງປະຊຸມໄດ້ໄຂຂຶ້ນຢ່າງເປັນທາງການໃນວັນທີ 27 ສິງຫາ 2020 ໂດຍເປັນປະທານຂອງສະຫາຍ ບຸນເພັງ ສີນະວົງພອນ ວ່າການເລຂາຄະນະພັກເມືອງ ເຈົ້າເມືອງຫາດຊາຍຟອງ ໂດຍມີທ່ານ ອານຸພາບ ຕຸລາລົມ ກຳມະການສູນກາງພັກ ຮອງເລຂາຄະນະພັກ ປະທານສະພາປະຊາຊົນນະຄອນຫຼວງ ພ້ອມຜູ້ແທນສົມບູນ ພະນັກງານອາວຸໂສບຳນານ ແລະ ແຂກຖືກເຊີນເຂົ້າຮ່ວມ.
ກອງປະຊຸມຄັ້ງນີ້ ຈະໄດ້ຮັບຟັງການຜ່ານຮ່າງບົດລາຍງານການເມືອງ 2 ພາກ ຕໍ່ກອງປະຊຸມໃຫຍ່ ຜ່ານຮ່າງບົດສະຫຼຸບແຜນພັດທະນາເສດຖະກິດ-ສັງຄົມ 5 ປີ ແລະແຜນການ 5 ປີຕໍ່ໜ້າ 2020-2025 ປະກອບຄຳຄິດເຫັນໃນຫົວຂໍ້ນຳພາພັກ ຕ້ານ ແລະ ສະກັດກັ້ນປາກົດການຫຍໍ້ທໍ້ ການຍົກສູງບົດບາດການນຳພາຂອງພັກ ໃນການສ້າງໜ່ວຍພັກປອດໃສ ເຂັ້ມແຂງ ໜັກແໜ້ນຜ່ານບົດສຳຫຼວດການນຳພາລວມຂອງຄະນະບໍລິຫານງານພັກສະໄໝທີ VI ນອກນັ້ນກອງປະຊຸມຍັງຈະໄດ້ປ່ອນບັດຄັດເລືອກເອົາຄະນະບໍລິຫານງານຊຸດທີ VII ແລະ ເລືອກເອົາຜູ້ແທນສົມບູນ ສຳຮອງໄປເຂົ້າຮ່ວມກອງປະຊຸມໃຫຍ່ຂອງອົງຄະນະພັກນະຄອນຫຼວງວຽງຈັນ.
ຕອນທ້າຍກອງປະຊຸມ ຍັງໄດ້ຮັບຟັງການໂອ້ລົມຈາກສະຫາຍຮອງເລຂາຄະນະພັກ ນວ ຕື່ມອີກ.
