ງານວາງສະແດງລົດ ແລະ ອຸປະກອນຕົບແຕ່ງລົດ (Vientiane Center Motor Show 2020) ຈັດຂຶ້ນວັນທີ 25 ກໍລະກົດ – 2 ສິງຫາ 2020 ພາຍໃຕ້ຫົວຂໍ້ ທ່ອງທ່ຽວປອດໄພ ໃສ່ໃຈສິ່ງແວດລ້ອມ ທີ່ສູນການຄ້າວຽງຈັນເຊັນເຕີ ນະຄອນ ຫຼວງວຽງຈັນ ມີທ່ານ ວຽງມະນີ ຢົງລໍ້ຢ່າງ ຮອງຫົວໜ້າພະແນກສົ່ງເສີມການຕະຫຼາດ ກົມສົ່ງເສີມການຄ້າ ກະຊວງອຸດສາ ຫະກຳ ແລະ ການຄ້າ ທ່ານ Peng Teng ຫົວໜ້າຄະນະບໍລິຫານສູນການຄ້າວຽງຈັນເຊັນເຕີ ແລະ ຕຶກສຳນັກງານ ທ່ານນາງ ນວນສີ ມະຫັດທະນະວິໂຣດ ຮອງຜູ້ອຳນວຍການສູນການຄ້າວຽງຈັນເຊັນເຕີ ບັນດາຜູ້ບໍລິຫານບໍລິສັດ ຕົວແທນຈຳໜ່າຍພາຫະນະຈາກພາກສ່ວນຕ່າງໆ ລວມທັງຄະນະຜູ້ບໍລິຫານສູນການຄ້າວຽງຈັນເຊັນເຕີ ແລະ ແຂກຖືກເຊິນເຂົ້າຮ່ວມ.
ທ່ານນາງ ນວນສີ ມະຫັດທະນະວິໂຣດ ໄດ້ກ່າວວ່າ: ງານ Vientiane Center Motor Show ເປັນງານປະຈຳປີຂອງສູນການຄ້າວຽງຈັນເຊັນເຕີ ເຊິ່ງປີນີ້ກໍໄດ້ຈັດຂື້ນເປັນປີທີ 4 ແລ້ວ ໂດຍງານດັ່ງກ່າວນີ້ ຈັດຂຶ້ນເພື່ອວາງສະແດງລົດ ແລະ ອຸປະກອນຕົບແຕ່ງລົດ ໃຫ້ຄວາມຮູ້ກ່ຽວກັບປະກັນໄພ ແລະ ການຂັບຂີ່ ເພື່ອເປັນການຕອບສະໜອງຄວາມຕ້ອງການໃນການຊົມໃຊ້ໃຫ້ແກ່ລູກຄ້າ ເຊິ່ງເປັນອີກທາງເລືອກໜຶ່ງໃນການຕັດສິນໃຈຊື້ພາຫະນະທີ່ມີຄຸນນະພາບ ແລະ ເໝາະສົມຕາມຄວາມຕ້ອງການ ພ້ອມທັງມີລາຍການພິເສດຫຼາຍຢ່າງຈາກບໍລິສັດຕົວແທນຈຳໜ່າຍລົດທີ່ເຂົ້າຮ່ວມ ກຽມມາເພື່ອງານຄັ້ງນີ້ໂດຍສະເພາະ ບັນດາບໍລິສັດຕົວແທນຈຳໜ່າຍພາຫະນະຊັ້ນແນວໜ້າ ແລະ ຜູ້ສະໜັບສະໜູນໃນງານຄັ້ງນີ້ ມີ: ບີວາຍດີ ບີບີ ໂອໂຕ ຊ໊ອບ ອີລິດມໍເຕີ້ສະປອດສ໌ ລາວຟອດຊີຕີ ຈີເອຊີມໍເຕີ ຮອນດາ ໂຄລາວ ມັສດ້າ ເອັມຈີ ນິສສັນ ຕັນຈົງມໍເຕີ ສະຕາ ສອງພັນໜຶ່ງ ແລະ ອື່ນໆ ພ້ອມນີ້ມີບໍລິສັດປານຄຳຈຳປາ ໂຮງຮຽນສອນຂັບຂີ່ທົ່ງສາງນາງ ເອັສທີ-ເມືອງໄທປະກັນໄພ ເມເຈີແພັດຕິ ນ້ຳຊີນີເພັກ ໂທລະພາບນະຄອນຫຼວງ ສຸກ ເມັກອັບ ບີວິເສິນ ແລະ ຊິວໂຣດ ມີເດຍ.