ຄະນະພັກ ຄະນະສະພາປະຊາຊົນ ອົງການປົກຄອງນະຄອນຫຼວງວຽງຈັນ ແລະ ອົງການປົກຄອງເມືອງໄຊເສດຖາ ແລະ ເມືອງໄຊທານີ ເຂົ້າວາງພວງມາລາ ແລະ ກະຕ່າດອກໄມ້ ເພື່ອລະນຶກເຖິງຄຸນງາມຄວາມດີຂອງນັກຮົບປະຕິວັດ ແລະ ຜູ້ເສຍສະຫຼະຊີວິດເພື່ອປະເທດຊາດ ວັນທີ 22 ສິງຫາ 2020 ຢູ່ອະນຸສາວະລີນັກຮົບນິລະນາມ ແລະ ຫໍພິພິຕະພັນໄກສອນ ພົມວິຫານ ແລະ ສຸສານນັກຮົບຫຼັກ 24 ເນື່ອງໃນໂອກາດວັນຢຶດອຳນາດ ຄົບຮອບ 45 ປີ (23/8/1975-23/8/2020).
ການເຂົ້າຄຳນັບວາງພວງມາລາ ແລະ ກະຕ່າດອກໄມ້ຄັ້ງນີ້ ຄະນະອົງການປົກຄອງນະຄອນຫຼວງວຽງຈັນ ນຳໂດຍສະຫາຍ ສິນລະວົງ ຄຸນໄພທູນ ກຳມະການກົມການເມືອງສູນກາງພັກ ເລຂາຄະນະພັກ ເຈົ້າຄອງນະຄອນຫຼວງວຽງຈັນ ຄະນະປົກຄອງເມືອງໄຊເສດຖາ ສະຫາຍ ໂພຄຳ ໄຊຍະສອນ ຄະນະພັກນະຄອນຫຼວງ ເລຂາພັກເມືອງ ເຈົ້າເມືອງໄຊເສດຖາ ຄະນະພັກເມືອງໄຊທານີ ສະຫາຍ ຄຳປະດິດ ເຂັມມານິດ ຄະນະພັກ ນະຄອນຫຼວງວຽງຈັນ ເລຂາພັກເມືອງ ເຈົ້າເມືອງໄຊທານີ ຄະນະກອງບັນຊາການທະຫານນະຄອນຫຼວງວຽງຈັນ ນຳໂດຍສະຫາຍ ພົນຈັດຕະວາ ສີພອນ ຈັນສົມວົງ ຫົວໜ້າການເມືອງ ກອງບັນຊາການທະຫານ ນະຄອນຫຼວງວຽງຈັນ ແລະ ຄະນະປ້ອງກັນຄວາມສະຫງົບ ສະຫາຍ ພັນເອກ ສຸພະຈັນ ບຸດດາຄຳ ຫົວໜ້າກອງບັນຊາການປ້ອງກັນ ຄວາມສະຫງົບນະຄອນຫຼວງວຽງຈັນ.
