ສູນເລືອດແຫ່ງຊາດ ອົງການກາແດງລາວ ຮ່ວມກັບພະແນກແຮງງານ ແລະ ສະຫວັດດີການ-ສັງຄົມ ຈັດກອງປະຊຸມປຶກ ສາຫາລືກ່ຽວກັບວຽກງານການປຸກລະດົມ ບໍລິຈາກເລືອດແບບສະໝັກໃຈ ບໍ່ຮຽກຄ່າຕອບແທນ ໃນວັນທີ 11 ສິງຫາ 2020 ທີ່ສູນເລືອດແຫ່ງຊາດ ໂດຍມີທ່ານນາງ ລຳພອຍ ສີອັກຄະຈັນ ຫົວໜ້າພະແນກແຮງງານ ແລະ ສະຫວັດດີການສັງຄົມ ນະຄອນຫຼວງວຽງຈັນ (ນວ) ທ່ານ ຈັນທະລາ ສຸກສາຄອນ ຫົວໜ້າສູນເລືອດແຫ່ງຊາດ ພ້ອມດ້ວຍທ່ານຮອງຫົວໜ້າ ພະແນກ ທ່ານຮອງເຈົ້າເມືອງ ຜູ້ຕາງໜ້າຈາກພະແນກການ ອົງການຈັດຕັ້ງມະຫາຊົນພາຍໃນ ນວ ແລະ ພາກສ່ວນກ່ຽວ ຂ້ອງເຂົ້າຮ່ວມ.
ທ່ານ ແພງທອງ ບານຈັນທະວົງ ຮອງຫົວໜ້າສູນເລືອດ ໄດ້ລາຍງານກ່ຽວກັບການປະກອບສ່ວນບໍລິຈາກເລືອດຈາກ ພາກສ່ວນຕ່າງໆໃນ ນວ ໄລຍະຜ່ານມາ ເຫັນວ່າມີຫຼາຍພາກສ່ວນໄດ້ໃຫ້ການຮ່ວມມືປະກອບສ່ວນບໍລິຈາກເລືອດໄດ້ດີສົມ ຄວນ ເຊິ່ງມີຫຼາຍໜ່ວຍງານໄດ້ສືບຕໍ່ໃຫ້ການປະລິຈາກເລືອດຢ່າງຕໍ່ເນື່ອງ ລວມທັງບາງເມືອງ ແຕ່ຂະບວນການດັ່ງກ່າວເມື່ອ ທຽບກັບເປົ້າໝາຍທີ່ວາງໄວ້ ແມ່ນບໍ່ສາມາດບັນລຸໄດ້ ມີບາງພາກສ່ວນຍັງບໍ່ທັນໃຫ້ການຮ່ວມມືໄດ້ດີເທົ່າທີ່ຄວນ ສ່ວນໃຫຍ່ ການປະກອບສ່ວນຍັງບໍ່ຮວມສູນ ຈາກສະຖິຕິ 6 ເດືອນຕົ້ນປີ 2020 ພະແນກການທີ່ໄດ້ຈັດກິດຈະກຳໃຫ້ການບໍລິຈາກເລືອດ ມີພະແນກຖະແຫຼງຂ່າວ ວັດທະນະທຳ ແລະ ທ່ອງທ່ຽວ ມີຮ່ວມບໍລິຈາກຈຳນວນ 25 ຄົນ ແລະ ອົງການປົກຄອງເມືອງ ປາກງື່ມ ຈັນທະບູລີ ສັງທອງ ແລະ ເມືອງນາຊາຍທອງ ເມືອງທີ່ປະກອບສ່ວນຫຼາຍກວ່າໝູ່ແມ່ນ ເມືອງປາກງື່ມ ຈຳນວນ 27 ຄົນ.
ທີ່ປະຊູມໄດ້ເປັນເອກະສັນ ຈະຮ່ວມກັນຈັດກິດຈະກຳຮັບບໍລິຈາກເລືອດເນື່ອງໃນໂອກາດວັນທີ 23 ສິງຫາ ວັນຍຶດອຳ ນາດທີ່ໝູນວຽນມາຄົບຮອບອີກວາລະໜຶ່ງ (ສ່ວນວັນເວລາ ສະຖານທີ່ ແມ່ນຈະແຈ້ງໃຫ້ຊາບຕາມພາຍຫຼັງ) ເຊິ່ງສາມາດຕິດ ຕາມໄດ້ໃນໜັງສືພິມວຽງຈັນໃໝ່ ແລະ ເພຈ Vientiane Mai ໃນໂອກາດຕໍ່ໄປ.