ໝາກນັດເປັນໝາກໄມ້ຊະນິດໜຶ່ງທີ່ແຊບ ແລະ ເປັນໝາກໄມ້ທີ່ໃຫ້ປະໂຫຍດຫຼາຍຢ່າງ ເພາະມີວິຕາມິນຫຼາຍຊະນິດເຊັ່ນ: ວິຕາມິນ C ແມງການິດ ວິຕາມິນ B1 B6 ໄຟເບີ ແຄວຊຽມ ທີ່ຊ່ວຍເພີ່ມພູມຕ້ານທານ ແລະ ເຮັດໃຫ້ເຮົາມີສຸຂະພາບແຂງແຮງ.
1. ຊ່ວຍໃຫ້ສຸຂະພາບຂອງຫົວໃຈແຂງແຮງຂຶ້ນ: ເພາະໝາກນັດເຮັດໃຫ້ເລືອດໄຫຼວຽນໄດ້ ງ່າຍ ຖ້າເລືອດໄຫຼວຽນດີ ຈະເຮັດໃຫ້ຫຼຸດຄວາມສ່ຽງເປັນພະຍາດຫຼອດເລືອດໃນສະໝອງ ພະຍາດຫົວໃຈ ແລະ ບັນຫາກ່ຽວກັບລະບົບໄຫຼວຽນຂອງເລືອດ.
2. ປ້ອງກັນອະນຸມູນອິດສະຫຼະ: ເພາະໝາກນັດມີວິຕາມິນ C ຫຼາຍ ຊ່ວຍໃນການຕ້ານອະນຸມູນອິດສະຫຼະໄດ້ດີ ປ້ອງກັນອະນຸມູນອິດສະຫຼະທີ່ທຳລາຍເຊວປົກກະຕິ ແລະ ກໍ່ໃຫ້ເກີດມະເຮັງ.
3. ຕ້ານການອັກເສບ: ໝາກນັດສາມາດຊ່ວຍຕ້ານການອັກເສບ ເສີມສ້າງການເຮັດວຽກ ຂອງເອນໄຊ ເຊິ່ງເປັນໂຕສົ່ງຜົນກະທົບຫຼັກໃນການກໍ່ໃຫ້ເກີດການບວມ ແລະ ການອັກເສບ ຫຼຸດການປວດເມື່ອຍ ຫຼື ຂໍ້ອັກເສບ.
4. ປ້ອງກັນມະເຮັງ: ໝາກນັດປ້ອງກັນຄວາມເສຍຫາຍຈາກອະນຸມູນອິດສະຫຼະ ແລະ ມີປະໂຫຍດໃນການຕ້ານການອັກເສບ ແລະ ຍັງສາມາດຫຼຸດຂະໜາດຂອງເນື້ອງອກ ແລະ ສາມາດ ກຳຈັດອອກໄດ້.
5. ເຮັດໃຫ້ກະດູກ ແລະ ຜິວສຸຂະພາບດີ: ໝາກນັດອຸດົມດ້ວຍຟອດສະຟໍລັດ ແມັງການິດ ແລະ ແຄວຊຽມ ເຊິ່ງຈະເຮັດໃຫ້ກະດູກແຂງແຮງ ເຊິ່ງແມງການິດຍັງຮັກສາບາດແຜ ແລະ ເຮັດໃຫ້ຜິວເປັ່ງປັ່ງ ສົດໃສ.
6. ຊ່ວຍຍ່ອຍອາຫານໄດ້ດີ: ໝາກນັດຈະດີຕໍ່ລຳໄສ້ ເຮັດໃຫ້ຍ່ອຍອາຫານໄດ້ດີ ຊ່ວຍທຳຄວາມສະອາດກັກເກັບນ້ຳ ແລະ ຍັງບັນເທົາອາການເຈັບທ້ອງໄດ້ອີກດ້ວຍ.
7. ເປັນຢາດີໄອ: ດ້ວຍການກິນນ້ຳໝາກນັດຈະສາມາດເປັນຢາແກ້ໄອໄດ້ ເພາະມີຄຸນສົມບັດໃນການຕ້ານການອັກເສບ ແລະ ບັນເທົາອາການໄອ ຖ້າດີແທ້ ກໍຄວນເພີ່ມນ້ຳເຜິ້ງລົງເລັກໜ້ອຍ ເພາະຈະຊ່ວຍແກ້ບັນຫາການຕິດເຊື້ອໄດ້.
ວ.ດາລາວົງ-ນຳສະເໜີ