ຫາກເປັນສາຍ Lightning ຫຼື ອຸປະກອນເສີມຂອງ Apple ຈະມີວິທີການເລືອກງ່າຍໆ ຄືເລືອກອຸປະກອນທີ່ Certified by Apple ຫຼື ທີ່ເຮົາຄຸ້ນເຄີຍກັນໃນສັນຍະລັກ MFi (Made for iPhone ແລະ ອື່ນໆ) ຊຶ່ງອຸປະກອນເສີມທີ່ມີເຄື່ອງໝາຍນີ້ ໝາຍເຖິງວ່າໄດ້ຮັບການຮັບຮອງຈາກ Apple ແລ້ວ ແຕ່ຫາກເປັນສາຍ USB-C ທົ່ວໆໄປ ສຳລັບສະມາດໂຟນ Android ເດ ຈະເລືອກແນວໃດດີ ?.
ສາຍ USB-C ທີ່ບໍ່ໄດ້ມາດຕະຖານ ຈະບໍ່ສາມາດເຮັດວຽກທີ່ຄວາມໄວສູງສຸດ ຫຼື ເຮັດວຽກໄດ້ເຕັມປະສິດທິພາບ ຫຼືສາຍບາງຊະນິດກໍປ່ອຍໄຟເກີນທີ່ກຳນົດ ຊຶ່ງອາດເຮັດໃຫ້ອຸປະກອນໄດ້ຮັບຄວາມເສຍຫາຍຈາກໄຟທີ່ເກີນໄດ້ ສຳລັບໃຜທີ່ກັງວົນເລື່ອງມາດຕະຖານ ຫຼືຄວາມປອດໄພໃນຕົວສາຍ USB-C ມີວິທີເລືອກງ່າຍໆ 3 ວິທີຄື.
ວິທີທີ 1: ເລືອກຈາກຍີ່ຫໍ້ທີ່ໜ້າເຊື່ອຖື ເຊັ່ນ Huawei, Samsung ແລະ Apple ເປັນຕົ້ນ.
ວິທີທີ 2: ຫາສັນຍະລັກ SuperSpeed+ (SS+) ແຕ່ບາງສາຍອາດໃຊ້ໂລໂກເກົ່າຢ່າງ SS ປົກກະຕິ ຊຶ່ງໝາຍເຖິງການມອບປະສິດທິພາບຄວາມໄວໂອນຖ່າຍຂໍ້ມູນທີ 10Gbps.
ວິທີທີ 3: ເບິ່ງສັນຍະລັກ USB Generation ສະແດງວ່າສາຍດັ່ງກ່າວຜ່ານການຮັບຮອງມາແລ້ວ ອີກທັງຍັງສາມາດຈຳແນກຮຸ່ນຂອງ USB ເຊັ່ນ 3.0 ຫຼື 3.1 ໄດ້ຢ່າງຊັດເຈນອີກດ້ວຍ.
ສ່ວນສາຍ Thunderbolt ນັ້ນ ມີລັກສະນະທີ່ເໝືອນກັບ USB-C ທົ່ວໆໄປ ແຕ່ໃນແງ່ການໃຊ້ງານຈິງນັ້ນແຕກຕ່າງຢ່າງສິ້ນເຊິງ ໂດຍສະເພາະເລື່ອງຄວາມໄວທີ່ເໜືອກວ່າຫຼາຍ ໂດຍ Thunderbolt ຄວາມຍາວ 0,5 ແມັດ ສາມາດໂອນຖ່າຍຂໍ້ມູນໄດ້ໄວເຖິງ 40Gbps ແຕ່ເມື່ອຍິ່ງສາຍຍາວຫຼາຍຂຶ້ນເທົ່າໃດ ຄວາມໄວຈະຍິ່ງຕົກລົງ.
ຫາກຕ້ອງການໃຊ້ງານ Thunderbolt ກໍຕ້ອງໝັ້ນໃຈອຸປະກອນຮອງຮັບດ້ວຍ ບໍ່ດັ່ງນັ້ນ ຊື້ມາເສຍເງິນລ້າເພາະລາຄາແພງກວ່າ USB-C ທົ່ວໄປພໍສົມຄວນ.