ໃນພິທີເປີດງານວາງສະແດງ ແລະ ຈຳໜ່າຍງານວາງສະແດງ ແລະ ຈຳໜ່າຍສິນຄ້າ ໜຶ່ງເມືອງໜຶ່ງຜະລິດຕະພັນ (ODOP) ແລະ ສິນຄ້າຄອບຄົວຕົວແບບຂອງນະຄອນຫຼວງວຽງຈັນ (ນວ) ຄັ້ງທີ VII ວັນທີ 17 ສິງຫາ 2020 ທີ່ສູນການຄ້າລາວ-ໄອເຕັກ ນວ ທ່ານ ໄຊສົມເພັດ ນໍຣະສິງ ຫົວໜ້າກົມສົ່ງເສີມການຄ້າ ກະຊວງອຸດສາຫະກຳ ແລະ ການຄ້າ ໃຫ້ກຽດມອບໃບຢັ້ງຢືນສິນຄ້າໜຶ່ງເມືອງໜຶ່ງຜະລິດຕະພັນໃຫ້ຫົວໜ່ວຍສິນຄ້າ ODOP ຂອງ ນວ ຈຳນວນ 5 ຫົວໜ່ວຍ ເຊິ່ງປະກອບມີ ວິສາຫະກິດສ່ວນບຸກຄົນ ໂຮງງານຜະລິດກາແລັມບ້ານໆ ເປັນຫົວໜ່ວຍລຳດັບທີ 10 ຂອງເມືອງໄຊເຊດຖາ ເປັນລຳດັບ 52 ຂອງ ນວ ມີ 6 ຜະລິດຕະພັນ ວິສາຫະກິດສ່ວນບຸກຄົນ ໂຮງຊ່າງຫັດຖະກຳຟ້າວັດທະນາ ເປັນຫົວໜ່ວຍລຳດັບທີ 7 ຂອງເມືອງຈັນທະບູລີ ເປັນລຳດັບ 53 ຂອງ ນວ ມີ 19 ຜະລິດຕະພັນປະເພດເຄື່ອງເງິນ ວິສາຫະກິດສ່ວນບຸກຄົນຫັດຖະກຳໄຄສີ ເປັນຫົວໜ່ວຍລຳດັບທີ 7 ຂອງເມືອງສີໂຄດຕະບອງ ເປັນລຳດັບທີ 54 ຂອງ ນວ ມີ 4 ຜະລິດຕະພັນປະເພດຜ້າໄໝ ແລະ ກະເປົ໋າ ກຸ່ມຫັດຖະກຳຕີເຫຼັກ ບ້ານດອນສ້າງໄຜ່ ເປັນຫົວໜ່ວຍລຳດັບທີ 5 ຂອງເມືອງປາກງື່ມ ເປັນລຳດັບທີ 55 ຂອງ ນວ ມີ 6 ຜະລິດຕະພັນ ແລະ ກຸ່ມໂຮງສີຜະລິດເຂົ້າຫອມສັງທອງ ເປັນລຳດັບທີ 3 ຂອງເມືອງສັງທອງເປັນລຳດັບ 56 ຂອງ ນວ ມີ 1 ຜະລິດຕະພັນປະເພດເຂົ້າຫອມສັງທອງ.