ນ້ຳດື່ມຫົວເສືອ ໄດ້ຈັດກິດຈະກຳຄືນກຳໄລໃຫ້ກັບຜູ້ບໍລິໂພກ ພາຍໃຕ້ໂຄງການ “ລຸ້ນຮັບໂຊກກ້ອງຝາຂາວ ກັບນ້ຳດື່ມຫົວເສືອ” ໂດຍນ້ຳດື່ມຫົວເສືອໄດ້ປ່ຽນຝາເປັນສີຂາວ ແລະ ໃນກ້ອງຝານັ້ນຍັງມີລະຫັດ 7 ຕົວເລກ ໃຫ້ຜູ້ບໍລິໂພກສາມາດສົ່ງໄປລຸ້ນໂຊກແບບງ່າຍໆ ໂດຍສົ່ງລະຫັດກ້ອງຝານ້ຳດື່ມຂະໜາດໃດກໍໄດ້ ຜ່ານທາງ WhatsApp ທີ່ເບີ 020 56733933 ແລະ ສາມາດສົ່ງຜ່ານທາງ Messenger ຂອງ Facebook Page: Tigerheadlaos.
ວັນທີ 21 ສິງຫາ 2020 ຜ່ານມາ ຢູ່ບໍລິສັດ ເບຍລາວ ຈຳກັດ ນະຄອນຫຼວງວຽງຈັນ ໄດ້ມີການແຈກໂຊກໂດຍສຸ່ມຫາຜູ້ໂຊກດີຄັ້ງທີ 4 ເຊິ່ງມີລາງວັນໃຫຍ່ຄືລົດກະບະ Isuzu D-Max ຈຳນວນ 1 ຄັນ ນອກຈາກນີ້ ຍັງມີລາງວັນສາຍຄໍຄຳນ້ຳໝັກ 2 ສະຫຼຶງຈຳນວນ 43 ລາງວັນ ແລະ ລາງວັນເງິນສົດ 8 ລ້ານກີບ ຈຳນວນ 17 ລາງວັນ ໂດຍການເຂົ້າຮ່ວມ ແລະ ກົດປຸ່ມສຸ່ມຫາຜູ້ໂຊກດີຂອງທ່ານ ບຸນທະແສງ ສີຣິສັກ ຜູ້ຈັດການອາວຸໂສ ຜະລິດຕະພັນນ້ຳດື່ມກາຫົວເສືອ ສຳລັບຜູ້ໂຊກດີທີ່ໄດ້ຮັບລົດກະບະຄັນທຳອິດຂອງໂຄງການ ຈາກການສົ່ງຝາມາລຸ້ນໂຊກ ຜູ້ທີ່ໂຊກດີຊື່ນາງ ວຽງໄຊ ຂຸນເພັງ ອາຍຸ 40 ປີ ຢູ່ບ້ານອຸດົມຜົນ ເມືອງໄຊທານີ ນະຄອນຫຼວງວຽງ ເລກລະຫັດຝາ C0K7BR5.
ໂຄງການດັ່ງກ່າວນີ້ ໄດ້ເລີ່ມຕົ້ນມາແຕ່ເດືອນກໍລະກົດ 2020 ແລະ ຈະສິ້ນສຸດລົງໃນວັນທີ 16 ຕຸລາ 2020 ມາຮອດປັດຈຸບັນ ນ້ຳດື່ມຫົວເສືອໄດ້ມີການແຈກໂຊກຜ່ານການສຸ່ມຫາຜູ້ໂຊກດີທັງໝົດ 4 ຄັ້ງ ມີຜູ້ໂຊກດີໄດ້ຮັບລາງວັນສາຍຄໍຄຳສອງສະຫຼຶງໄປແລ້ວຈຳນວນ 160 ລາງວັນ ຜູ້ໂຊກດີໄດ້ຮັບລາງວັນເງິນສົດ 8 ລ້ານກີບຈຳນວນ 60 ລາງວັນ ແລະ ລາງວັນໃຫຍ່ ຄືລົດກະບະ Isuzu D-Max ຈຳນວນ 1 ຄັນ.