ທຸກຄັ້ງເມື່ອບັນຊາເຂົາລົດຈັກ ຫຼື ພວງມາໄລລົດໃຫຍ່ທຸກຄົນ ຕ້ອງສາຍພາບກົດຈະລາຈອນໃນຈໍສະໝອງເບິ່ງທຸກຄັ້ງ ຍິ່ງໄປກວ່ານັ້ນ ກໍຕ້ອງນຶກໃຫ້ເຫັນພາບເສັ້ນທາງທີ່ຈະໄປ ວ່າໃກ້-ໄກສ່ຳໃດ ຫຍຸ້ງຍາກ ສະດວກສະບາຍຄືແນວໃດ ເພື່ອກຳນົດຄວາມໄວ ແລະ ເວລາທີ່ຕ້ອງໄປເຖິງເປົ້າໝາຍ ການກະ ຫຼື ຊັ່ງຕວງເວລາລ່ວງໜ້າ ຈະເຮັດໃຫ້ເຮົາບໍ່ຟ້າວຟັ່ງ ແລະ ບໍ່ຊັກຊ້າເກີນໄປໃນການເລັ່ງລົດ ອຸບັດເຫດສ່ວນໃຫຍ່ເກີດຂຶ້ນຈາກການບໍລິຫານເວລາຜິດພາດ ເຊັ່ນ: ໃຊ້ເວລາສັ້ນໆເພື່ອເດີນທາງໄກ ໃກ້ກອງປະຊຸມຊິເປີດ ຫຼື ໃກ້ໂມງເຂົ້າການແລ້ວຈຶ່ງຟ້າວຟັ່ງອອກຈາກເຮືອນ ຂໍຢ້ຳອີກເທື່ອໜຶ່ງ ຄື: ນອກຈາກຮູ້ແຈ້ງແທງຊອດ ແລະ ປະຕິບັດຕາມກົດຈະລາຈອນແລ້ວ ເລື່ອງການກະຕວງເວລາໄວ້ລ່ວງໜ້າ ແມ່ນສິ່ງສຳຄັນທີ່ສຸດ.
