ສະໂມສອນ ວຽງຈັນ ຢູໄນເຕັດ ຈັດພິທີເປີດຕົວທີມ ແລະ ຜູ້ສະໜັບສະໜູນເປັນທາງການ ຂຶ້ນວັນທີ 23 ກໍລະກົດ 2020 ຢູ່ສູນການຄ້າທາດຫຼວງພລາຊາ ເພື່ອກຽມທີມເຂົ້າຮ່ວມການແຂ່ງຂັນ ຄອມມານໂດ ລາວລີກ 2 ລະດູການ 2020 ໂດຍມີທ່ານ ວຽງສະຫວັນ ແສງຈັນ ຮອງປະທານສະຫະພັນບານເຕະ ນະຄອນຫຼວງວຽງຈັນ ທ່ານ ວັດທະນາ ສີວິໄຊ ປະທານສະໂມສອນ ວຽງຈັນ ຢູໄນເຕັດ ທ່ານ ໄກສອນ ໄຊຍາວົງ ຫົວໜ້າຄູເຝິກ ສະໂມສອນ ວຽງຈັນ ຢູໄນເຕັດ ແລະ ພາກສ່ວນກ່ຽວຂ້ອງເຂົ້າຮ່ວມ.
ໂອກາດນີ້ ຍັງໄດ້ລົງນາມສັນຍາກັບຜູ້ສະໜັບສະໜູນຫຼັກ ເຊັ່ນ: ເວັບໄຊທ໌ ລາວອອນລາຍ 88 MY WAY ເຄື່ອງກີລາພິມລາຍ Biz production ເດີ່ນບານເຕະຫຍ້າທຽມຮ່ອງຄ້າ ສູນການຄ້າທາດຫຼວງ ພລາຊາ Carlsberg Thunder group ແລະ Keolatsavong ທັງເປີດຕົວຊຸດແຂ່ງ 4 ສີ ຕື່ມອີກ.
ວຽງຈັນ ຢູໄນເຕັດ ຈະລົງສະໜາມນັດທຳອິດໃນການແຂ່ງຂັນບານເຕະ ລາວລີກ 2 ພົບ ກອງທັບ ເອັຟຊີ ວັນທີ 25 ກໍລະກົດ 2020 ເວລາ 16:00 ໂມງ ຢູ່ສະໜາມກີລາບານເຕະຫຍ້າທຽມ ສະຫະພັນບານເຕະແຫ່ງຊາດລາວ ບ້ານຫ້ວຍຫົງ ເມືອງຈັນທະບູລີ ນະຄອນຫຼວງວຽງຈັນ.