ແອ ຈິ໋ວ ໄດ້ໝາກບານເປັນຂອງຂວັນຈາກທາງໂຮງຮຽນ ໃນວັນເດັກນ້ອຍສາກົນ ວັນທີ 1 ມິຖຸນາ ແຕ່ລະມື້ ແອ ຈິ໋ວ ເຕະບານບໍ່ຢູ່ ບໍ່ເຊົາ ບານຟົ້ງໄປຕຳຊະຊາຍ ລວມທັງຝາເຮືອນຄົນເຮືອນໃກ້ ຄົນເຮືອນໃກ້ທົນບໍ່ໄຫວ ແຕ່ຊິຮ້າຍຊິດ່າກໍຢ້ານຜິດໃຈກັນ ເຊົ້າໜຶ່ງ ຊາຍຄົນເຮືອນໃກ້ໄດ້ເອີ້ນ ແອ ຈິ໋ວ ໄປຫາ ແລ້ວປ້ອງປາກເວົ້າສິ່ງໃດສິ່ງໜຶ່ງກັບ ແອ ຈິ໋ວ ພໍກັບຈາກພົບກັບຊາຍເຮືອນໃກ້ ແອ ຈິ໋ວ ກໍຮີບຈັບເອົາມີດມາປາດໝາກບານຈົນຂາດເຄິ່ງ ຜູ້ພໍ່ເຫັນແນວນັ້ນ ເລີຍທ້ວງຂຶ້ນວ່າ:
“ເອົາ! ຕາຍໆ ເຫດໃດຈຶ່ງປາດໝາກບານ ?.”
ແອ ຈິ໋ວ ຕອບວ່າ:
“ລຸງເຮືອນໃກ້ບອກລູກວ່າ ຢູ່ຂ້າງໃນໝາກບານມີເຂົ້າໜົມຊົກໂກແລັດ… ລູກປາດຊອກຫາຊົກໂກແລັດ!”.